Mise 3:2 - Gourmanchéma Bible

² Ama yi nani yaala n ŋani tienma Ki bua yaala n bia yaa tienma. Yi piti n niba gbandi, Ki kogidi bi nandi ki ŋaani a kpaba.

U TIENU MAAMA TILI 2013

² Ama yi nani yaala n ŋani tienma, Ki bua yaala n bia yaa tienma. Yi pidi n niba gbandi, Ki kogidi bi nandi ki ŋaani a kpaba.

Mise 3:2 ပူးပေါင်းရင်းမြစ်များ

1 Bi Badiba 21:20

Akabi den yedi Elia: «N yibali, a laa nni yo?» Elia den goa ki yedi o: «N laa ŋa kelima a puni a yuli ki tiendi yaala n bia Li Miali Diedo po.

2 Bi Badiba Jama 19:2

O sawalipualo Hanani bijua Jehu den tuogi o bado Josafati ki yedi o: «Be yaa po ke a todi o nibiado? Naani a bua yaaba n nani Li Miali Diedo yo? Kelima ŋan tieni yaala yaa po yeni, Li Miali Diedo pali beni apo.

Pisomi 15:4

Waa nua ki faadi U Tienu n yie yua, Ama o jigindi yaaba n fangi Li Miali Diedo. O yaa niani ñoanianu bonla po baa li yaa baa biidi opo, O kan lebidi, o baa kubi o ñoanianu.

Pisomi 53:4

Bikuli yaadi, bikuli biidi bi yula. Yua n tiendi yaala n ŋani naa ye, Baa niyendo!

Mi Kpanjama 28:4

Yaaba n yie li *balimaama pagi o nibiado yo Ama yaaba n ŋua li balimaama pali be opo.

Esayi 3:15

Be yaa po yo ke yi wangi n niba fala ki mabindi a luoda? Li Miali Diedo U Paaciamu Kuli Daano n yedi yeni.»

Esayi 5:20

Fala n nandi yaaba n tua yaala n bia ke li ŋani, Ke yaala n ŋani mo bia, Ki nua ke li *biigili tie yenma, Ke yenma mo tie biigili, Ki nua ke paboanli tie pamanli, Ke pamanli mo tie paboanli.

Esayi 57:12

N baa doagidi yi *teginma leni yi tuona Ke li kan todi yimo.

Esekieli 11:7

Li tie lani yaa po ke o Diedo, Li Miali Diedo yedi: Yi tinkpiba, Yin bili yaaba u dogu siiga yeni n tie ti nandi, U dogu mo n tie li kpinbobili.

Esekieli 22:27

U badijaba ye u niinni nani yaa fuasangbanli n dadi ki toadi ban cuo yaa yandi yeni. Bi wuliti mi soama, ki bolindi bi niba ki bua ki yaa baadi ti ñuadi.

Esekieli 24:4

Ŋan kpieni a nanjena lienni, A nanjenŋama kuli, li panli leni li boacabili. Ŋan go gbieni li leni yaa kpaba n ŋani ki cie.

Esekieli 34:3

Ama diidi yi ŋa i pe ki naa kpaa ba. Yi ŋmani mi yankpama, ki laa ti pekobidi yaa tiadi, ki go padi yi pada yaa pe n pia mi kpama. Yi naa den kpaa i pe.

Amosi 4:1

Yinba yaa popiada n ye Samali juali po, Ki gbengi nani Basana tialu naañuana yeni, Cengi mani yaa maama n tie na: «Yi mabindi taliginba, ki ŋmaadi ki midi a luoda, Ki tua yi ciaba: ‹Taa mi daama ki cuani tin ño.› »

Amosi 5:15

Nandi mani yaala n bia tienma, Ki bua yaala n ŋani yaa tienma, Yin yaa ja ti buudi leni mi teginma u bujiakaanu. Daalinba, Li Miali Diedo, U Tienu, U Paaciamu Kuli Daano, Baa gbadi mi niñima, Josefi puoliŋuani, yi n sieni po.

Mise 2:8

Li Miali Diedo yedi yi: «Hali yogu yi fii ki sedi ki tua n niba yibalinba. Yi fenli yaaba n ñani bu toabu po Ki kpendi ke bi yama dua yaa kpaligolikaadi.

Mise 7:2

Bi niŋanba kuli bodi, baa yendo naa go ye mi diema nni. Yaaba n tiegi kuli gbeni bi niba siiga, Bi niba kuli wuoni ki bua ki bibi bi lieba ki kpa ba. Nilo kuli dia o kpiilo ku diagu ki bua ki cuo o.

Mise 7:3

Bi niba kuli nii maani yaala n bia tienma. Bi yudanba kan tieni pu se ki ga li suuli. Bi bujiaba moko dia bi niba a suuna. A nikpiaga doagidi yaa nunponbiadili n pia ba. Bikuli n taani ki tuu ñoabu.

Sofoni 3:3

Bi yudanba tie nani yaa yangbanli n gaandi ki duni, Bi bujiaba tie nani yaa fuasangbanli n yen goadi ku ñiagu, Ki co li bonla ki ŋmani likuli kaa baa sieni liba mi faama po.

Luki 19:14

Ama o dogu nni yaaba den nani o ki yuandi ki soani o puoli bi tondiba ke ban ban yedi: ‹Tii bua yaa ja n tie na n yaa die ti.›

Jan n diani U Tienu Laabaaliŋamo maama 18:40

Bi den tiani: «A-a, wani ka, faabi tipo Balabasa.» To, Balabasa yeni den tie sanjiale.

Jan n diani U Tienu Laabaaliŋamo maama 7:7

Ŋanduna yaaba kan fidi ki yaa nani yi, ama bi nani mini wani, kelima n tiendi siedi ke ban tuuni yaa tuona bia.

LOMA YAABA 1:32

Baa ke bi bani U Tienu mabilikaama yaama n tiegi ki yedi ke li pundi ke yaaba n tieni laa bonbiadi buolu n kpe. Ama bi tiendi la bani biba, ki go saagi yaaba n tiendi yeni po i moamoani.

LOMA YAABA 12:9

Yin da bua yi lieba mo leni pala lie. Yin yaa nani mani yaala n bia, ki yaa kubi yaala n ŋani ke li pa.

2 Timote 3:3

Bi go baa tie yaaba n bia ki naa pia niñingbadima, ki tie ku tuotabigu danba, leni yaaba n kaa kubi bi yula, leni ku tugutongu danba, ki tie bi niŋanba kuli yibalinba,