Mise 4:7 - Gourmanchéma Bible

⁷ N baa taa yaaba n poagili yeni Ki teni ban tua yaaba n baa sieni, N baa teni ban den deli ki gedini yaaba foagima yeni N tua yaa nibuolu n pia u paalu. Laa yogunu mini Li Miali Diedo baa die ba Siyono juali nni Hali yaa yogunu kuli.

U TIENU MAAMA TILI 2013

⁷ N baa taa yaaba n poagili yeni, Ki teni ban tua yaaba n baa sieni, Ki teni ban den deli ki gedini yaaba foagima yeni, N tua yaa nibuolu n pia u paalu. Lanyogunu, mini o Diedo baa yaa die ba Siyon juali nni hali yaa yogunu n tuu yaa yogu kuli.

Mise 4:7 ပူးပေါင်းရင်းမြစ်များ

Pisomi 2:6

«Mini n gagidi n bado ki kaani o Siyono joagagidikaali yuli po.»

Esayi 16:5

Mi ŋanma n baa pugini ti gbandi paalu. Li bali paalu baa pugini kelima mi ŋanma yaa po. Yaa bujialo n lingi mi *teginma, Ki bua ki tieni yaala n dagidi, Baa kali ti gbandi po leni ku yantugupiengu Dafidi gbandieli nni.»

Esayi 24:23

O ŋmaalo baa fiagi, i fe baa cuo u yienu mo, Kelima Li Miali Diedo U Paaciamu Daano kaa ti gbandi po, Siyono juali po leni Jelusalema nni. Ti kpiagidi baa yaa ye o nikpela nintuali.

Esayi 6:13

Baa li yaa sua ke niba piiga siiga kuli Niyendo yendo n sieni ki ye mi niinni, Bi baa lu bani moko mi fantama nni. Ama nani telebinti leni seni tiidi Bi yaa pedi i ñiali yin go yen goa ki kpeli maama yeni, Bi yaa ñiana moko baa goa ki bundi Ki tieni yaa puoliŋuani n gagidi ki ŋani yeni.

Esayi 60:22

Bi siiga yua n wa ki cie baa tua niba tudili Yua n tadi ki cie mo n tua yaa nibuolu n pia u paalu. Mini Li Miali Diedo n baa teni laa bonla kuli n jaligi ki cua li yogunu yaa pundi.

Esayi 66:8

Ŋme n da kpa gbadi laa bonbuolu? Ŋme n da kpa laa yaa bonla n naani leni la? Naani bi baa fidi ki maa diema dayenli? Naani bi baa fidi ki maa nibuolu mo yenma? Siyono n li baa ki yedi ke o gbaani, Ke o mali o bila.

Esekieli 43:7

O den yedi nni: «O ja na, nekanba n tie n bali kalikaanu, n taana n baa ŋma naankani. N baa yaa ye lankane Isalele yaaba siiga yaa yogunu kuli po. Isalele yaaba leni bi badiba kan go *joagini n yeli yaali n gagidi ki ŋani leni bi cancagintuona, ki kan go yaa kpendi ki piindi bi badiba yaaba n guani a juana padibinbina kani.

Danieli 2:44

Mi diema yeni batieba yogunu Tanpoli Tienu baa fiini dietoama yaama n kan bodi hali abada. Nibuoto kan fidi ki diedi ma. Mi baa mudi ki gbeni mi diekpiama yeni kuli, ama mani miba baa yaa ye hali yaa yogunu kuli.

Danieli 4:34

Moala mini Nebukanesa, n pagi ki go kpiagi Tanpojoma Tienu ki jigini o yeli. O tuona kuli tiegi moamoani, o bontienkaala kuli dagidi. O fidi ki jiidi yaaba n cuoni leni ti japaadi.»

Danieli 7:14

O den dini o nisaalo yeni li bali ki puni o ti kpiagidi leni mi diema ke i nibuoli kuli leni mi diema yaaba kuli leni i mabuoli yaaba kuli n tuo ki yaa ŋua o. O bali baa yaa ye hali yaa yogunu kuli, li kan gbeni, o diema mo kan bodi abada.

Danieli 7:27

Bi baa teni U Tienu niba, wani Tanpojoma Tienu nigagidiŋanba yeni yaa diema n ye ŋanduna nni kuli bali leni mi kpiagidi, ban yaa die. Bi diema baa yaa ye hali yaa yogunu kuli. Ŋanduna bali danba kuli baa tuo bi maama ki yaa tuuni bipo.›

Abidiasi 1:21

Ban den cuo Jelusalema yaaba, yaaba ti yonbidi Ke bi ye Sefanadi dogu nni, Jelusalema dogu jakoanda baa cua ki baa Edomi diema ki diedi ma. Li Miali Diedo wani oba n baa tua o bado!

Mise 2:12

Jakobo puoliŋuani, n go baa ti taani yikuli. N baa taani yinba Isalele yaaba, yaaba n sieni kuli. N baa taani yikuli nekanba nani yanloyenli yaa pe yeni, Nani yaa yangoli n taani yankpaakaanyendu kani yeni. Laa yogunu yaa niligu yaa pali n mani fuugu baa tieni boncianla.

Mise 2:13

Mini U Tienu baa cibi bi yonbidi kpaadidieli li bonli, Ki kua bi liiga. Bi baa cibi li bonli ki ña Ki tagi bi yonbidi dogu bilinciamu sani, Ki ña ban yaa caa. Mini bi bado baa kua bi liiga Mini Li Miali Diedo baa tugi bi yuli.»

Mise 5:3

O yaa cua o baa yaa kpaa ba, Leni Li Miali Diedo paalu, O baa gobidi leni wani Li Miali Diedo o Tienu kpiagidi. O niba jigi baa co Kelima yaaba n ye hali ŋanduna banlu kuli Baa kpiagidi wani bi bado.

Mise 7:18

Ŋme n naani leni fini U Tienu, Fini yua n puuni a niba yaaba n sieni sugili bi tuonbiadi po? Ŋaa kubi a pabienli yogunu kuli, Kelima mi niñingbadima mani apo.

Sofoni 3:13

Isalele yaaba, yaaba n baa sieni kan go tieni kuli yaala n ki tiegi, Bi kan go pua faama, Janbi maama kan go yaa ye bi ñoana nni. Bi baa yaa baadi ki di ki go goa, Ke oba kuli kan yagi bi yama mo.»

Sofoni 3:20

Laa yogunu, n baa goa ki kpeninni yi, Li baa yaa tie min baa goa ki taani yi yaa yogunu. Yi baa le ke n lebidi yi yema, N baa teni yin goa ki baa ti kpiagidi, Yi yela mo n ña, Li ŋandunli nibuoli kuli nni.» Li Miali Diedo n yedi yeni.

Luki 1:33

wan yaa die Jakobo buolu yaaba hali yaa yogu kuli, o diema kan baa juodima hali abada.»

Mi Doagidima 11:15

O maleki-leleelo den piebi kakaci. I nialiciami den kpaani tanpoli po ki yedi: «Moala ŋanduna diema tua ti Diedo Leni wani *Gandi Yua yaa yaama O baa die hali yaa yogunu kuli.»