Mise 3:7 - Gourmanchéma Bible

⁷ Yaaba n pua sawali kuli baa pii bi nunmu kelima i fe po, Kelima U Tienu kan guani bipo liba.

U TIENU MAAMA TILI 2013

⁷ Yaaba n pua saawali kuli baa pii bi nunmu i fe po, Kelima U Tienu kan lebidi bi po liba.

Mise 3:7 ပူးပေါင်းရင်းမြစ်များ

Pisomi 74:9

Tii go nua a yema ti siiga maalima. *Sawalipualo ki go ye. Ti siiga nni oba kuli mo ki bani Laa bonla n baa waagi yaa bianu.

Mi Ñama 9:11

Bi ñoagidanba naa den fidi ki cua Musa kani kelima a sinakpina yaa po. Kelima a sinakpina den cuo bi ñoagidanba nani lan cuo Ejipiti yaaba kuli maama.

Esayi 44:25

N biandi tuofaasinankeene fanma Ki jiendi a baayuadiida. N teni ke a banda suligi ki goa puoli Ki lebidi bi bandima ke mi tua yanpiima.

Jeremi 18:18

Lanwani li den baa yaa niba n den yedi: «Cua mani tin juogi ki baa tin baa Kuani Jelemi naani! Kelima li *bali maama kan kpe ke bi kopadicianba ye Tundi kan gbeni ke bi yanfodanba ye, Sawali kan gbeni ke sawalipuaba ye. Cua mani tin kpa o leni mi maama, Tin da cengi o mayedikaama.»

Esekieli 24:17

Ŋan yaa duni a pali nne ki nan da doagidi mi kuuma paboanli. Ama, ŋan fini a yufinfinjuadi, pili a cacaadi, da pigini a ñoakobidi, ki da go je nitoaba jiema.»

Esekieli 24:22

Lanwani yi baa tieni nani min tieni maama. Yi kan pigini yi ñoakobidi, yi kan je nitoaba jiema mo.

Levi 13:45

Gbaado kuli baa laa ti tiacadinti, ki kan yaa ciibi liba. O go baa pii o ñoabu ki yaa kpaani ki tua: ‹Joagindi! Joagindi!›

Amosi 8:11

O Diedo Li Miali Diedo, yedi: «A dana kpendi ke n baa soani mi koma mi diema nni, Laa tie mi jiema yaa koma ka, Laa go tie mi ñima yaa ñunñuunu moko. Ama li baa yaa tie Li Miali Diedo maama gbadima Yaa koma leni mi yaa ñunñuunu.

Mise 3:4

Li tie lani yaa po ke yaa yogunu ke yi ti kpaani Ki miadi Li Miali Diedo wan faabi yi, O kan guani yi liba. O baa buli yi o nunga laa yogunu, Kelima yi soani yaa tuona n bia.»

Mise 7:16

I nilanbuoli yaaba baa ti le lankuli i fe n cuo ba, Baa leni ban pia yaa paalu kuli. Bi baa pii bi ñoana, Bi tuba mo baa womi.

Sakari 13:4

Laa daali, I fe baa cuo yaaba n pua sawali ke bi kan go pua. Bi kan go togidi bi bonlekaala mo. Bi kan go laa bi sawalipuaba liada ya n tie gbandi, Ki pia ti kobidi yeni, Ki yaa boandi bi niba.

1 Samueli 14:37

Lanwani Sayula den buali U Tienu: «Min fii ki jiidi ki baa Filisiti yaaba bi? A baa taa ba ki teni tinba Isalele yaaba nuu nni bi?» Ama laa daali U Tienu ki den guani o liba.

1 Samueli 28:15

Samueli den yedi Sayula: «Be yaa po ke a yagi n yama ki teni ke n ñani?» Sayula den goa ki yedi o: «N ye yanyagiciandi nne. Filisiti yaaba togidi leni nni bu toabu, U Tienu mo lebidi ki ŋa nni, waa guani nni liba o sawalipuaba kani bi ti dangidi nni. Lani yaa po yo ke n yini a, ŋan waani nni min baa tieni yaala.»

1 Samueli 28:6

O den mia Li Miali Diedo. Waa den guani liba ti dangidi nni, bi *Ulima bi bi sawalipuaba kani.

1 Samueli 9:9

Hali yogu, Isalele diema nni bi yaa den bua ki gedi ki mia U Tienu wan doagidi bipo bonla, bi den yen yedi: «Tin gedi yua n nua saala bonla po.» Kelima moala ban yi yua o sawalipualo, kpiama bi den yi o yua n nua saala bonla.