Mise 4:1 - Gourmanchéma Bible

¹ Mi juodima yogunu yaa pundi, Li Miali Diedo bili, Ke o diegu n ye yaa juali po Baa kpedi ki cie a joabila kuli, Baa a joaciama moko. I nibuoli baa tigibi ki caa likani.

U TIENU MAAMA TILI 2013

¹ U yogunu yaa pundi, O Diedo bili ke o diegu n ye yaa juali po, Baa kpedi ki cie a joabila kuli, Ba a joaciama moko. I nibuoli baa yaa tigibi ki caa likani.

Mise 4:1 ပူးပေါင်းရင်းမြစ်များ

Mi cilima 49:1

Jakobo den yini o bijaba ki yedi ba: «Taani mani ke n baa waani yi yaala n faadi ki ye yi kuli yendo yendo yaa po.

Mi cilima 49:10

Li bali yaa gbiamu kan foagidi Juda kani, O badiciamo yaa gbiamu kan fuadi o taana nni. Hali yua n die o n baa cua, Bi niba kuli n baa tuo yua.

Pisomi 110:3

A niba pia li yankuali bonŋanla A paalu n doagidi yaa daali. Nani ku mangu n yen luoni u tiŋafaanu maama, A jawaaba baa cua a kani ki laa yaa tiadi n gagidi U Tienu po.

Pisomi 22:27

Bi yumiindanba baa je ki guo Yaaba n lingi Li Miali Diedo baa kpiagi o, Wan teni yin yaa ye yaa yogunu kuli!

Pisomi 48:1

Kole buolu yaaba yanbu.

Pisomi 86:9

O Diedo, ŋan tagi yaa nibuoli kuli baa cua Ki gbaani ki pugi a, ki go kpiagi a yeli.

Esayi 27:13

Laa daali, bi baa piebi li naatuntuncianli. Yeni, yaaba n den bodi Asili diema nni baa goa ki cua, Yaaba n yadi yadi Ejipiti diema nni Baa gbaani ki pugi Li Miali Diedo Yaa juali n gagidi ki ŋani yuli po, Jelusalema po.

Esayi 43:6

N baa yedi nijienu po diema: ‹Guani ba!› Ki yedi niganu po diema mo: ‹Da baa kubi ba!› Teni n bijaba n ña yaa diema n ye foagima ki kpeni Ki ñani n bisiaba mo hali u tinbianu ki guani ba.

Esayi 49:6

O den yedi nni: «Min teni ke a tua n naacemo yeni daa dagidi. A baa fiini Jakobo buoli yaaba Ki nan guani Isalele yaaba siiga yaaba n sieni. N go gandi a ke ŋan tua mi yenma i nibuoli po Ke n *faabima mo n talini Ki pundi hali ŋanduna banlu kuli po.»

Esayi 54:2

Diadi a gbandieli fanma. Poabidi ki tandi a gbandieli caba Tandi ŋa bonŋanla Foagidi li baabi Kpaa a kpakpaana lan yaa pa.

Esayi 56:7

N baa yini bani n joagagidikaali po. N baa mangi bi pala n diegu nni, ban jaandi nni naani. N baa tuo ki ga bi padijuukaana leni bi pada kuli N *padibinbinli po. Kelima n Diegu baa yaa yi i jaandi Diegu yo I nibuoli kuli po.

Jeremi 16:19

Li Miali Diedo n tie n gbanmanu, n wuonkaanu, Li pabiidili daali min baa sani ki deni yua. I nibuoli baa ña u tinbianu ki cua ki yedi: «Ti baanba den dini yaa faali n tie faama bebe. Yaa faama n ki pia mayuli

Jeremi 26:18

«Mise Moeseti yua den pua sawali Esekiasi Juda bado yogunu ki tua Juda yaaba kuli: ‹Li Miali Diedo U Paaciamu Kuli Daano yedi ke Siyono dogu baa tua kuanu. Jelusalema baa kpandi kulinjagbeligu, Li jaandieli juali mo baa tua yaa juali n baa kpandi fuali.›

Jeremi 3:17

Laa yogunu bi baa yaa yi Jelusalema “Li Miali Diedo bali kalikaanu”. Mi diema nibuoli kuli baa sani ki cua u dogu yeni niinni, Li Miali Diedo yeli nni, Jelusalema dogu yeni po. Bi kaa go baa ŋua bi pajuaga sanyuodi.

