Mise 2:1 - Gourmanchéma Bible

¹ Fala baa baa yaaba n dua bi duani nni, Ki kpaagi ki bogindi ban baa tieni yaa bonbiadila. Ku tiŋapanpangu bi yen tieni li bonbiadila yeni, Kelima bi pia li paalu.

U TIENU MAAMA TILI 2013

¹ Fala baa baa yaaba n dua bi duani nni, Ki bogindi mi biadima. Ku tiŋaapanpangu bi yen tieni la kelima bi pia li paalu.

Mise 2:1 ပူးပေါင်းရင်းမြစ်များ

Mi cilima 31:29

N nuu pia u paalu ke n baa fidi ki tieni a yaala n bia, ama a baa yaa Tienu den maadi leni nni wonli nni ki yedi nni: ‹Fangi a yuli ki da maadi Jakobo maamaba kuli.›

1 Bi Badiba 21:7

O pua Jesabeli den goa ki yedi o: «Fini ko n die li bali Isalele yaaba diema nni bi? Fii ki je ki mangi a pali. Mini, n baa teni a Jisileeli yua Naboti duven tiidi kuanu.»

Esiteri 3:8

Lani yaa puoli Hamana den yedi o bado Asuelusi: «U nibuolu ye ki yayadi a diema kuli nni kaa taa leni yaa nibuolu n sieni. Bi pia yaa balimaama n ki taa leni yaa nibuoli n sieni, baa kubi fini o bado balimaama mo. Bi yaa cedi ba suo, li kan yaa ŋani apo.

Esiteri 5:14

O pua Selesi leni o danlinba kuli den yedi o yaa maama n tie na: «Ŋan teni ban caani yaa dafoagidigu n pundi nukpanduna piimuu ke saala ku tiŋaagu ŋan mia o bado wan teni ban joani Malidoke ki soadi o ku daagu yeni po, lani yaa pendi ŋan yegi leni o bado ki gedi mi jaanjiema po ke a pali mani.» Laa maama den mangi Hamana ke o den teni ke bi caani ku daagu.

Esiteri 9:25

Ama Esita den kua ki laa o bado ke o ñani o ñoabonli ki diani ke Hamana n den jagi yaa yanjagibiadili ki bua ki bolini Jufinba yeni n goa ki baa o yuli po, ke ban joani o, wani leni o bijaba kuli ku daagu po ki soadi ba.

Jobi 15:35

Ki jagi yaala n bia li baa cuani fala, Yaala n ña o niinni kuli janbi bebe.»

Jobi 24:14

O nikpalo yen fii lan da biigi yaa yogunu yo Ki kpa o niñinnilo leni o luodo Ku ñiagu mo o yen tie nani li conconli yeni.

Pisomi 36:4

Faama leni janbi maama n ña o ñoabu nni. Yaala n ŋani tienma ki go pia opo mayuli.

Pisomi 36:5

O duanu nni o jagi yaala n bia. O se yaa sanu n ki tiegi nni. Waa yiedi yaala n bia.

Pisomi 58:3

Kalam! Yi tieni mi biadima nani yin bua maama. Yi biadima wuli ki ladi ki tinga nni kuli.

Mi Kpanjama 12:2

Li Miali Diedo pali mani yua n tiendi yaala n ŋani po, Ama o pali yie yua n pia a yantiabiada.

Mi Kpanjama 14:22

Yaaba n pia a yanjagibiada yaadi. Yaaba n pia a yanjagiŋama mo tuuni leni mi buama leni i moamoani.

Mi Kpanjama 3:27

Ŋan da yie ke a kan todi yua n luo, a yaa pia li fidu.

Mi Kpanjama 4:16

Kelima bi nibiadiba kan duani ki guani kaa tieni bonbiadila. Bi yaa baa ban guli yua, bi kan fidi ki guani.

Esayi 29:20

O tugumoandaano kan go yaa ye. O ñuañuado baa bodi. Yaaba n den wuo ki baa tieni yaala n bia kuli baa bodi cain.

Esayi 3:14

O baa jia ti buudi leni o niba siiga a nikpela, Leni bi yudanba ki yedi: «Yi ŋmani n duven tiidi kuanu, Yin fie yaala a luoda kani gbie yi diedi.

Esayi 32:7

Ku niyuogu wani, yaa tuada gundi, O jagi a yanjagibiada ki baa biani taliga leni mi tuofamaama, Baa ke o se i moamoani nni.

