Mise 4:3 - Gourmanchéma Bible

³ O baa tua i nibuoli boncianla bujialo O baa tua yaa nilanbuoli n pia u paalu Ki ye hali foagima koanpaado. Bi baa taa bi jugisiemu ki maa a cecela Bi baa taa bi kpaana mo ki maa ti moaciedi. Nibuoluba kan go fii ki tuogi uyu. Bi kan go bangi bu toabu n tiendi maama.

U TIENU MAAMA TILI 2013

³ O baa tua i nibuoli boncianla bujialo, O baa tua yaa nilanbuoli n pia u paalu, Ki ye hali foagima koanpaado. Bi baa taa bi jugisiemu ki maa a cecela, Ki taa bi kpaana mo ki maa ti moaciedi. Nibuoluba kan go fii ki tuogi uyuu. Bi kan go bangi bu toabu n tiendi maama.

Mise 4:3 ပူးပေါင်းရင်းမြစ်များ

Pisomi 46:10

Wani n tendi ke bu toabu gbendi i kaani kuli. O kua li dabanli ki jendi li kpaanli. O buoni bu toabu teliti kuli leni mi fantama.

Pisomi 46:9

Cua mani ki le Li Miali Diedo tuona, Cua mani ki le wan tieni yaala ki tinga nni Ke li pia i jeje.

Pisomi 72:3

A juana baa cuani mi yanduanma bi niba po, A joabila mo baa cuani ma kelima mi teginma po.

Pisomi 72:7

Laa dana nni o niteginka yema baa mangi. O ŋmaalo mo yaa ye yaa yogunu kuli mi yanduanma baa yaa ye!

Pisomi 82:8

U Tienu, fii ki jia ti buudi leni ki tinga! Kelima fini n die i nibuoli kuli.

Pisomi 96:13

Li Miali Diedo nintuali, kelima o kpendi. O kpendi ki baa jia ti buudi ki tinga nni. O baa jia li ŋandunli yaa buudi n tiegi, Ki jia i nilanbuoli buudi mo nani o teginma n tie maama.

Pisomi 98:9

Li Miali Diedo nintuali, kelima o kpendi Ki baa jia ti buudi leni ki tinga. O baa jia li ŋandunli buudi leni mi teginma, Ki jia i nibuoli buudi lan dagidi.

Esayi 2:4

O baa tua i nibuoli bujialo O baa tua nibuoli boncianla koanpaado Bi baa taa bi jugisiemu ki maa a cecela Bi baa taa bi kpaana mo ki maa ti moaciedi. Nibuoluba kan go fii ki tuogi uyu. Bi kan go bangi bu toabu n tiendi maama.

Esayi 25:3

Lani n teni ke yaa nibuolu n pia u paalu kpiagidi a, Ke yaa dogi mo yaa niba n pia ku tugumoangu fangi a.

Esayi 51:5

N teginma nagini N *faabima mo baa doagidi N buadi mo baa jia i nibuoli buudi Yaaba n ye a kpendega po, baa bili bi suginma n kani. Bi baa yaa dugi n buagu paalu po.

Esayi 60:12

Kelima yaa nibuolu leni yaa diema N kan soani apo kuli baa bodi. Laa nibuoli mo baa bodi cain.

Esayi 65:25

O fuasangbanlo leni ki pebiga baa taani Ki yaa kpaa kaanyendu, O yangbanlo leni o nua mo n baa taani Ki yaa ŋmani ti muadi. O wa mo yaa jiema n baa yaa tie mi tama. Falaba leni bolinmaba kan go yaa ye N joagagidikaali yuli po.» Li Miali Diedo n yedi yeni.

Esayi 9:7

O Diedo fu leni Jakobo puoliŋuani Laa fuugu tie Isalele yaaba po.

Danieli 2:44

Mi diema yeni batieba yogunu Tanpoli Tienu baa fiini dietoama yaama n kan bodi hali abada. Nibuoto kan fidi ki diedi ma. Mi baa mudi ki gbeni mi diekpiama yeni kuli, ama mani miba baa yaa ye hali yaa yogunu kuli.

Ose Tili 2:18

Li Miali Diedo yedi: «Laa yogunu, o baa yini nni o calo. O kan go yini nni: “Baali o daano.”

Ose Tili 2:20

Laa yogunu, n baa kuani n niba po o *ŋantaado Leni ti moayandi, Leni ti bonyugiditi Leni yaala n balini ki tinga po. N baa bolini mi diema nni a dabana, Mu jugisiemu leni ti toatiadi kuli, Ki teni n niba n yaa goa ke bi jigi mo n yaa co.

Joeli 3:2

Laa dana nni, n baa teni n Fuoma n jiidi Ki yayadi baa bi naacenba leni a potuada po.

Sakari 14:3

Li yaa puoli, Li Miali Diedo baa fii i nilanbuoli yeni po, Ki pua ki paadi ba, Nani wan den kpa tieni maama mi janjanma leni bu toabu daali yeni.

Sakari 8:20

Li Miali Diedo, U Paaciamu Kuli Daano yedi: «I nilanbuoli, i dogi boncianla niba baa tigibi Jelusalema.

Sakari 9:10

O baa bolini ti toateliti Isalele buolu yaaba siiga, Ki bolini i taami mo bani Jelusalema yaaba siiga. O baa kua bi dabana. O baa teni mi yanduanma n yaa ye i nilanbuoli siiga. O baa yaa die, ki cili ñincianma kani ki ban tuoni hali ñincianma, Ki cili Yufilata kpenu ki ban tuoni hali u tinbianu.

Jesu Tondiba Tuona 17:31

Kelima wani U Tienu bili ti buudi daali, wan baa bu leni ŋanduna yaaba kuli yaa daali leni mi *teginma. O gandi o nilo ki bili ke o baa jia laa buudi. O saa i moamoani ke li baa tieni yeni leni wan fiini laa nilo bi tinkpiba siiga yeni.»

Mi Doagidima 19:11

Lani n den laa ke tanpoli luodi ki yaa, ke o tanpieno se. Yua n jagi o, yi o Dugika leni o Moamoandaano. O bujiali tiegi, o togidi bu toabu mo leni mi teginma.

1 Samueli 2:10

Li Miali Diedo yibalinba baa midi. O baa teni i tatantani n tiani hali tanpoli ki pundi bi kani. Li Miali Diedo baa jia ti buudi leni yaaba n ye hali ki tinga banlu. O baa pa o bado u paaciamu, O baa pugini wan gandi ki gagidi ki dini yua li bali li bali paalu.»