Nehemi 10:34 - Gourmanchéma Bible

³⁴ Laa ligi baa yaa tie tin baa yaa puuni U Tienu yaa dupen po, leni daali kuli padili leni U Tienu fuodima daali yaa pada yaa po, leni i ŋmapaani leni mi jaanma yaa pada po. I ligi yeni go baa yaa tie yaa pada n sieni ke bi padi U Tienu po leni ban padi yaa pada ki miadi sugili Isalele yaaba*tuonbiadi po leni yaala n tiendi U Tienu diegu nni kuli po.

U TIENU MAAMA TILI 2013

³⁴ Laa ligi baa yaa tie tin baa yaa puuni U Tienu yaa dupen po, daali kuli padili, U Tienu fuodima daali yaa pada po, i ŋmapaani leni mi jaanma yaa pada po. I ligi yeni go baa yaa tie yaa pada n sieni ke bi padi U Tienu po, ban padi yaa pada ki miadi sugili Isidayeli yaaba tuonbiadi po leni yaala n tiendi U Tienu diegu nni kuli po.

Nehemi 10:34 ပူးပေါင်းရင်းမြစ်များ

1 Bi Badiba Jama 24:5

Bi den boagidi ba caga caga, leni biyaba, nani ban den toani tiatia ke li baa maama kelima u *kaangagidiŋamu koanbala leni U Tienu koanbala den tie Eleyasala bijaba leni Itamali yaa bijabe.

1 Bi Badiba Jama 24:7

Diidi ban den toani tiatia ki boagidi ki dini a caga yudanba yaaba nne: 1 Yoyalibi 2 Yedayeya 3 Halimi 4 Seolimi 5 Malikiya 6 Miyamini 7 Hakotisi 8 Abiya 9 Josue 10 Sekania 11 Eliasibi 12 Yakimi 13 Upo 14 Yesebeami 15 Biliga 16 Imeli 17 Hesili 18 Hapitisetisi 19 Petaya 20 Esekieli 21 Yakini 22 Gamuli 23 Delaya 24 Maasia.

2 Bi Badiba Jama 2:3

Diidi n maa Li Miali Diedo n Tienu yeli kpiagidi po ku diegu, min gagidi yaagu, ki baa yaa juugi opo yaa tulale n pia u nuulimanu, ki yaa kpendinni yogunu kuli dupen, leni a padijuukaana ku tiŋaagu leni ku yenjuogu kuli leni mi fuodima dana, leni i ŋmapaani dana leni Li Miali Diedo ti Tienu *jaanma dana, nani lan den bili maama Isalele yaaba po hali yaa yogunu kuli po.

Esidirasi 3:5

Laa jaanma yaa puoli bi den suagi ki padi daali kuli yaa padijuukaana leni yaa padijuukaana n den diani ki bili i ;nmaapaani po leni yaa jaanma n den gagidi Li Miali Diedo po. Bi go den padi yua kuli n den puuni Li Miali Diedo yaala o yama po.

Nehemi 11:1

Isalele yaaba yudanba den kali Jelusalema. Yaaba n sieni den toani tiatia ke niba piiga siiga niyendo n cua ki yaa ye Jelusalema u dogagidiko nni ke yaaba n sieni mo n yaa ye yaa dogi n sieni yaa niinni.

Nehemi 13:31

leni Isalele yaaba n tendi ti daadi yaa yogunu leni li bonluonka-kpiala kuli. «N Tienu, ŋan tiadi npo ki mangi npo a nunga.»

Mi Kpanjama 18:18

Tiatia yaa toani li baa fidi Ki gbeni mi janjanma leni mi niama bi paatieba siiga.

Esayi 40:16

Libani fuali daadi kan dagidi mi fantama po, O yandi kuli mo kan dagidi li *padijuukaali po.

Levi 24:5

Ŋan go taa mi yoma ki pua piiga n dupen bonba lie. Dupen kuli yaa yoma baa tie kilo bonba luoba.

Levi 24:6

Yin taa dupen yeni ki bili kpami lie bonba luoba luoba yaa tabilo n tie wulamoano yua n se Li Miali Diedo nintuali yeni po.

Mi Coadima 28:2

«Teni Isalele yaaba li naa ñoabonli ki yedi ba: Yin faami ki yaa kpendinni lan bili yaa yogunu n pada leni n pada ya n juugi mi fantama nni ki pia npo u nuulimanu.

Jesu Tondiba Tuona 1:26

Bi den toani tiatia ke li baa Matiasa po, ke o taani leni bi piiga n tondiyendiba.

Josue 9:27

Ama hali laa daali o den bili ke bi baa yaa pe ti daadi, ki yii mi ñima li nitaanli po leni Li Miali Diedo*padibinbinli po, wani U Tienu n baa gandi naani. Bi tiendi yeni hali dinla.