Jeremi 31:12

Bi baa cua Siyono juali po ki yiini leni li pamanli Kelima Li Miali Diedo n baa pa yaa piama po. Man tie: *ŋalikama, mi dapanma, mi kpama, Ti yanbidi leni a yangbenga. Bi baa yaa tie nani ban kpidi yaa tikuanu yeni. Jawaandi kan go cuo ba.

Jeremi 48:47

Ama li daali kpendi ke Moabi baa goa ki ŋanbi. Li Miali Diedo n yedi yeni.» Moabi buudi gbenma n yeni.

Esekieli 38:16

A baa fii ki cua ki baa n niba Isalele yaaba Nani ti tawadi n yen libini mi diema maama yeni. Laa bonla baa tieni mi juodima yogunu. N baa teni ŋan cua ki baa n diema Ke i nilanbuoli n bandi nni, Fini Gogi n baa teni min gagidi ki ŋanbi bi nintuali yaa yogunu.›

Esekieli 40:2

Li bonlekaala nni, o den yua nni ki gedini nni Isalele diema nni. O den ban sieni nni yaa juali n kpedi hali boncianla yuli po, yaali yaa niganu n den pia li bonla ke li se ki naani leni u dogu yaa diena yeni.

Esekieli 43:12

Lani n tie ku Diegu yeni balimaama. Yaa fanma n ye li juali yeni yuli po kuli baa yaa tie naankani n gagidi ki ŋani cain. Diidi lani n tie ku Diegu yeni balimaama.»

Danieli 10:14

N cua a kani ki baa waani a yaala n baa ti faa ki cua a nibuolu yaaba po. Kelima li go pia li bonlekaala laa yogunu po.»

Danieli 2:28

Ama tanpoli pia yaa Tienu n doagidi li bondoaginkaala. O bado, wani n waani a yaala n baa ti faa ki cua.

Danieli 2:35

Lanwani ti kudi leni ku yoagu leni ti kumoandi leni ŋanjilifa leni wula yeni den taani ki mudi yenma ki tua nani yaa fenma n ye u jalu nni ku fawaagu yogunu yeni. U faalu den liebi ki ñani likuli ke pu kuli ki sieni likani. Ama yaa tanli n den pua li nisaali-nannanli yeni den tua joacianli ki gbieni ki tinga kuli.

Danieli 2:44

Mi diema yeni batieba yogunu Tanpoli Tienu baa fiini dietoama yaama n kan bodi hali abada. Nibuoto kan fidi ki diedi ma. Mi baa mudi ki gbeni mi diekpiama yeni kuli, ama mani miba baa yaa ye hali yaa yogunu kuli.

Danieli 7:14

O den dini o nisaalo yeni li bali ki puni o ti kpiagidi leni mi diema ke i nibuoli kuli leni mi diema yaaba kuli leni i mabuoli yaaba kuli n tuo ki yaa ŋua o. O bali baa yaa ye hali yaa yogunu kuli, li kan gbeni, o diema mo kan bodi abada.

Danieli 7:18

Ama Tanpojoma Tienu nigagidiŋanba baa ti yuandi ki ga mi diema ki yaa die ma hali yaa yogunu kuli.›

Danieli 7:22

hali ke o jakpelo den cua ki jia ti buudi ki puni wani Tanpojoma Tienu nigagidiŋanba i moamoani. U yogunu n den pundi, bi nigagidiŋanba den baa li bali.

Danieli 7:27

Bi baa teni U Tienu niba, wani Tanpojoma Tienu nigagidiŋanba yeni yaa diema n ye ŋanduna nni kuli bali leni mi kpiagidi, ban yaa die. Bi diema baa yaa ye hali yaa yogunu kuli. Ŋanduna bali danba kuli baa tuo bi maama ki yaa tuuni bipo.›

Ose Tili 3:5

Li yaa puoli bi baa lebidi ki cua ki lingi Li Miali Diedo, bi Tienu leni bi bado, Dafidi puoliŋuani siiga. Bi baa faa ki guani Li Miali Diedo kani leni li fangili, ki go baa o *ŋanbili.

