Mise 5:6 - Gourmanchéma Bible

⁶ Lanyogunu Jakobo puoliŋuani yi n sieni Baa ye yaa nibuoli n yaba siiga. Nani yaa mangu n ña Li Miali Diedo kani ki kuugi, Nani ki taaga n mini ki ŋa yaa ñinboala ti muadi po yeni, Ki taaga yeni naa guu bi niba kani liba. Bi nisaaliba mo ka cuani ga.

U TIENU MAAMA TILI 2013

⁶ Lanyogunu Jakob puoliŋuani yii n sieni, Baa yaa ye yaa nibuoli n yabi siiga. Nani yaa mangu n ña o Diedo kani, Bi nani ki taaga n mi yaa ñinboala ti muadi po yeni. Ki taaga yeni naa guu bi niba kani liba, Ki kan go ŋmani bi nisaaliba kani mo liba.

Mise 5:6 ပူးပေါင်းရင်းမြစ်များ

2 Bi Badiba 15:29

Isalele diema bado Peka n den die yaa yogunu, Asili bado Tigilati-Pelesedi den cua ki fie Ijoni leni Abela-Beti. Maaka leni Janaaki leni Kedesi leni Hasoli leni Galaadi leni *Galile leni Nefitali diema kuli, ki cuo bi niba ti yonbidi ki gedini ba Asili.

1 Bi Badiba Jama 1:10

Kusa n den mali Nimiloda. Wani n den tua o jakoandikpialo ki tinga nni.

2 Bi Badiba Jama 33:11

Li Miali Diedo den teni ke Asili bado toagoli yudanba cua ki baa ba, ki cuo Manase leni i kugobidi ki kpaa o leni ti kumoandi kpaadi ki gedini o Babilona po.

Jobi 29:22

N yaa den maadi ki gbeni, bi kan go liegi. N maama den yen sandi bikuli po.

Pisomi 110:3

A niba pia li yankuali bonŋanla A paalu n doagidi yaa daali. Nani ku mangu n yen luoni u tiŋafaanu maama, A jawaaba baa cua a kani ki laa yaa tiadi n gagidi U Tienu po.

Pisomi 72:6

O bado n yaa tie nani yaa taaga n mini u kuanu nni yeni! Wan yaa tie nani yaa tacianga n cua ki kpidi ki tinga yeni!

Esayi 14:2

I nibuoli baa taa ba ki gobidi ki gedini ba bi diema po. Isalele buolu yaaba baa ga ba nani li faali yeni Li Miali Diedo tinga nni Ban tua nani a jatuada leni a potuada yeni. Bi baa cuo ti yonbidi yaaba n den kubi ba ti yonbidi. Bi baa diedi yaaba n den die ba.

Esayi 14:25

N baa pua ki mudi Asili yua gbanmanu n diema nni. N baa ŋma o n juana nni. Bi baa faabi leni o naakpakpaadi-daagu. O tugili bi boacaba po baa ña ki ŋmadi ki baa.»

Esayi 33:1

Fala baa nandi fini yua bolindi Ke bi naa bolindi a, Ki janbidi ke bi naa janbi a! A yaa bolini ki gbeni bi baa bolini a mo. A yaa janbi ki gbeni bi baa janbi a mo.

Esayi 37:36

Li Miali Diedo maleki den ñani ki pua Asili toagoli nni niba kobiga n piinii n tudamuu (185 000). Lan den fii ki faa bikuli den tie tinkpiba.

Esayi 37:37

Lanwani Senakeliba Asili bado den fii ki guani ki ban kali Ninife dogu nni.

Esayi 6:13

Baa li yaa sua ke niba piiga siiga kuli Niyendo yendo n sieni ki ye mi niinni, Bi baa lu bani moko mi fantama nni. Ama nani telebinti leni seni tiidi Bi yaa pedi i ñiali yin go yen goa ki kpeli maama yeni, Bi yaa ñiana moko baa goa ki bundi Ki tieni yaa puoliŋuani n gagidi ki ŋani yeni.

Jeremi 14:22

Naani i nibuoli buyuodi siiga pia yaa bulo n baa fidi ki teni ki taaga n mii? Ti tawadi yaadi n kpendinni ki taaga ye le? Naani laa tie fini Li Miali Diedo ti Tienu kaa? Ti dugi apo, kelima fini n tiendi laa bonla kuli.

Nahumi 2:11

Bi koadi ŋalimani! Bi niba kpe! U dogu bia fanma! I gbani kuli wudi! A duna pua aya! Bi niba jie ki luodi. Mu nunmu kuli gbidi.

Sofoni 2:13

O baa fii ki sedi nijienu yaaba po, Ki bolini Asili diema yaaba, Ki teni bi dociamu Ninife n tua paboanli kaanu, Leni fanpienma, naankani n ki pia ñima.

Sofoni 3:12

N baa kubi yi siiga taliginba leni bi yumiindanba, Yaaba n bili bi suginma Li Miali Diedo kani, Ki baa yaa lingi bi wuonkaanu n yaa kani.

Luki 1:71

O den niani ke o baa ga ti ti yibalinba nuu nni, Leni bani yaaba n nani ti kuli yaa nuu nni.

Luki 1:74

Ke o baa ga ti ti yibalinba nuu nni Ki teni tin yaa jaandi o kaa jie,

Luki 24:27

Lani Jesu den cili leni Musa yaa maama ki pundi bi sawalipuaba yaa maama ki bundi bipo i Diani nni kuli yaala n den maadi o yaa po.

Mi Tiadima 32:2

N bangima n wuli nani ki taaga yeni, N maama mo nani ku mangu yeni, Nani yaa taaga n mii dindini li moabunli po yeni, Nani yaa ñinboala n maa ti muadi po yeni.