Nehemi 13:10 - Gourmanchéma Bible

¹⁰ N go den gbadi ke baa tendi Lefi buolu yaaba lan bili ban yaa tendi ba yaala, ke bani leni bi yanyanba, yaaba n den kubi U Tienu diegu tuonli mo, den sani ke yua kuli gedi o kuanu po.

U TIENU MAAMA TILI 2013

¹⁰ N go den gbadi ke baa tendi Levi buolu lan bili ban yaa tendi ba yaala, ke bani leni bi yanyinba, yaaba n den kubi U Tienu diegu tuonli mo den sani, ke yuakuli gedi o kuanu po.

Nehemi 13:10 ပူးပေါင်းရင်းမြစ်များ

2 Bi Badiba Jama 31:4

O bado den yedi ke yaaba n ye Jelusalema n teni lan den bili ban teni yaala bi kopadicianba leni Lefi yaaba, ke ban fidi ki sedi bonŋanla Li Miali Diedo balimaama nni.

Nehemi 10:37

Ti baa yen cuani ti bonjakpiala leni ti yandi bontonkpiamu U Tienu diegu nni, bi kopadicianba kani nani lan diani li bali maama nni maama. Ti baa yen cuani ti ne leni ti pe bontonkpiamu ki teni yaa kopadicianba n tuuni U Tienu diegu nni.

Nehemi 10:39

Alono yaabili o kopadiciamo baa yaa yegi leni Lefi buolu yaaba ban gaani dim yeni yaa yogunu. Bani Lefi buolu yaaba baa ñani ban gaga yaala yeni niinni dim ki cuani U Tienu diegu nni, ku ŋalimandiegu diena nni.

Nehemi 12:47

Solobabeli yogunu leni Nehemi yaa yogunu kuli Isalele yaaba kuli den teni bi yanyanba leni a buliñoaguuda bi biini daali kuli. Bi den tendi Lefi buolu yaaba moko yaala n gagidi ke bimo tendi Alono yaabila bi kopadicianba bi yaa biinu.

Esayi 43:23

Yii den taa yi pebila ki padi npo a padijuukaana. Yi pada mo naa den kpiagidi nni. Mii den tieni yi paalu ka ke yin cuani npo bu paabu, Mii den coagini yimo ke yin yaa juugi npo a *dugibila.

Malaki 3:8

Nmo buali yi line: ‹Naani o nisaalo baa fidi ki janbi U Tienu? Ama yi janbidi nni,› Ki nan go tua: ‹Ti tieni be ki janbi a?› Yi janbidi nni yi *dim leni yi paabu kane.

Mi Coadima 35:2

«Waani Isalele yaaba, ke ban pa Lefi buolu yaaba, ban baa diedi yaa faali yeni niinni, bani mo n baa yaa ye yaa dogi nni. Yi go baa pa Lefi buolu yaaba goga laa dogi balinma.

Mi Tiadima 12:19

Yin baa kali yi tinga nni ki waagi ki ban dagini yaa banlu kuli, yin fangi yi yula ki da sundi Lefi buolu yaaba po.