Mise 5:8 - Gourmanchéma Bible

⁸ Isalele yaaba, pua mani yi yibalinba, Ki bolini bani yi nanda kuli.

U TIENU MAAMA TILI 2013

⁸ Isidayeli yaaba, pua mani yi koanginkaaba, Ki bolini yi yibalinba kuli.

Mise 5:8 ပူးပေါင်းရင်းမြစ်များ

Mi cilima 49:9

Juda tie nani li yangbanbili yeni. N bijua, a ña ŋan ku yaa yandi kani. O poali o duna ki labini nani o yangbanlo yeni O tie nani o yangbanñua, ŋme n baa fidi ki fiini o?

Pisomi 104:20

A yen soani li *biigili ki teni ku ñiagu n bii, Lani ti fuayandi kuli yen ña bi goada.

Pisomi 44:5

Fini n tie n bado U Tienu, Ñani a ñoabonli ki faabi Jakobo buolu!

Pisomi 50:22

Lanwani, cengi mani laa bonla bonŋanla Yinba yaaba n sundi U Tienu po! Lani yaaka n baa ti dadi ki toadi yi Ke oba kan ga yi mo.

Mi Kpanjama 30:30

Lani n tie o yangbanlo, ti fuayandi kuli bado, Yua n kan sudi puoli liba kuli kani.

Esayi 5:29

Bi dunli tie nani o yangbanñua. Bi duni nani a yangbanbila yeni, bi fuu, Bi yen cuo bi bonjekaala, ki yaa ban caa. Oba kan fidi ki ga la mo.

Esekieli 39:10

Bi kan go kua i kuani nni ke bi baa kpaagi ti daadi, Bi kan go ban pedi ti daadi a fuana nni mo, Kelima leni ti jatiadi yene ke bi baa yaa cuondi mi fantama. Bani mo baa fagi yaaba n den kpa fagi ba, Ki fie yaaba n den kpa fie ba. O Diedo, Li Miali Diedo n yedi yeni.

Ose Tili 5:14

N baa yaa tie Efilayima buolu yaaba Leni Juda buolu yaaba po nani o yangbanlo yene. Mini, mini n li baa dadi ki toatoadi ba, Ki tugi ba ki yaa ban caa, Oba mo kuli kan fidi ki fie min cuo yaala.

Mise 2:12

Jakobo puoliŋuani, n go baa ti taani yikuli. N baa taani yinba Isalele yaaba, yaaba n sieni kuli. N baa taani yikuli nekanba nani yanloyenli yaa pe yeni, Nani yaa yangoli n taani yankpaakaanyendu kani yeni. Laa yogunu yaa niligu yaa pali n mani fuugu baa tieni boncianla.

Mise 4:13

Siyono yaaba, fii mani ki ŋma yi yibalinba Nani yaa ne n cuoni u jalu nni ki ŋmaadi i di yeni. N baa teni yi yina n tua kuboandi. Yi taawoga mo n tua kumoandi. Yi baa ŋma ki midi yaa nilanbuoli n yaba, Ki gagidi bi piama mini ki tinga kuli Diedo po.

Mise 4:7

N baa taa yaaba n poagili yeni Ki teni ban tua yaaba n baa sieni, N baa teni ban den deli ki gedini yaaba foagima yeni N tua yaa nibuolu n pia u paalu. Laa yogunu mini Li Miali Diedo baa die ba Siyono juali nni Hali yaa yogunu kuli.

Mise 5:3

O yaa cua o baa yaa kpaa ba, Leni Li Miali Diedo paalu, O baa gobidi leni wani Li Miali Diedo o Tienu kpiagidi. O niba jigi baa co Kelima yaaba n ye hali ŋanduna banlu kuli Baa kpiagidi wani bi bado.

Mise 7:18

Ŋme n naani leni fini U Tienu, Fini yua n puuni a niba yaaba n sieni sugili bi tuonbiadi po? Ŋaa kubi a pabienli yogunu kuli, Kelima mi niñingbadima mani apo.

Sakari 10:5

Nani a jakoanda yeni, Ki ŋma nani i sani nni moamoadi, yaaba n koani leni ba. Bi baa koani yeni, Kelima mini Li Miali Diedo ye leni ba. I fe baa cuo bi yibalinba yaaba n jagi i taami.

Sakari 11:6

N kan go gbadi niñima ki tinga niba po, N baa teni bi ŋmiali nni, yua kuli n soani o lielo wan fidi maama. N baa ŋa bi badiba moko n soani ban fidi maama. Bi badiba yeni baa bolini ki tinga niba, N mo kan faabi ba bi nuu nni. Li Miali Diedo n yedi yeni.»

Sakari 12:3

Laa yogunu, n baa teni Jelusalema yaaba N tua i nilanbuoli po tankpiagili. Yaaba n baa bua ki yua li kuli Baa poagili bi yula boncianla. Ki tinga nibuoli kuli baa taani ki baa li.

Sakari 14:18

Ejipiti yaaba yaa yie, Kaa gedi Jelusalema, Ki ban jaani a koasuga jaanma, Li Miali Diedo n baa soani Yaa bonbiadila yaa nilanbuoli n yie yeni siiga Baa cuo bani, Ejipiti yaaba moko.

Sakari 9:15

Li Miali Diedo, U Paaciamu Kuli Daano baa kubi o niba, O baa ŋa o tatana n bolini bi yibalinba, Ki teni bi soama n puubi nani duven yeni, Yaaka nani yaa soama n gbie bi kopadicianba N yen kubi yaa tadimu ki miini li *padibinbinli ñoakuni po yeni.

Mi Coadima 24:9

Bi yen bali ki cuoni, ki duani nani i yangbanli yeni, Ŋme n baa fidi ki fiini ba? Li seli n yaa ye leni yua n gaali yi, Ti solindi mo n yaa ye leni yua n soli yi.»

Matie 10:14

Bi yaa tuo ki ga yi cangu dieguba nni leni doguba nni kuli, kaa cengi yi maama mo, yi yaa ña likani, yin kpia ba yi taatama.

Jesu Tondiba Tuona 18:6

Ama Jufinba n den nia Polo maama ki sugidi o, o den yoagi o tiadi ki yedi ba: «Yi soama n goa ki wuli yi yula po. Mii pia lienni tagiliba kuli. Dinla liiga n baa caa ki wangi bi nilanbe o Laabaaliŋamo.»

Hebilunba 12:25

Fangi mani yi yula ki da yie ke yi kan cengi yua n maadi leni yi moala. Kelima yaaba n den yie kaa cengi yua n soagindi ba U Tienu maama ŋanduna nni naa den fidi ki sani ki cia. Lanwani ti yaa yie kaa cengi yua n ye tanpoli po, laa pia tama ke ti kan fidi ki sani ki cia.

Hebilunba 2:3

Lanwani ti yaa fangi laa tindicianma, o Diedo wani oba n den kpa waani ti yaama yaa maama, ti baa tieni lede ki sani ki cia o cuonu? Yaaba n den gbadi laa maama o Diedo ñoabu nni mo den tieni tipo siedi ke mi tie moamoani.