Mise 7:4 - Gourmanchéma Bible

⁴ Bi siiga yua n ŋani ki cie bia nani ku konkongu yeni, Yua n tiegi ki cie moko bia ki cie ti konkondi tuugu. Yinba mi diema niba, bi sawalipuaba n den tuodi Ki maadi yipo yaa daali, Yi tundifala daali yeni nagini. Laa yogunu yi gbanu baa wudi.

U TIENU MAAMA TILI 2013

⁴ Bi siiga yua n ŋani ki cie bia nani li kongoabili yeni, Yua n tiegi ki cie moko bia ki cie ku kontuugu. Bi saawalipuaba n den tuodi ki waani yi yaa daali yeni pundi. Landaali yi gbanu baa wudi.

Mise 7:4 ပူးပေါင်းရင်းမြစ်များ

Esayi 10:3

Yi baa tieni lede fala daali leni yaa yebiadima n ye foagima ki kpendi yeni po? Yi baa sani ki gedi ŋme yaa po yo ki baa mi todima? Yi baa ŋa yi piama le yo?

Esayi 22:5

Kelima laa daali tie jawaancianmoandi daali, Mi bodima leni li pabiidicianli daali.» Li Miali Diedo U Paaciamu Kuli Daano n cuani yaala li bonlekaala joaloangu nni, O Diedo, u dogu bilini ŋmadi ki baa, A bubula mo fii ki loli a juana po, Ki miadi mi todima ki tiegi li juali po.

Esayi 55:13

Sipilesi tiidi n baa pudi ki ga i konkoni kaanu, Militi mo n baa pudi ki ga a kongoaba kaanu. Lankuli baa teni Li Miali Diedo yeli n ña. Li baa tie yaa bontiadikaala n kan bodi hali yaa yogunu kuli.

Jeremi 10:15

Baa pia mayuli Bi cila pia ti laadi, Bi baa bodi, Bi fala yaa cua yaa daali.

Jeremi 11:23

Bi siiga nni oba kan sieni Kelima n baa teni mi yebiadima n ŋma Anatoti yaaba Min baa fii ki sedi bipo yaa binli.»

Jeremi 46:21

Baa Ejipiti diema nni ban pa yaa toatieba i ligi bu toabu po Lebidi ki sani. Baa ke bi wubi ba nani a naatonbila yeni, Oba kuli naa sedi ki baa mua jama, Min fii ki sedi bipo ki baa waani ba fala yaa daali.

Jeremi 8:12

Li bi pundi i fe n cuo ba leni ban tuuni yaa tuongunda. Ama i fe naa cuo ba, Baa go bani fe n tie yaala Lani n teni ke bi baa kpe nani biyaba yeni. Bi baa yaa tuudi ki baali min baa ti fii ki sedi bipo yaa yogunu. Li Miali Diedo n yedi yeni.

Esekieli 2:6

Ama fini o ja yeni, ŋan da jie ba, ŋan da jie bi maama, baa ke bi maadi ki nia ki naa tuo a maama. Li baa tie nani a yantiali po ke a ye i konkoni leni i nami siiga yene. Ŋan da jie bi maama leni bi nunmu kelima bi tie nibuoyieko yo.

Esekieli 28:24

Li kan go baa, Isalele buolu yaaba po, Yaa konkoni n baa fii ki yaa muudi, bi yaa konkoni n baa yaa koadi. Yaaba n lindi ba kuli siiga, oba kuli kan go fali ba. Lanwani bi baa bandi ke n tie o Diedo, Li Miali Diedo.»

Amosi 8:2

O den buali nni: «Amosi, a nua be?» N den goa ki yedi o: «N nua baabuogu ke ku pia yaa bonluonkaala n beni.» Li Miali Diedo den goa ki yedi nni: «N niba, Isalele yaaba juodima pundi, N kan go tieni bipo sugili.»

Nahumi 1:10

Bi baa yaa tie nani yaa tugangu n fii ki loli, Bi nani bi ñuni ki gaadi yeni. Bi baa buoni ba cain, Nani ku moapiengu yeni.

Luki 21:25

Sinankeeninba baa tieni u yienu nni leni o ŋmaalo nni leni a ŋmabila nni kuli. Tinga nni mo ti yanyagiciandi baa teni i nibuoli kuli n jie ki womi, kaa bani ban baa tieni yaala kelima mi ñincianma fuciangu po leni mi ñinguona fiipuama po.

Hebilunba 6:8

Ama ki yaa pudi i konkoni leni muadimalikoni, kaa pia fuoma. Bi kan waaginni ke bi soli ga, ki go juodi ke bi juu ga.