Mise 7:7 - Gourmanchéma Bible

⁷ Ama mini, n baa diidi Li Miali Diedo yo, Ki bili n suginma wani n *faabima Tienu kani, Wani n Tienu baa tuo n miabu.

U TIENU MAAMA TILI 2013

⁷ Ama mini, n baa yaa diidi o Diedo yo, N baa yaa dugi n faabima Tienu po, Kelima wani n Tienu baa gaa n miabu.

Mise 7:7 ပူးပေါင်းရင်းမြစ်များ

Mi cilima 49:18

N dugi a yaa *faabima po, Li Miali Diedo.

Pisomi 109:4

Bi kuliti nni, baa ke n bua ba, Ama mini wani, n li jaandi ki miade.

Pisomi 130:5

N dugi Li Miali Diedo po yo leni n pali kuli, N dugi o maama po.

Pisomi 25:5

Teni min yaa cuoni a moamoani nni, ki yaa bangi nni, Kelima a tie U Tienu yua faabi nni. N dugi a yaa po yo daali kuli.

Pisomi 37:7

Duani a yama Li Miali Diedo nintuali, ki yaa dugi opo. Da bieni a pali leni yua yaa bonla cuoni opo bonŋanla Ki da bieni a pali leni yua mo n kubi o yanjagibiada.

Pisomi 38:15

N tie nani yaa ja n ki gba yeni, Mii guandi maamaba kuli.

Pisomi 50:15

Lani, mia nni mi todima yi paboanli daali, N baa faabi yi, yi mo n kpiagi nni.

Pisomi 65:2

U Tienu, li pundi ki go dagidi ban pagi a Siyono dogu nni, Ki go kuani ban niani a yaa ñoanianu.

Pisomi 85:5

Goa ki mangi ti yema ti *faabima Tienu, Ki kuugi a pali tipo!

Esayi 12:2

N *faabima Tienu, n baa dugi apo, n kaa jie, Kelima Li Miali Diedo n tie n paalu leni n yanbu. O tua n faabima.»

Esayi 17:7

Laa daali o nilo baa pegidi ki noanli o tagido. O baa yaadi ki noanli Isalele Tienu Yua n Gagidi ki ŋani.

Esayi 25:9

Laa daali bi baa yedi: «Ti Tienu n na. Wani n tie tin dugi yua yaa po. Moko, wani n faabi ti. Li Miali Diedo n tie tin dugi yua yaa po. Tin mangi mani ti pala bonŋanla Tin mangi mani ti pala leni o *faabima.

Esayi 45:22

Yinba yaaba n ye hali i tinbiani kuli Jigidi mani ki nuali nni ki baa mi faabima Kelima mini n tie U Tienu, Toa ki ye.

Esayi 8:17

N dugi Li Miali Diedo po wani yua n buli o nunga Jakobo diegu yaaba po. N dugi opo hali bonŋanla.

Jeremi Bubula 3:24

N yedi: «Li Miali Diedo tie n biinu, Lani n teni ke n baa yaa dugi opo.»

Danieli 3:17

Ti Tienu, tin ŋua yua baa fidi ki faabi ti. O baa ñani ti yaa buaga n yigidi ki tuoni niinni ki go ga ti fini o bado nuu nni.

Joeli 1:19

Li Miali Diedo, n jigidi ki nua fine Ki kpaani ki miadi a todima! Kelima mi fantama dini li yankpaafuali, U mupienu mo sia i kuani tiidi.

Habakuki 2:1

N baa do ki sedi bonŋanla min guu yaa kaanu yeni kani. N baa yaa jagi u bilinciamu po ki guu, Ki bandi Li Miali Diedo n baa puogi nni min yedi yaala Leni wan guani maama n miabu po.

Habakuki 2:3

N jagi ki bili li bonlekaala yeni n baa tieni yaa yogunu. Li yogunu kan pendi. Baa li yaa waagi, ŋan yaa guu. Yen de, li baa cua ke laa pia kuli tama, Li yogunu kan mibidi.

Mi Coadima 5:28

Ama li yaa tie ke o pua yeni naa joagini oba, tagiliba kan yaa ye opo, wan go baa a bila mo.