Nehemi 1:7 - Gourmanchéma Bible

⁷ Ti tudi apo, tii kubi ŋan den teni a naacemo Musa yaa balimaama, yaa ñoabonbilikaana leni yaa mabilikaama.

U TIENU MAAMA TILI 2013

⁷ Ti tudi a po, tii kubi ŋan den teni a naacemo Musa yaa bali maama, yaa ñoamabonbilikaana leni yaa mabilikaama.

Nehemi 1:7 ပူးပေါင်းရင်းမြစ်များ

1 Bi Badiba 2:3

Ŋan ŋoadi Li Miali Diedo a Tienu yedima, ki yaa cuoni o sani nni ki kubi o *balimaama, leni o ñoabonbilikaana, o tundi leni o mabilikaama, nani lan diani Musa balimaama tili nni maama, ke ŋan baa teli naani leni ŋan baa tieni yaala kuli n yaa cuoni apo bonŋanla.

2 Bi Badiba Jama 25:4

Ama waa den ku bi bila nani lan den diani maama Musa bali maama tili nni. Li Miali Diedo den teni yaa *balimaama n tie na ki yedi: «Bi kan kpa bi baanba kelima bi bila *tuonbiadi po. Bi didi kan kpa a bila mo kelima bi baanba tuonbiadi po. Ama bi baa kpa yua kuli o yuceli yaa tuonbiadi poe.»

2 Bi Badiba Jama 27:2

O den tieni yaala n tiegi Li Miali Diedo po nani o baa Osiasi yeni. Ama waa den kua Li Miali Diedo diegu nni. Die baa leni lani kuli bi niba den baa tiendi yaala n ki tiegi.

Esidirasi 7:6

Esidilasi yeni den ñani Babilona ki goa ki kpeni Jelusalema. O den tie li *balimaama bangika ki bani Li Miali Diedo Isalele yaaba Tienu n den teni Musa yaa balimaama hali bonŋanla. O bado den teni o wan mia o yaala kuli kelima Li Miali Diedo o Tienu den ye leni o ki ŋanbi opo.

Pisomi 106:6

Ti tieni ti *tuonbiadi nani ti baanba yeni, Ki tieni i tagili leni mi biadima.

Pisomi 89:31

Li yaa tie ke o bijaba ŋa n *balimaama, Ki naa cuoni nani n ñoabonbilikaana n bili maama,

Pisomi 89:32

Bi yaa miidi n ñoabonbilikaana ki naa kubi n mabilikaama,

Esayi 1:4

Ŋain, li bia boncianla yinba ti *tuonbiadi danba po, Yinba yaa nibuolu yaa tagili n kandi, Yaa nibuolu n bia, yaa bila n jugi bi yula! Ki ŋa Li Miali Diedo, Ki nuali ki fali Isalele Tienu, Yua n Gagidi ki ŋani, Ki buli o ki nunga.

Danieli 9:11

Isalele yaaba kuli miidi a balimaama ki lebidi ki ŋa, kaa cengi a yedima. Lani n teni ke yaa solindi leni yaa tundifala n diani a naacemo Musa balimaama tili nni baa tipo, kelima ti den tieni ti tuonbiadi fini U Tienu po.

Danieli 9:13

Laa yebiadima ŋma ti nani lan diani Musa balimaama tili nni maama. Ama baa lankuli, tii mia ke fini Li Miali Diedo n je sugili, tii kuani ti yama ki faami a moamoani po.

Ose Tili 9:9

Bi feli ti tuonbiadi nni, Nani lan den tie maama Gibeya dogu yogunu. Li Miali Diedo baa tiadi bi tagili po, Ki waani ba fala kelima bi tuonbiadi po.

Levi 27:34

Lani n tie Li Miali Diedo n den teni Musa yaa bali maama Isalele yaaba po, Sinayi juali po.

Sofoni 3:7

N den tama ke li yaa puoli, n niba baa fangi nni, Ki tuo n tundi, Ke n kan bolini bi dogu. Ama likani yaaba suagi liiga ki tiendi yaala n bia bebe.

Mi Tiadima 4:1

Moala, Isalele yaaba, cengi mani ki tieni min bangi yi yaa ñoabona leni yaa *bali maama, ke yin yaa ye ki go diedi Li Miali Diedo yi baanba Tienu n puni yi yaa diema.

Mi Tiadima 4:5

Diidi mani, n den bangi yi mi mabilikaama leni a ñoabona, nani Li Miali Diedo n Tienu n den puogi nni maama, ke yin yaa kubi ki go tiendi likuli bonŋanla, yin baa kua ki diedi yaa diema yeni niinni.

Mi Tiadima 5:1

Musa den yini Isalele yaaba kuli ki yedi ba: «Cengi mani, yinba Isalele yaaba, min kpaani ki maadi yaa mabilikaama leni yaa ñoabona kuli yi tuba nni. Bangi la mani ki kubi ki go tieni lan yedi yaala.

Mi Tiadima 6:1

Diidi Li Miali Diedo yi Tienu n puogi nni ke min bangi yi yaa *bali maama, yaa mabilikaama leni yaa ñoabona, ke yin yaa kubi la ki tiendi la yin baa kandi ki kua ki diedi yaa diema yeni niinni.

Mi Doagidima 19:2

Kelima o buudi tiegi Ki go tie moamoani. O den jia ti buudi Leni li poconconcianli ki cuo o, Wani, yua n den *joagini Ki tinga leni o *conconma. O den tu o naacenba soawulima panpaani Ki buali bi soama o nuu nni.»