Mise 2:4 - Gourmanchéma Bible

⁴ Laa daali yi baa tua bi niba po li ñuali kpanjama. Yi baa wanli li paboanli wanli Ki yedi: ‹Bi ga ti diena cain. U Tienu puni nitoaba ti buolu biinu, Ŋain, o fie ti biinu O teni ti kuani ti yibalinba.›

U TIENU MAAMA TILI 2013

⁴ Landaali yi baa tua bi niba po Li ñuali kpanjama. Yi baa wanli ki yedi: ‹Bi gaa ti diena cain. Bi fie ti biinu ki teni nitoaba. Ŋain, be n teni ke bi fie ti biinu? Ti yibalinba gaa ti kuani ki boagidi.›

Mise 2:4 ပူးပေါင်းရင်းမြစ်များ

2 Samueli 1:17

Dafidi den ñani Sayula leni o bijua Jonatan po bu kuyanbu.

2 Bi Badiba Jama 35:25

O sawalipualo Jelemi den ñani Josiasi kuuma po, bu kuyanbu. Bi yanyanjaba leni bi yanyanpuoba kuli maadi Josiasi maama bi kuyani nni. Li tua bogidili Isalele diema nni ki taa ki pundi hali dinla. Laa yani diani i kuyani tili nni.

Jobi 27:1

Joba go den doagidi o moamoani ki yedi:

Esayi 14:4

Ŋan yedi Babilona bado po yaa maama n tie na: «Be, ki mabinga daano ki go ye! Ku tugumoangu gbeni!

Esayi 24:3

Ki tinga kuli bia fanma, bi fagi kikuli, Kelima Li Miali Diedo n maadi mi naa maama:

Esayi 6:11

N den yedi: «O Diedo hali u laa yogune?» O den goa ki yedi: «Hali fala n baa nandi i dogi, bi niba n gbeni, Ti diedi n luo bi niba, Ki tinga mo n pua nafanu ki kuodi.»

Jeremi 14:18

A yaa gedi ku muagu po, Diidi bu toabu n dini yaaba nne. Min didi kua u dogu nni mo, Mi koma n teni ke yaaba n yiagi nne. Baa o sawalipualo leni o kopadiciamo Goadi mi diema nni ke li paki ba.»

Jeremi 4:13

Diidi wani n do tanpoli nani ti tawadi yeni. O teliti tie nani o pinpinja yeni O taami jaligi ki cie jiebaninba. Ti bia n yeni! Bi soani ti tuonli!

Jeremi 6:12

N yaa fii ki sedi mi diema yaaba po, Nitoaba baa fie bi diena, Ki taani leni bi kuani leni bi puoba kuli.

Jeremi 8:10

Lani n teni ke n baa taa bi puoba ki teni nitoaba, Ki teni yaaba n paadi ba mo n diedi bi kuani. Kelima ki cili ki bonwaaga ki ban pundi o nikpelo, Bikuli li tiini ki lingi bi yucela ŋamu bebe. Ki cili o sawalipualo ki ban taani o kopadiciamo, Bikuli li ye i janbi po yo.

Jeremi 9:10

Li Miali Diedo yedi: «N baa teni Jelusalema diema n tua diegbengu, I tanboe n ye naankani. N baa teni Juda dogi n tua paboanli kaanu Niba n ki go ye naani.»

Jeremi 9:16

Li Miali Diedo U Paaciamu Kuli Daano yedi nanda: «Kpaagi mani! Yini mani yaa puoba n mua i kumoe Yini ba mani ban cua. Ban yini mani yaa puoba n bani li tuonli Ki teni mani ban cua.

Esekieli 16:44

Diidi a kpanjapuala kuli baa pua apo yaa kpanjama n tie ne: ‹Bi naa n tie maama, o bisalo mo tie yene.›

Esekieli 2:10

O den pindi li n nintuali: Li den diani li tugu nni leni li puoli po. Li den diani lipo: “i wanli, a bubula, leni paboanli.”

