Mise 4:2 - Gourmanchéma Bible

² I nilanbuoli boncianla baa caa likani ki tua biyaba: «Cua mani tin do Li Miali Diedo juali yuli po, Wani Jakobo Tienu diegu kani, Ke wan bangi ti o sani, Ke tin yaa cuoni yini yaa niinni.» Kelima li tie Siyono po yo ke li *bali maama baa ña, Li Miali Diedo maama baa ña Jelusalema.

U TIENU MAAMA TILI 2013

² I nilanbuoli boncianla baa yaa caa likani ki tua biyaba: «Cua mani tin do o Diedo juali yuli po, Wani Jakob Tienu diegu kani, Ke wan bangi ti o sani, Ke tin yaa cuoni yini yaa niinni.» Kelima li tie Siyon po yo, Ke li bali maama baa ña, O Diedo maama baa ña Jerusalemi dogu nne.

Mise 4:2 ပူးပေါင်းရင်းမြစ်များ

Pisomi 110:2

Li Miali Diedo n cili Siyono kani ki pugini a paalu Ki teni ŋan diedi a yibalinba yaaba n lindi a kuli.

Pisomi 119:1

Li pamanli ye leni yaaba n tiegi bi tagi nni, Ki cuoni nani Li Miali Diedo *bali maama n bili maama.

Pisomi 119:171

N ñoacuuna n yaa pagi a! Kelima a bangi nni a mabilikaama.

Pisomi 122:1

Ban caa Jelusalema ki yiini yaa yanbu. Dafidi yanbu. N ye leni li pamancianli bi yaa yedi nni: «Tin gedi Li Miali Diedo diegu po!»

Pisomi 25:12

Ŋme n pia li fangili Li Miali Diedo po? Li Miali Diedo baa waani o wan baa gandi yaa sanu.

Esayi 2:3

I nibuoli boncianla baa caa likani ki tua biyaba: «Cua mani tin do Li Miali Diedo juali yuli po, Wani Jakobo Tienu diegu kani, Ke wan bangi ti o sani, Ke tin yaa cuoni yini yaa niinni.» Kelima li tie Siyono po yo ke li *bali maama baa ña Li Miali Diedo maama baa ña Jelusalema.

Esayi 54:13

A bijaba kuli baa tua Li Miali Diedo ŋoadikaaba. A bijaba baali mo baa yabidi.

Esayi 56:7

N baa yini bani n joagagidikaali po. N baa mangi bi pala n diegu nni, ban jaandi nni naani. N baa tuo ki ga bi padijuukaana leni bi pada kuli N *padibinbinli po. Kelima n Diegu baa yaa yi i jaandi Diegu yo I nibuoli kuli po.

Jeremi 31:6

Li daali didi go kpendi ke yaaba n guu u dogu baa yedi: ‹Fii mani tin gedi Siyono Li Miali Diedo ti Tienu po.› »

Jeremi 42:3

Li Miali Diedo a Tienu n doagidi tipo tin baa tagini yaa sanu leni tin baa tieni maama.»

Ose Tili 6:3

Tin bandi mani Li Miali Diedo, Tin moandi mani ki bandi o. Nani lan ki pia kuli tama ke u yienu baa faa Ki pudi ku tiŋaagu maama yeni, U Tienu cuama moko tie yeni. O baa cua nani ki taludikaaga yeni, Nani a tañinbaana taaga n yen cua Ki kuugi ki tinga maama yeni.»

Sakari 14:16

Li baa baa yaa niba n baa ciadi I nilanbuoli yi n den cua ki baa Jelusalema yeni siiga. Laa niba baa yaa kpendi binli kuli laa dogu nni, Ki kpiagidi Li Miali Diedo, U Paaciamu Kuli Daano, Ki go jaani a koasuga *jaanma.

Sakari 2:11

Yinba Jelusalema yaaba, Ban den gedini yinba yaaba ti yonbidi Babilona, Jaligi mani ki sani.»

Sakari 9:10

O baa bolini ti toateliti Isalele buolu yaaba siiga, Ki bolini i taami mo bani Jelusalema yaaba siiga. O baa kua bi dabana. O baa teni mi yanduanma n yaa ye i nilanbuoli siiga. O baa yaa die, ki cili ñincianma kani ki ban tuoni hali ñincianma, Ki cili Yufilata kpenu ki ban tuoni hali u tinbianu.

Marki 16:20

O ŋoadikaaba den gedi ki ban wangi o Laabaaliŋamo i kaani kuli. O Diedo den tuuni leni ba ki saagi o Laabaaliŋamo po i moamoani leni yaa bancianma n den tiendi.]

Luki 24:47

ke bi baa cili Jelusalema na ki yadi ki gedi i nibuoli kuli po ki ban yaa wangi ke bi niba n lebidi bi yama ki baa sugili bi tuonbiadi po.

Jan n diani U Tienu Laabaaliŋamo maama 6:45

Li diani bi sawalipuaba tila nni: U Tienu baa bangi o niba kuli. Yua n cengi Baa ki ga o bangima kuli, wani n baa cua n kani.

Jan n diani U Tienu Laabaaliŋamo maama 7:17

O nilo yaa bua ki tieni U Tienu yanbuama baa bandi n bangima yaa ñani U Tienu kani, yaaka n yaa maadi n yuli po.

Jesu Tondiba Tuona 1:8

Ama yi baa baa u paalu U Tienu Fuoma Yua yaa jiidi yipo yaa yogunu, yi baa tie n siedinba Jelusalema nni, Jude po leni Samali kuli, hali ki pundi ŋanduna banlu kuli.»

Jesu Tondiba Tuona 13:42

Polo leni Banabasa n den ñani, bi niba den mia ba ke ban goa ki maadi bipo laa maama buolu mi fuodima daali yaali n ŋua.

LOMA YAABA 15:19

N den baa U Tienu Fuoma paalu, ki tieni bi siiga sinankeeninba leni mi bancianma. N den cili ki wangi Kilisiti Laabaaliŋamo Jelusalema, ki yuandi ki wangi li maama i kaani kuli hali ki ban gaani ki pundi Ilili diema.

Mi Tiadima 6:1

Diidi Li Miali Diedo yi Tienu n puogi nni ke min bangi yi yaa *bali maama, yaa mabilikaama leni yaa ñoabona, ke yin yaa kubi la ki tiendi la yin baa kandi ki kua ki diedi yaa diema yeni niinni.