Nehemi 10:32 - Gourmanchéma Bible

³² *U Tienu fuodima daali bi *jaanma daali bi yaa cuani*ŋalikama bi kuaditoama ki baa kuadi, ti kan da bikani liba kuli. Bina luoba yaa yen pendi kuli, ti baa fuoni ki tinga li binleleeli, ti kan buali panliba kuli mo.

U TIENU MAAMA TILI 2013

³² U Tienu fuodima daali, bi jaanma daali, bi yaa cuani ŋalikama bi kuaditoama ki baa kuadi, ti kan daa bi kani liba kuli. Binaluoba yaa yen pendi kuli, ti baa fuoni ki tinga li binleleeli, ki cabi yaaba n kubi ti pana mo.

Nehemi 10:32 ပူးပေါင်းရင်းမြစ်များ

Mi cilima 28:22

Min sieni yaa tanli ke li tua bontiadikaala yeni baa tua U Tienu yaa dieli. N go baa pa ŋa *dim ŋan puni nni yaala kuli yaa siiga.»

1 Bi Badiba Jama 26:27

Li den tie ban den fagi yaala bu toabu nni ke bi den gagidi la Li Miali Diedo diegu kubima po.

Nehemi 13:15

Laa yogunu n den laa Juda diema nni ke bi niba ŋmaadi i duven tiidi bonluonkaala duven ŋanbikaanu *U Tienu fuodima daali. Bi tianba den kuandi a ŋalikama baba, ki tungi i ŋunbi duven, duven tiidi bonluonkaala, a kankana leni bonbuolu kuli ki caani Jelusalema U Tienu fuodima daali. N den funi leni ba ban kuadi bi kuadima yaa daali.

Nehemi 13:18

Yi yaajanba ki den tieni yeni kaa? Lani yaa po ka ke U Tienu cuani yaa fala n tie ne tinba leni u dogu na po? Yinba mo go cagini U Tienu fuodima daali ki didi baa teni o pali n fii Isalele yaaba po.»

Nehemi 13:21

N den funi leni ba ki yedi ba: «Be yaa po ke yi dua u bilinu puoli? Yi yaa go tieni yeni kuli, n baa cuo yi.» Hali laa yogunu, baa go cua U Tienu fuodima daali.

Nehemi 5:10

N moko n ledi ba i ligi leni ŋalikama, mini leni n kpiiba leni n naacenba kuli. Tin cedi ban da pa ban kubi tipo yaala.

Nehemi 9:14

A den teni ke bi bandi a fuodima dagagidikaali Ki teni ke a naacemo Musa waani ba mi mabilikaama Leni i tundi leni li bali maama.

Mi Ñama 23:11

Ama li binleleeli a baa cedi ki tinga n fuo. Yi siiga nni a luoda baa cua lankane ki baa li bonjekaala. Bi yaa ŋa yaala ti moayandi mo baa je lani. Ŋan tieni yeni a duven tiidi leni *olifie tiidi kuli po.

Mi Kpanjama 3:9

Ŋan kpiagi Li Miali Diedo leni a bonpiakaala, Ki pa o a kpaandi bonluonka-kpiala.

2 Korenti 8:12

O nilo yaa pia li yankuali ki baa tieni mi todima, U Tienu baa ga la ki nua o piama banlu, ki naa nua wan ki pia yaala.