Mise 2:10 - Gourmanchéma Bible

¹⁰ Fii mani ki yaa caa, Kelima nekanba kan go yaa tie yi fuodikaanu. Kelima yi tuonbiaciandi n baa cuani fala ne. Yen de, yaa fala n bia baa cua ne.

U TIENU MAAMA TILI 2013

¹⁰ Fii mani ki yaa caa! Nekanba kan go yaa tie yi fuodikaanu, Kelima yi tuonbiaciandi n cuani yi fala. Yeni de, yaa fala n bia baa cua nekanba.

Mise 2:10 ပူးပေါင်းရင်းမြစ်များ

1 Bi Badiba 9:7

n baa ñani Isalele yaaba min den puni ba yaa diema nni, n baa ŋa min den gagidi yaa jaandieli n kpiagidi po ne. Lanwani i nibuoli kuli baa yaa ñuadi ba ki laa ba.

2 Bi Badiba 15:29

Isalele diema bado Peka n den die yaa yogunu, Asili bado Tigilati-Pelesedi den cua ki fie Ijoni leni Abela-Beti. Maaka leni Janaaki leni Kedesi leni Hasoli leni Galaadi leni *Galile leni Nefitali diema kuli, ki cuo bi niba ti yonbidi ki gedini ba Asili.

2 Bi Badiba 17:6

Ose bali binyiali binli. Asili bado den paadi Samali ki cuo ba ki gedini Asili diema ti yonbidi. O den kaani ba Hala yaa dogu nni, leni Kabala, Gosana kpenu yaa boanduoli, leni Mediya nibuolu yaaba dociami nni, ke bi ye lankani.

2 Bi Badiba Jama 7:20

n baa deli yi ki ñani yi min den puni yi n tinga yaaga yaa niinni, ki ñani n nuu li naa dieli, min gagidi yaali n yeli kpiagidi po yeni maama nni. Lanwani i nibuoli kuli baa laa ki go ñuadi Isalele yaaba.

Pisomi 106:38

Bi den wuli yaaba n ki pia tagili soama Ki den taa bi bijaba leni bi bisiaba soama Ki padi Kanana yaaba buli po. Lani, mi diema den *joagini kelima li kukpali po.

Pisomi 95:11

Li tie lani yaa po ke n den poli n pabienli nni ki yedi: «Bi kan kua n fuodima nni.»

Jeremi 10:18

Diidi Li Miali Diedo yedi mine: «N baa lugidi mi diema yaaba Nani ku tanbuncaangu yeni. N baa mabini ba bonŋanla, Ki teni ban nandi ba.»

Jeremi 3:2

Yaadi ki noanli a juana yula po, Diidi mani, naani a pia naani ke ŋaa cagini a yuli? Bi den teni ke a kaa i sani nni Nani Alabi nibuolu n kaa mi fanpienma nni maama. A joagini mi diema Leni a cancagintuada leni a *conconma.

Jeremi 9:19

Bi puoba, cengi mani Li Miali Diedo maama Yi tuba mo n gbadi o ñoabu n yedi yaala. Bangi mani yi bisiaba ban baa yaa mua ki figindi maama. Bangi mani yiyaba i wanli n wanli maama.

Esekieli 36:17

«O ja na, cengi, Isalele yaaba n den ye bi diema nni yaa yogunu, bi tagi leni bi tuona den gundi maama hali ke bi den *joagini ma. Bi tagi den joagini npo nani yaa pua n laa o ŋmaalo yeni.

Esekieli 36:19

N den yadi yadi ba i nilanbuoli nni ke bi kaa dielanma nni. N den jia ba leni ti buudi nani bi tagi leni bi tuona n den tie maama.

Mi Tiadima 12:9

kelima yi daa pundi mi fuodima kaanu, Li Miali Diedo yi Tienu n puni yi yaa tinga nni.

Mi Tiadima 30:18

n kadi ki waani yi dinla ke yi baa bodi, ke yi miali dana mo kan foagidi yin baa kandi Judana kpenu ki kua ki diedi yaa diema yeni niinni.

Mi Tiadima 4:26

Tanpoli leni ki tinga n tie siedinba mini leni yinba siiga dinla. Li yaa tie ke yi tieni laa tuonbiadi buolu, yi baa kpe ki bodi tontoni yin baa kandi Judana ki diedi yaa diema yeni niinni. Yi miali dana kan foagidi kelima yi kuli baa bodi cain.