Mise 4:8 - Gourmanchéma Bible

⁸ Fini Siyono juali li toaguudidieli, A baa goa ki baa a kpiagidi nani mi kpiama yeni, Jelusalema mo n goa ki baa o bali.»

U TIENU MAAMA TILI 2013

⁸ Fini Siyon juali li toaguudidieli, A baa guani ki baa a kpiagidi Nani mi kpiama yeni, Jerusalemi mo n guani ki baa o bali.»

Mise 4:8 ပူးပေါင်းရင်းမြစ်များ

Mi cilima 35:21

Isalele den fii lankani ki tii o gbandieli Migidali-Edela yaa liiga.

2 Samueli 5:7

Ama Dafidi den cuo Jelusalema kaanpaalu Siyono, ki diedi u ke u tua Dafidi kaanciamu.

Nehemi 3:25

Usayi bijua Palali den maa ki tiegi i bilini n tuogi naani leni yaa diefoagili n kpedi ki cie ki ye o bado diegu nintuali, ki kuu li kpaadidieli luolu. Paleyosi bijua Pedaya den maa ki tugini o kani.

Pisomi 24:7

Yinba a buliñoana, yugidi mani yi buliñoatuoga! Yinba hali u yogu buliñoana, yugidi mani yiba, Ke ti kpiagidi bado n kua.

Pisomi 48:3

Li juali yeni ŋani, ŋanduna kuli pali mani lipo, Lini Siyono juali. Siyono juali ye nijienu po, Siyono n tie o badiciamo dogu.

Pisomi 61:3

Hali u tinbianu po n kpaani ki miadi a leni li paboanli. Ciani nni yaa tangu n kpedi ki kandi po kani.

I Yani 4:4

A tulu nani Dafidi diefoagili Ban den maa yaali ke li tie diecencenli, Ke gbankoanditi tudili juani lipo Ki tie jakoanda yaa gbankoanditi.

Esayi 1:26

N baa teni a bujiaba n tua nani kpiama yaaba yeni, Ki teni a tundikaaba mo n go tua nani ban den kpa tie maama. Lani yaa puoli bi baa fidi ki yini a: ‹Mi teginma dogu Ti dugidi dogu.› »

Esayi 10:32

Dinla lige ke yibali baa cua ki sedi Noba kani, Yibali sedi ki tandi o nuu ki mua mi jama. Siyono juali po, Jelusalema joabiga yeni po.

Esayi 5:2

O den ŋanbi ki tinga, ki ñani a tana, Ki baa yaa tiidi n ŋani ki ŋu. O den maa li diefoagili u kuanu siiga, Ki den gbini u datuodikaanu, Ki sugini ke duven tiidi baa luoni li bonluonkaala. Ama li den loni yaa bonluonkaala n bedi.

Danieli 2:44

Mi diema yeni batieba yogunu Tanpoli Tienu baa fiini dietoama yaama n kan bodi hali abada. Nibuoto kan fidi ki diedi ma. Mi baa mudi ki gbeni mi diekpiama yeni kuli, ama mani miba baa yaa ye hali yaa yogunu kuli.

Danieli 7:18

Ama Tanpojoma Tienu nigagidiŋanba baa ti yuandi ki ga mi diema ki yaa die ma hali yaa yogunu kuli.›

Abidiasi 1:21

Ban den cuo Jelusalema yaaba, yaaba ti yonbidi Ke bi ye Sefanadi dogu nni, Jelusalema dogu jakoanda baa cua ki baa Edomi diema ki diedi ma. Li Miali Diedo wani oba n baa tua o bado!

Mise 2:12

Jakobo puoliŋuani, n go baa ti taani yikuli. N baa taani yinba Isalele yaaba, yaaba n sieni kuli. N baa taani yikuli nekanba nani yanloyenli yaa pe yeni, Nani yaa yangoli n taani yankpaakaanyendu kani yeni. Laa yogunu yaa niligu yaa pali n mani fuugu baa tieni boncianla.

Sakari 9:10

O baa bolini ti toateliti Isalele buolu yaaba siiga, Ki bolini i taami mo bani Jelusalema yaaba siiga. O baa kua bi dabana. O baa teni mi yanduanma n yaa ye i nilanbuoli siiga. O baa yaa die, ki cili ñincianma kani ki ban tuoni hali ñincianma, Ki cili Yufilata kpenu ki ban tuoni hali u tinbianu.

Sakari 9:12

Yinba yaa kpaada n ye leni mi suginma, Lebidi ki kuni mani yi dogu po, Ban goa ki maa yu yaa bilini yeni. Dinla, n yedi yi, Ke n baa guani yipo hali taalima lie a sela, Yin laa yaa fala kuli po.

Sakari 9:9

Mangi mani yi pala, yinba Siyono dogu yaaba! Kpaani mani i pamandankpaani, yinba Jelusalema yaaba! Diidi mani, yi bado kpendi yi kani! O tiegi, ki paadi li bonla kuli mo! O dingi, ki jagi o ŋunbo! O jagi ŋunbiga, ŋunñua biga!

Mi Coadima 24:19

Yua n baa ña Jakobo puoliŋuani nni yeni Baa tua badiciamo ki yaa die. O baa bolini yaa niba n sieni i dogi nni.»

Matie 21:33

Go cengi mani kpanjatoama. O diedaano den ye ki ŋu o duven tiidi kuanu. O den kpaa li nagili ki lindi u, ki gbiidi ku buogu ku tangu po ban baa ŋanbidi duven naankani, ki go paani li pagili o duven tiidi siiga. Lani o den guuni o kuanu bi koaguudiba, ki fii ki gedi u dogu.

Marki 12:1

Lani yaa puoli Jesu go den maadi ba ki pua mi kpanjama. O den yedi: «O ja den ŋu duven tiidi kuanu, ki kpaa li nagili ki lindi, ki gbiidi ku buogu ban baa yaa ŋanbidi duven naankani, ki go paani li pagili i duven tiidi siiga. Lani o den guuni o kuanu bi koaguudiba, ki fii ki gedi u dogu.

Efesa 1:21

Wani Kilisiti ka lankani ki die mi diema danba, li bali danba, bi paatieba leni bi diediba kuli, o yeli cie yeli kuli yaa yogunu n tie na leni yu n baa ti cua kuli.

Mi Doagidima 22:5

Ku ñiagu kan go yaa ye. O naacenba kan go bua fidisanga, bi kan bua yienu yenma mo kelima o Diedo U Tienu baa yendi bipo. Bi baa die hali yaa yogunu kuli.