Mise 4:9 - Gourmanchéma Bible

⁹ Yinba Jelusalema yaaba, Be teni ke yi buudi moala? Naani yin kaa go pia bado, Kaa go pia tundika yeni yaa po yo? Naani lani n teni ke yi mua ki yalini Nani u maditugukoanu n cuo yaa pua yeni?

U TIENU MAAMA TILI 2013

⁹ Yinba Jerusalemi yaaba, be teni ke yi buudi moala? Naani yin kaa pia bado, kaa go pia tundika yeni yaa po yo? Lani n teni ke yi mua ki yalini Nani u maditugukoanu n cuo yaa pua yeni?

Mise 4:9 ပူးပေါင်းရင်းမြစ်များ

Esayi 13:8

Ti jawaanciandi cuo ba hali boncianla. Bi ye leni fala ke bi tugidi nni ŋmagini ke bi buandi. Bi ŋmagini biba yo nani yaa pua n baa maa yeni. Bi diidi biyaba leni ti jawaandi, Bi nunmu kuli moandi nani mi fantama yeni.

Esayi 21:3

Lani n teni ke n ciaga ye leni mi koankoanma Nani yaa funfunma n ye Yaa pua n baa maa po yeni. N jie ki luodi mo ki kan fidi ki le. Mi funfunma teni ke n kan fidi ki gbadi.

Esayi 26:17

Li Miali Diedo, ti ye a nintuali nani yaa pua n punbi ki bua maa, Ki lu ki lebidi u tugukoanu po ki kuudi yeni.

Jeremi 22:23

Fini yua n ye Libani po Ki kaa a badidiegu yaagu n tii leni sedili tiidi daadi nni, Fala yaa nandi a yaa yogunu, a baa duni boncianla, Ki yaa lu ki lebidi nani yaa pua n bua ki maa yeni!

Jeremi 30:10

Fini n naacemo Jakobo, Da jie liba, Li Miali Diedo n yedi yeni. Isalele, da digibi ba! Kelima diidi n baa faabi a ki tinga nni Leni a puoliŋuani n ye ti yonbidi yaa diema nni. Jakobo baa guani ki mangi o pali Mi fuodima po leni mi yanduanma po. Oba kuli kan cua ki lengi o yama.

Jeremi 4:21

Hali u laa yogunu yo ke n baa yaa baa ki nua li *tuudicabili Ki go gbadi li naatuntunli piebima?

Jeremi 4:31

N gba li dunli, nani yaa pua n gbaani Ki bua ki maa yaa dunli yeni, N gba i yanbani ñiindi nani yaa posiaga n da baa kpa maa o cicilimadi yeni, Siyono badisalo yaa nialu yo. O fuo ki jiindi O tandi o nii ki yedi: «N bonla pia mi niñima, Bi nikpaba baa pua ki kpa nni.»

Jeremi 48:41

Yibali fie i dogi leni i kaanpaali kuli. Laa daali mo Moabi jakoanda tugusoama tiini Nani yaa pua n baa maa yaa tugusoama n tiini maama yeni.

Jeremi 50:43

Babilona bado ga laabaali ke o jigi cie. Li paboanli cuo o. Li koani o nani yaa pua n baa maa yeni.»

Jeremi 8:19

Cengi mani n niba ñiindi Yi n ña hali foagima: «Naani Li Miali Diedo ki go ye Siyono yo? Naani u dogu ki go pia bado yo? Be yaa po yo ke bi biidi n pali leni bi buli? Yaa bonyuodi n tie nibuotoe yaa bonla?»

Jeremi Bubula 4:20

Yua n den tie ti miali, Li Miali Diedo tondo, Bi cuo o bi buodi nni Tin den maadi yua yaa maama ki tua Ke o baa kubi ti tin yaa ye i nibuoli siiga yeni.

Ose Tili 10:3

Moala bi baa yaa tua: «Tii go pia bado, Kelima tii fangi Li Miali Diedo. Baa ti yaa bi pia bado wani daa, O bi baa fidi ki tieni tipo be?»

Ose Tili 13:13

Isalele buolu yaaba madi pundi, Nani yaa biga yaa naa n ye leni u maditugukoanu yeni, Ama bi nan tie nani ki biyanpiidanga yene, Yaaga yaa maayogunu n pundi Ke ki nan yie ke ki kan ña ki naa tugu nni.

Ose Tili 3:4

Yeni, Isalele yaaba baa waagi kaa pia bado, kaa pia yudanba, kaa pia pada, kaa pia butana, kaa pia bulo, kaa pia *telafimi.

Mise 5:3

O yaa cua o baa yaa kpaa ba, Leni Li Miali Diedo paalu, O baa gobidi leni wani Li Miali Diedo o Tienu kpiagidi. O niba jigi baa co Kelima yaaba n ye hali ŋanduna banlu kuli Baa kpiagidi wani bi bado.

Jan n diani U Tienu Laabaaliŋamo maama 16:21

Li tie nani u maditugukoanu n pia o pua yaa yogunu yeni. O yen le fala kelima o yogunu pundi. Ama o yaa mali o biga, waa go tiani wan bi laa yaa fala kelima o pali mangi ke o mali nisaalo ŋanduna nni.

Mi Doagidima 12:2

O den punbi ke o maayogunu nagini, ke u maditugukoanu pia o ke o mua kelima wan laadi yaa fala ti madi yaa po.