Mise 7:12 - Gourmanchéma Bible

¹² Laa daali yeni a niba baa ña Asili diema nni yaama n ye jienu po. Bine n ña hali Ejipiti dogi nni, yi n ye ganu po, Bine mo baa ña Tili dogu yu n ye nintuali, Bine mo n ña hali u kpenciamu Yufilata yu n ye puoli po. Bi baa ña mi ñincianma jaana po leni a juana nni ki kpeni.

U TIENU MAAMA TILI 2013

¹² Landaali, ki cili Asiiri ki ban pundi hali Ejipiti, Ki taa Ejipiti ki ban tuoni u kpenciamu Efrati, Ki cili ñincianma ki ban tuoni miyama, Ki didi taa juali ki ban tuoni liyali, A niba baa ña lipo ki kpeni.

Mise 7:12 ပူးပေါင်းရင်းမြစ်များ

Esayi 11:11

Laa daali O Diedo baa goa ki tandi o nuu Ki da ki faabi o niba Yaaba n sieni ki ye Asili leni Ejipiti diema nni, Patilosi leni Etiopi, Elami, Sineala, Hamati leni mi ñincianma kpendega nni.

Esayi 11:16

Li sanjali baa tieni n niba yaaba n sieni Asili po, Nani lan den tua Isalele yaaba po maama, Ban ñani Ejipiti diema nni yaa daali.

Esayi 43:6

N baa yedi nijienu po diema: ‹Guani ba!› Ki yedi niganu po diema mo: ‹Da baa kubi ba!› Teni n bijaba n ña yaa diema n ye foagima ki kpeni Ki ñani n bisiaba mo hali u tinbianu ki guani ba.

Esayi 49:12

Bani nne: bi ña hali foagima ki kpendi Bine ña nijienu leni nintuali po Bine mo ña Sinimi diema po.»

Jeremi 23:3

N baa taani n niba yaaba n sieni Min deli ba yaa dogi nni kuli N baa guani ba li yanloli nni. Bi baa maa ki go pugini hali boncianla.

Jeremi 3:18

Laa dana yaa niinni, Juda diegu yaaba leni Isalele diegu yaaba Baa taani ki yegi ki ña nijienu diema po, Min puni yi baanba yaa diema man tua bi faali yeni.»

Jeremi 31:8

Diidi n baa teni ban ña nijienu diema po. N baa taani ba hali u tinbianu, Bi siiga pia a juama leni a diama, Yaa puoba n punbi leni u maditugukoanu danba kuli. Li tie nitaancianli n lebidi ki guani nekanba.

Jeremi 46:27

Fini Jakobo n naacemo, da jie liba Yi jigi n da cie mani yinba Isalele puoliŋuani N kpendi ki baa faabi a fini Jakobo buolu. N baa faabi a puoliŋuani leni ban den yayadi Ki ye ti yonbidi yaa diema n foagi nni. Jakobo puoliŋuani baa guani ki baa mi diema yanduanma. Liba kan go yagi bi yama mo.

Esekieli 29:21

Laa yogunu n baa pugini Isalele yaaba u fidu. N baa yaadi a ñoabu ki teni ŋan fidi ki maadi bi siiga. Lanwani bi baa bandi ke n tie Li Miali Diedo.»

Esekieli 37:21

Lani yaa puoli, a baa waani ba mini o Diedo, Li Miali Diedo n yedi yaala. N baa taani Isalele yaaba ban den ye yaa nilanbuoli siiga, ki ñani ba lipo, ki guani ki kaani ba bi yaa diema nni.

Ose Tili 11:11

Bine mo baa ña Ejipiti po, Ki jaligi ki cua nani mu nuanmu yeni, Bine mo n ña Asili po nani mu kpaajiemu yeni. N baa teni bikuli n goa ki kali bi diedi nni. Mini Li Miali Diedo n yedi.»