Nehemi 10:1 - Gourmanchéma Bible

¹ Kelima yaala n den tieni ti kuli yaa po, ti den kuani o*ŋantaado ki diani. Ti yudanba leni Lefi buolu yaaba leni ti kopadicianba den tieni bi maalima tin diani yaa tila yeni po.

U TIENU MAAMA TILI 2013

¹ Lani kuli yaa po, ti den poli ki niani ki diani. Ti yudanba, Levi buolu leni ti kopadicianba den tieni bi maalima tin diani yaa tila yeni po.

Nehemi 10:1 ပူးပေါင်းရင်းမြစ်များ

2 Bi Badiba 23:3

O bado den sedi li binbinli po ki kuani o ŋantaado leni Li Miali Diedo, ki bili ke o baa yaa ŋua Li Miali Diedo ki yaa kubi o balimaama leni o ñoabonbilikaana leni o tundi leni o pali kuli leni o yantiali kuli, ki yaa tiendi nani yaa maama n diani li ŋantaadi tili niinni yeni. Bi niba kuli den tuo ki kua o ŋantaado yeni nni.

Esidirasi 10:3

Moala ti baa niani ti Tienu u ñoanianu ke ti baa ñani bi nilanpuoba yeni leni bi bila kuli nani fini ti daano leni yaaba n taa leni a ki fangi ti Tienu*bali maama n sua ke li dagidi maama. Ti baa tieni U Tienu bali maama n bili yaala.

Esidirasi 2:63

Gufeneeli den yedi ke ban da je yaa padijiedi n gagidi boncianla hali o kopadiciamoba n baa diidi bipo *Ulima leni Tumima ki le wan baa jagi yaala.

Nehemi 1:1

Hakalia bijua Nehemi maama togida: Pelisa bado Alitakiselisesi bali binpiiliedi binli, yaa ŋmaalo n yi Kisile yaa niinni, mini Nehemi den ye u dociamu Suse nni.

Nehemi 10:2

Yaaba n den tieni bi maalima nne: Hakalia bijua Nehemi, yua n den tie gufeneeli,

Nehemi 10:30

den taani leni bi Jufilieba yaaba n tie nikpiaga. Bi den niani ki poli ke bi baa tuo ki yaa ŋua U Tienu n den teni o naacemo Musa yaa balimaama n yedi yaala, ke bi baa tuo ki yaa tiendi Li Miali Diedo ti Tienu mabilikaama leni o ñoabona leni o balimaama n yedi yaala.

Nehemi 7:65

Gufeneeli den yedi ke ban da je yaa padijiedi n *gagidi boncianla hali kopadiciamoba n baa diidi *Ulima leni Tumima ki le wan baa jagi yaala.

Nehemi 7:70

Bi diedanba n den puni yaala den tie wula bontantana tuda piilie (20 000) leni ŋanjilifa kilo tudalie n kobilie (2 200).

Nehemi 8:9

Nehemi, yua n den tie gufeneeli, leni li bali maama bangika Esidilasi, yua n go den tie o kopadiciamo, leni Lefi buolu yaaba, yaaba n den bangi bi niba yeni, den yedi bi niba kuli: «Dinla yaa daali gagidi Li Miali Diedo yi Tienu po. Yin da boandi yi pala ki yaa buudi yeni,» kelima bi niba kuli n den gbadi li bali maama n yedi yaala, bi den buudi.

Mi Ñama 24:4

Musa den diani Li Miali Diedo n den maadi yaa maama kuli. Lani o den fii ku tiŋaapanpangu ki gedi li juali tinga ki maa li *padibinbinli ki sieni piiga n tanalie mi tiadima po nani Isalele piiga n buoliedi n de maama.