Mise 6:4 - Gourmanchéma Bible

⁴ N den ñani yi Ejipiti nni ki cuani yi ne, N den faabi yi leni ti yonbidi, Ki soani Musa, Alono leni Miliyami Ke bi tua yi liiga yaaba ki gobidi yi.

U TIENU MAAMA TILI 2013

⁴ Yi koani leni nni kelima n den ñani yi Ejipiti po? Yi koani leni nni kelima n den faabi yi leni ti yonbidi? Yi koani leni nni kelima n den soani Musa, Alono Leni Miriam ke bi tua yi liiga yaaba ki gobidi yi?

Mise 6:4 ပူးပေါင်းရင်းမြစ်များ

2 Samueli 7:23

Naani nibuoluba go ye ŋanduna nni ki naani leni a niba Isalele yaaba, fini U Tienu n den cua ki da ki faabi yaaba ki teni ke bi tua a niba ki kpedi a yeli bi? A den tieni a niba Isalele yaaba po leni a diema po kuli mi bancianma leni li bonlidikaala, lani n tie ke a den deli i nilanbuoli leni bi buli kuli ki ñani ba a niba Isalele yaaba nintuali, bani ŋan den da ki faabi yaaba Ejipiti nni.

Pisomi 77:20

A den tieni a sanu mi ñincianma nni. Ki tieni a taginkaanu mi ñincianma nni. Baa go den bandi a fuuna.

Mi Ñama 12:51

Laa daali lige kakap ke Li Miali Diedo den teni ke Isalele yaaba kuli ñani Ejipiti diema nni ki cuoni caga caga nani bi toacaga n tie maama.

Mi Ñama 20:2

«N tie Li Miali Diedo yi Tienu yua n den ñani yi Ejipiti diema nni, yin den ye ti yonbidi yaa diema nni.

Mi Ñama 3:10

Moala gedi, n baa soani a *Falono kani ŋan teni ke n niba Isalele yaaba n ña Ejipiti diema nni.»

Mi Ñama 4:10

Musa den yedi Li Miali Diedo: «O n Diedo mii tie mi maama n dingi yua yaa po. Laa cili wonli bi wonlitunma bi ŋan cili ki maadi leni a naacemo ka, kelima mi maama pa n ñoabu leni n lanbu po.»

Mi Ñama 4:16

O baa maadi apo leni li nitaanli. Wani n baa tua apo bu ñoabu, amo n ga opo U Tienu kaanu.

Mi Ñama 6:27

Li tie bani n den maadi leni Ejipiti bado Falono ke wan ñani Isalele bila Ejipiti diema nni. Li tie laa Musa leni laa Alono yeni.

Jeremi 32:21

A tieni yaa bonlidikaala n pia i jeje ki doagidi a paaciamu leni a bancianma ki ñani a niba Ejipiti diema nni.

Amosi 2:10

N den ñani yi Ejipiti diema nni Ki kubi yi hali bina piinaa mi fanpienma nni, Hali ke yi ban diedi Amola yaaba diema.

Mi Coadima 12:1

Musa den taa yaa pua n tie Kusa yua. Miliyami leni Alono den yenbidi Musa po kelima o pua yeni po.

Mi Coadima 33:1

Diidi Musa leni Alono n den gobidi Isalele toagola ki ñani ba Ejipiti diema nni ke bi cuoni cuoni maama nne:

Jesu Tondiba Tuona 7:36

Wani Musa den tieni mi bancianma leni sinankeeninba Ejipiti nni leni mi ñincianmoanma nni, ki ñani Isalele yaaba, ki go tiendi mi bancianma leni sinankeeninba mi fanpiencianma nni hali bina piinaa.

Mi Tiadima 15:15

A baa tiadi ke fini moko den tie yonbo Ejipiti diema nni ke Li Miali Diedo a Tienu den faabi a. Li tie lani yaa po yo ke n teni a mi naa bali maama.

Mi Tiadima 24:18

Yi baa yaa tiadi ke yi den tie yonbe Ejipiti diema nni ke Li Miali Diedo yi Tienu den faabi yi. Li tie lani yaa po ke n teni yi li naa ñoabonli, yin tieni lin yedi yaala.

Mi Tiadima 4:20

Ama yinba, Li Miali Diedo taa yi ki ñani yi Ejipiti kudi buaga nni, ke yin tua yaa niba tie o yaa yaaba nani yin tie maama dinla.

Mi Tiadima 4:34

Naani li kpa baa yaa Tienu n cua ki baa taa o yuli po nibuoluba nibuotoe siiga, leni biigima leni sinankeeni, leni bancianma leni jama leni paaciamu leni bonlidikaala nani Li Miali Diedo yi Tienu n tieni yipo maama yi nunbu nni Ejipiti nni?

Mi Tiadima 5:6

‹Mini n tie Li Miali Diedo yi Tienu, yua n den ñani yi Ejipiti diema nni, yin den ye ti yonbidi yaa diema nni.

Mi Tiadima 7:8

Ama nani Li Miali Diedo n bua yi maama po, kelima o bua ki kubi wan den poli yaa poli leni yi baanba. Li Miali Diedo den ñani yi leni yaa nuu n pa ki faabi yi ti yonbidi diema nni, Ejipiti bado Falono nuu nni.

Mi Tiadima 9:26

N den mia Li Miali Diedo ki yedi o: ‹N Diedo Li Miali Diedo, ŋan da bolini a nibuolu yu n tie a piama, ŋan den faabi yu a yabinu nni ki den ñani u Ejipiti nni leni a paaciamu.

1 Samueli 12:6

Lanwani Samueli den yedi bi niba kuli: «Li Miali Diedo tie n siedo, wani yua n den puogi Musa leni Alono ke bi ñani yi yaajanba Ejipiti nni.