Nehemi 2:20 - Gourmanchéma Bible

²⁰ N den guani ba yaa maama n tie ne: «U Tienu yua n die tanpoli baa teni tin tuuni yaa tuonli n juodi bonŋanla. Tinba o naacenba, ti baa fii ki maa. Ama yinba, yii pia biinu, yii pia sanuba Jelusalema ne niinni. Bi kan tiadi yipo mo lienni.»

U TIENU MAAMA TILI 2013

²⁰ N den guani ba yaa maama n tie ne: «U Tienu yua n die tanpoli baa teni tin tuuni yaa tuonli n juodi bonŋanla. Tinba o naacenba, ti baa fii ki maa. Ama yinba, yii pia biinu, yii pia sanuba Jerusalemi ne niinni. Bi kan tiadi yi po lienni mo.»

Nehemi 2:20 ပူးပေါင်းရင်းမြစ်များ

2 Bi Badiba Jama 26:5

O den tieni ania ki lingi U Tienu Sakali miali dana nni, yua n den pia mi yanfuoma U Tienu bonlekaala po. Lanwani wan den lingi Li Miali Diedo yaa yogunu kuli, U Tienu mo den todi o.

Esidirasi 4:3

Ama Solobabeli leni Josue leni Isalele yaaba diedanba yaaba n sieni den goa ki yedi ba: «Laa dagidi yin taani leni ti ki maa U Tienu diegu. Ti baa maa gu tinba tibebe kelima ku baa yaa tie li Miali Diedo Isalele yaaba Tienu diegu. Baa Pelisa diema bado Silusa den bili yeni.»

Nehemi 1:4

Min den gbadi laa bonla kuli, n den kali ki buudi. N den ye leni li paboanli ki luo bu ñoabu dana boncianla, ki jaandi ki miadi U Tienu yua n ye tanpoli,

Nehemi 2:4

O bado den yedi nni: «A bua be?» N den jaandi ki mia U Tienu yua n die tanpoli,

Esiteri 4:11

«O bado naacenba kuli leni o diema yaaba kuli bani ke li bali maama bili ke lan tie yua kuli, li yaa tie ja bi pua, o yaa kua o bado luolu nni ke waa yini o, o baa kpe, se bonyenla bebe, yua kua ke o bado tandi opo o badigbiamu yu n tie wula, wani n baa faabi. Ama mini mo, li pundi dana piitaa ke o bado ki yini nni.»

Pisomi 102:17

Yeni de, Li Miali Diedo baa goa ki maa Siyono O baa doagidi o yuli o kpiagidi nni.

Pisomi 122:6

Mia mani mi yanduanma Jelusalema po ki yedi: «Yaaba n bua fini Jelusalema kuli n yaa ye leni mi yanduanma!

Pisomi 20:5

Wan yaa puuni a a pali n bua yaala. Ki teni ŋan jagi yaala kuli n tieni.

Pisomi 35:27

Yaaba yaa pala n mani n moamoani po yeni N kpaani ki mangi bi pala. Ban yaa tua: «Li Miali Diedo yeli n baa ti pagidi, Wani yua n bua o naacemo po mi yanduanma yeni.»

Pisomi 51:18

Ŋaa bua padili, lani yaaka n bi baa padi apo, Ŋaa bua baa padijuukaali moko.

Mi Ñama 28:29

Alono yaa baa kua u *kaangagidiŋamu nni o baa yaa laa o benli po Isalele bijaba yaa yela, ya n diani li benliadili po. Lani n baa tie mini Li Miali Diedo po mi tiadima bonla yogunu kuli po.

O Yanfuodaano 7:18

Li ŋani ŋan kubi line, ki da tuo line mo n ŋmadi a: Kelima yua n fangi U Tienu baa baa gaapo lan tie yaala kuli yaa niinni.

Esayi 56:5

N baa pa ba n diegu nni Leni n bilini nni, yaa kaanu leni yaa yeli N ŋani ki cie a bonjala leni a bonpola. N baa pa ba yaa yeli n baa ye yaa yogunu kuli, Ke liba kuli kan fidi ki bolini laa yeli.»

Levi 2:2

O baa taa ki gedini Alono bijaba, bi kopadicianba kani. O kopadiciamo baa yidi mi yonŋanma yeni nukuli ke mi kpama leni a dugibila kuli ye lienni. O baa sia likuli li *padibinbinli po ki doagidi ke li padili yeni kuli tie Li Miali Diedo po. Li tie yaa padili yaa nuulu n mani Li Miali Diedo po.

Levi 24:7

Yin go taa yaa *dugibila n ŋani bonŋanla ki sieni dupen kpamu kuli kani, a dugibila yeni baa tie mi tiadima bonla ki maa dupen yeni po ki juu leni mi fantama Li Miali Diedo nintuali.

Sakari 6:14

Mu badifogilimu baa yaa ye mini Li Miali Diedo diegu nni ki tie yaala n tiadi Helidayi leni Tobija leni Yedayeya leni Sofoni bijua, Josiasi.»

Mi Coadima 10:10

Yi pamanli dana nni, yi *jaanma dana nni, leni yi ŋmapaani dana nni, yi baa piebi kakacinba, ki padi yi padijuukaana, leni yi taanyenma pada. Lani n baa tua yipo mi tiadima yi Tienu nintuali. N tie Li Miali Diedo yi Tienu.»

Jesu Tondiba Tuona 10:31

‹Koneya, U Tienu gbadi a jaandi ki go tiani a todima a luoda po.

Jesu Tondiba Tuona 10:4

O den noanli maleki ke ti jawaandi cuo o ke o yedi o: «N Daano, a yedi be?» Maleki den goa ki yedi o: «A jaandi leni a ŋanma a luoda po pundi U Tienu kani ke waa sundi lipo.

Jesu Tondiba Tuona 8:21

Ŋaa pia biinu leni ŋantaadoba kuli li naa tuonli nni, kelima a pali naa tiegi U Tienu nintuali.