Esayi 5:8

Mi yebiadima baa ŋma yinba yaaba n da a diena, Ki nagindi aya po, Ki fenli i kuani ki pugidi iyi po Hali ke fanma ki go ye. Yinba bebe n pia u yekaanu mi diema siiga.

Esayi 59:3

Yi nii *joagini kelima mi soama po Yi niibila mo ye leni i tagili Yi ñoacuuna mo maadi i boandi Yi landi mo bunbidi mi biadima.

Jeremi 18:18

Lanwani li den baa yaa niba n den yedi: «Cua mani tin juogi ki baa tin baa Kuani Jelemi naani! Kelima li *bali maama kan kpe ke bi kopadicianba ye Tundi kan gbeni ke bi yanfodanba ye, Sawali kan gbeni ke sawalipuaba ye. Cua mani tin kpa o leni mi maama, Tin da cengi o mayedikaama.»

Esekieli 11:2

Li Miali Diedo den yedi nni: «O ja na, yaa jaba n tie ne, tie yaaba n pia yaa yanjaga n ki ŋani, ki nan go tundi yaa tundi n ki ŋani u naa dogu nni.

Esekieli 33:26

Yi dugi yi jatiadi po, ki tiendi yaa tuona n gundi ke yua kuli conbi leni o nisaalilielo pua. Yi tama yene ke yi baa diedi mi diema!›

Esekieli 38:10

O Diedo, Li Miali Diedo yedi mi ne: Laa daali yaa pundi, A pali nni baa baa a yankpaaga boncianla Ŋan jagi ke a baa tieni yaala n bia.

Esekieli 46:18

O bado kan ga bi niba faali kani liba kuli. O kan didi kpabidi ban pia yaala mo. Wan baa teni o bijaba yaa faali yeni, o baa ñani la o yaa bonpiakaala kane, ke n niba siiga oba kuli n da luo wan die yaala.»

Mise 6:12

U dogu nni piada mabindi a luoda. U dogu nni yaaba kuli pua mi faama ki janbidi bi lieba.

Nahumi 1:11

O nilo fii yinba Ninife yaaba siiga, Ki jagi Li Miali Diedo po yaala n bia. O pia a yantiabiada.

Sakari 7:10

Yin da mabindi a kpepuona, a kpienbila, bi canba leni a tadima. Yin da kpaagi yiyaba po yaala n bia.›

Marki 15:1

U yienu pudima yogunu bi kopadicianba yudanba, bi nikpeliba li *bali maama bangikaaba leni bi *cancannikpeliba den taani ki juogi. Bi den loli Jesu ki gedini o ki ban teni o Pilata.

Luki 20:19

Lanyogunu liga bi kopadicianba yudanba leni li bali maama bangikaaba den moandi ki baa cuo Jesu, kelima bi den bandi ke o pua mi kpanjama yeni ki bagi bane, die bi den jie bi niba.

Jan n diani U Tienu Laabaaliŋamo maama 19:11

Jesu den goa ki yedi o: «A kan baa npo baliba, bi yaa den puni a li tanpoli po. Li tie lani yaa po ke yua n den cuo nni ki teni a pia i tagili ki cie fini.»

Jesu Tondiba Tuona 23:12

Lan den fii ki fa, Jufinba den taani ki juogi, ki poli ki yedi ke bi kan je, bi kan ño bi yaa ku Polo.

Jesu Tondiba Tuona 23:15

Lanwani, yin taani mani leni bi cancannikpeliba taancianli yaaba, ki soani a minteela yudanciamo kani ki mia o ke wan cuani Polo yikani nani yi bua ki bandi o maama fuuli ki pugini yeni. Tinba mo ti bogini ki baa kpa o hali ke o daa pundi yikani.»

LOMA YAABA 1:30

Bi go tie bi ñoakpalidanba ki maadi bi lieba po yaala n bia leni U Tienu yiekaaba leni bi yusiedanba, leni bi japaadanba, leni yaaba n pagi bi yula. Bi go cili yaa biadima n kaa den kpa ye, ki tie bi danyiekaaba moko.

Mi Tiadima 28:32

Bi baa taa yi bijaba leni yi bisiaba ki teni nibuotoe yi nunbu nni ban yaa ban laadi fala lipo daali kuli ke yi nan kan fidi ki tieni liba kuli.