Joeli 1:13

Yinba bi kopadicianba, Laa mani li paboanli tiadi ki biidi yi pala. Yinba yaaba n tuuni li *padibinbinli kani, yin mua mani. Cua mani ku ñiagu ki duani ki laa li paboanli tiadi, Kelima mi pienma pada leni a ñincaba bodi yi Tienu diegu nni.

Joeli 1:8

Mua mani nani yaa pocaano n mua o calo kuuma yeni.

Amosi 5:1

Yinba Isalele yaaba, Cengi mani yaa maama n tie na! Cengi mani min baa wanli yipo yaa kuwanli!

Amosi 5:17

Bi niba baa mua i kumoe i duven tiidi kuani nni kuli, Lani kuli baa tieni kelima n kpendi Ki baa bu ki cuo yi.» Li Miali Diedo n yedi.

Mise 1:15

Yinba Madesa dogu yaaba, N baa teni nitoaba n diedi yi. Isalele yaaba leni bi kpiagidi kuli, Baa sani ki ban wuoni Adulama dogu nni.

Mise 1:8

Mise go den yedi: «Lani n teni ke n baa mua ki figindi, N baa cuoni taafana leni benbili, ki doagidi n paboanli. N baa yaa mua ki tangi nani i tanboe yeni. N baa duni ki kpaani nani ti tataadi yeni.

Mise 2:10

Fii mani ki yaa caa, Kelima nekanba kan go yaa tie yi fuodikaanu. Kelima yi tuonbiaciandi n baa cuani fala ne. Yen de, yaa fala n bia baa cua ne.

Habakuki 2:6

Laa nibuoli kuli baa cili ki yaa maadi li mañuali leni mi makpanjama. Bi baa yaa tua: «Fala n baa yinba yaaba n su yi lieba ki dogindi mi piama. Fala n baa yaaba n tiendi bi pandanba u paalu Ke bi pa ke li cie ban ga maama. Yi baa yaa tiedi laa bonla ki ban tuoni hali u laa yogune yo?

Sofoni 1:2

Li Miali Diedo den yedi: «N baa bolini yaala n ye mi tinfanma nni ki fo kuli.

Mi Coadima 23:18

Balaama den maadi wan den pia yaa maama ki yedi: «Balaaka ŋan fii ki cengi nni, Fini Tisipoli bijua yeni, Ŋan diadi a tubili ki cengi nni.

Mi Coadima 23:7

Balaama den maadi wan den pia yaa maama ki yedi: «Balaaka teni ke n ñani Alama po ki cua ne, Moabi bado teni ke n ñani puoli po juana nni ki cua ne. Cua ne ki soli npo Jakobo puoliŋuani! Cua ne ki wuli a pabienli Isalele yaaba po!

Mi Coadima 24:15

Balaama den maadi wan den pia yaa maama ki yedi: «Mini Beola bijua Balaama n yedi yaala tie line, Mini yaa ja yaa nuni n ŋubidi ki nua bonŋanla n yedi yaala tie line,

Mi Coadima 24:3

Balaama den maadi wan den pia yaa maama ki yedi: «Mini, Beola bijua Balaama n yedi yaala tie line, Mini, yaa ja yaa nuni n ŋubidi ki nua bonŋanla n yedi yaala tie line,

Marki 12:12

Jufinba nikpiaga den bandi ke Jesu pua mi kpanjama yeni ki maadi leni bane, ke bi moandi ki baa cuo o, ama bi den jie ku niligu, ki fii o kani ki ban caa.

Mi Tiadima 28:29

ke yin yaa tulibi u yensicocolu nani a juama n tulibi li *biigili nni maama. Yin jagi ki bua ki tieni yaala mo kuli kan baa yuli, ban yaa mabindi yi i kaani kuli, daali kuli, ki kpabidi yi, ke li nan kan baa yua n baa ga yi.