Nehemi 2:1 - Gourmanchéma Bible

¹ O bado Alitakiselisesi bali binpiiliedi binli, yaa ŋmaalo n yi Nisan yaa niinni, duven den se wani o bado nintuali ke n taa duven yeni ki teni o. N pali daa den kpa biidi o kani.

U TIENU MAAMA TILI 2013

¹ O bado Aritakiselisesi bali binpiiliedi binli, yaa ŋmaalo n yi Nisan yaa niinni, duven den se wani o bado nintuali, ke n taa duven yeni ki teni o. N pali daa den kpa biidi o kani nani landaali.

Nehemi 2:1 ပူးပေါင်းရင်းမြစ်များ

Mi cilima 40:11

Falono den kubi wan ñu leni yaa tiagu o nuu nni. N den taa li bonluonkaala ki nugi ki ñani li ñima ki kuodi ma Falono n den kubi yaa tadiñokaaga o nuu nni yeni.»

Mi cilima 40:21

o den teni ke bi ñani yua n tugi yaaba n tendi o o bonñokaala kuli yaa yuli leni yua n tugi yaaba n die o bonjekaala kuli yaa yuli li kpaadidieli nni. O den teni ke yua n tugi yaaba n tendi o o bonñokaala kuli yaa yuli goa ki cili o tuonli, ki mubini o o tadiñokaaga.

Esidirasi 4:7

Pelisa bado Alitakiselisesi yogunu, Biselami, Mitiledati, Tabeeli leni bi lieba moko den diani li tili ki soani o bado kani. Bi den diani li tili yeni leni Alama yaa diani ki soagini Alama mabuolu nni.

Esidirasi 7:1

Lan den ye ki ye ke Esidilasi den ti kpeni Jelusalema, Pelisa diema bado Alitakiselisesi bali yogunu. Esidilasi yeni den tie Selaja bijua, o kopadicianba bado Alono puoliŋuanu yua. Alono den mali Eleyasala, Eleyasala n maa Finea, Finea n maa Abisua, Abisua n maa Buki, Buki n maa Usi, Usi n maa Selaya, Selaya n maa Melajoti, Melajoti n maa Asaliya, Asaliya n maa Amalia, Amalia n maa Ahitubi, Ahitubi n maa Tisadoki, Tisadoki n maa Salumi, Salumi n maa Hilikiya, Hilikiya n maa Asaliya, Asaliya n maa Selaja, Selaja mo n maa Esidilasi.

Esidirasi 7:7

O bado Alitakiselisesi bali binleleeli binli, Isalele yaaba siiga bi tianba leni bi kopadiciantianba leni Lefi buolu yaaba bi tianba leni bi yanyanba bi tianba leni a buliñoaguuda bi tianba leni U Tienu diegu naacenba bi tianba den yegi leni

Nehemi 1:1

Hakalia bijua Nehemi maama togida: Pelisa bado Alitakiselisesi bali binpiiliedi binli, yaa ŋmaalo n yi Kisile yaa niinni, mini Nehemi den ye u dociamu Suse nni.

Nehemi 1:11

N Diedo, ŋan cengi mini a naacemo n miadi a yaala leni a naacenba yaaba n bua ki fangi a yeli n miadi a yaala. Teni ke mini a naacemo sanu n pendi dinla, ki go teni min baa ki nunmanga o bado kani.» Laa yogunu n den tie yua n tendi wani o bado o bonñokaala.

Esiteri 3:7

O bado Asuelusi bali piiga n binlieli binli o ŋmakpialo, ban yi yua Nisan yaa niinni, Hamana den teni ke bi luni Pulimi, lani n tie tiatia. Bi den toani tiatia yeni ki bua ki le ban baa taa yaa ŋmaalo leni yaa daali ki bolini Jufinba. Tiatia den cuo piiga n cilie, ban yi yua Adadi.

Danieli 9:25

Lanwani ŋan bandi ki ga min baa yedi a yaala ne: A yaa cili ki coadi hali mi maama n ñani ki yedi ke Isalele yaaba baa goa ki kuni bi denpo, ke bi go baa goa ki maa Jelusalema, ki pundi hali o yudangagidika cuama, li baa yaa tie bina lele taalima lele. Bi go baa yaa maa Jelusalema ñiana ki go lindi yaala n baa yaa guu ŋa bu toabu po, lan pundi hali bina lele taalima piiluoba n milie. Ama li yogunu baa tie fala yogunu.