Mise 3:12

Lanwani kelima yinba yaa po, Bi baa ko Siyono nani u kuanu yeni. Jelusalema baa tua kulinjagbejuali. Ku tiigu mo baa pini U Tienu diegu n ye yaa juali yuli po.

Sakari 14:10

Mi diema kuli baa tua nani Alaba tialu yeni. Ki cili nijienu po dogu Geba, Ki ban pundi hali ganu po dogu, Limoni. Jelusalema dogu baa yaa ye u kaanu, Ki ye naani n kpedi. U baa tandi, ki cili bani Benjamina buolu yaaba buliñoabu kani, Ki ban tuoni hali bu buliñoakpelibu, Ki bonlogidiga buliñoabu kani. U go baa tandi, ki cili hali Hananeeli doguuda dieli kani, Ki ban tuoni hali o bado duven bonluonkaala datuodikaanu kani.

Sakari 2:11

Yinba Jelusalema yaaba, Ban den gedini yinba yaaba ti yonbidi Babilona, Jaligi mani ki sani.»

Sakari 8:3

N baa lebidi ki guani Siyono, ki yaa ye Jelusalema yaaba siiga. Bi niba baa yaa yi Jelusalema dogu: “Yaa dogu yaaba n bua U Tienu, ki tuo ki ŋua o.” Bi baa yaa yi Li Miali Diedo, U Paaciamu Kuli Daano, juali mo: “Mi gagidiŋanma juali.”»

Malaki 1:11

Ki cili hali u yienu n pudi naani, Ki ban tuoni hali wun baali naani, I nibuoli kuli kpiagidi nni. I kaani kuli bi niba padi ki siagi npo a *dugibila. Bi go padi yaa pada n ŋani ki dagidi npo, ki kpiagidi nni. I nibuoli kuli kpiagidi nni. Li Miali Diedo, U Paaciamu Kuli Daano n yedi yeni.

Jesu Tondiba Tuona 2:17

U Tienu yedi daa: ‹A juodidana yogunu n baa teni n Fuoma n jiidi Ki yayadi bi nisaaliba kuli po, Yi bijaba leni yi bisiaba baa pua sawali, Yi jawaaba baa baa li bonlekaala, Yi jakpela mo baa dangi ti dangidi.

Hebilunba 1:2

Ama moala, mi juodima dana nni, o maadi leni tinba o Bijua yaa ñoabu nni. O den bili ke wane n diedi li bonla kuli, o yaa niinne ke o go tagi li ŋandunli kuli.

2 Pieri 3:3

Yin tuodi ki bandi ke mi juodima yogunu, li ñuali danba baa cua leni bi ñuali, bani yaaba n ŋua bi gbanandi bonbuakaala.

Mi Doagidima 11:15

O maleki-leleelo den piebi kakaci. I nialiciami den kpaani tanpoli po ki yedi: «Moala ŋanduna diema tua ti Diedo Leni wani *Gandi Yua yaa yaama O baa die hali yaa yogunu kuli.»

Mi Doagidima 15:4

Ti Diedo, ŋme n ye kaa baa fangi a Ki kpiagidi a yeli? Kelima fini bebe n gagidi ki ŋani. I nibuoli kuli baa cua Ki labini a nintuali ki kpiagi a Kelima a *teginma doagidi.»

Mi Doagidima 20:4

N den laa i bali kalikaani, ke yaaba n ka ipo den baa li bali ki baa jia ti buudi. N go den laa ban jendi yaaba yaa yula yaa naani kelima Jesu yaa siedi po leni U Tienu Maama po, leni yaaba n kaa den gbaani ki kpiagi ki fuayanga leni ki nannanli, kaa ga o maalima bi yutuna yaaka bi nii po. Bi den goa ki baa li miali ki die leni Kilisiti hali bina tudili.