Mise 1:7 - Gourmanchéma Bible

⁷ N baa teni ban mudi ban den kpie i *buli nannana yaa kuli, Ki buoni bi niba n den puni i buli yeni yaa paabu kuli. N baa bolini bi buli kuli. Samali yaaba den baa laa buli leni a budiena poconcona panpaani. Bi yibalinba baa tugi laa nannana Ki ban yaa kpiagidi bi budiena nni.»

U TIENU MAAMA TILI 2013

⁷ N baa teni ban mudi ban den kpie yaa buli, Ki buoni bi niba n den puni i buli yeni yaa paabu kuli u mu nni. N baa bolini bi buli kuli, kelima bi den baa yi A budiena puoconcona panpaani nne. Bi go baa taa yini yo ki pa bi conconma po.»

Mise 1:7 ပူးပေါင်းရင်းမြစ်များ

2 Bi Badiba Jama 31:1

Mi *jaanma n den gbeni, Isalele yaaba, yaaba n den ye likani kuli den kua Juda diema dogi nni ki ban mudi a butana, ki jia ti budaadi, ki tudi ki luni yaa padibinbina n den ye a juana po. Bi den tieni yene leni yaa padibinbina n den ye Juda diema nni, Benjamina diema nni, Efilayima diema nni leni Manase diema nni kuli. Lan den pendi Isalele diema yaaba kuli den goa ki kuni bi dogi po, yua kuli o denpo.

Esayi 2:18

I buli kuli baa bodi.

Esayi 23:17

Bina piilele yaa tuoni, Li Miali Diedo baa goandi Tili dogu. Tili baa guani ki yaa baadi o poconconligi. O baa conbi leni yaa diema buoli kuli n ye ki tinga nni.

Esayi 27:9

Lani n tie ban baa duuni ki ñani Jakobo *tuonbiadi maama n yeni. O tuonbiadi sugili mo n baa cuani yaala nne: O teni ke li *padibinbinli tana kuli mudi yomi yomi nani o kaalo yeni, Moko, *Akela budaadi kan go sedi ban juugi tulale naani kuli.

Esekieli 6:6

Yin ban ye naankani kuli Yi dogi baa tua diegbendi Yi padibinbina ya n ye a juana po baa mudi, Yi tuonandi padibinbina mo baa wudi. Yi buli baa kua kua ki pendi. Yin juugi a dugibila yaa bunbuna po baa baa, Yin tagi yaala kuli mo baa bodi.

Ose Tili 2:12

N baa yiedi o mubima, O jaconcona nintuali. Oba kuli mo kan fidi ki faabi o n nuu nni.

Ose Tili 2:14

N baa bolini o duven tiidi leni o kankandi, Wan maadi yi yaa maama Ki tua: ‹N jaconcona n pani nni yaa panpaani nna.› N baa teni likani n tua fuali, Ti moayandi mo n ŋmani i tiidi yeni.

Ose Tili 2:5

Lani yaaka, n baa yiedi o mubima, Ki ŋa o o naa n mali o maama. N baa teni o diema n tua fanpienma, Ñima n ki ye yaa tinga nni. N baa teni wan kpe ñunñuunu.

Ose Tili 8:5

Li Miali Diedo yie yinba Samali yaaba N kpiagidi yaa naabiduadikaaga yeni. N pali fii yipo, Kelima yi kan fidi ki kan tieni janda.

Ose Tili 8:6

Ki naabiga yeni ñani yinba Isalele yaaba kane, Nisaalo n duadi ga, Kaa tie U Tienu. Bi mumudi Samali naabiga yeni yomi yomi.

Joeli 3:3

N baa teni li bonlidikaala n tieni, Tanpoli leni ki tinga nni. Mi soama, mi fantama leni ku muñiigbangbadigu baa tieni.

Levi 26:30

N baa bolini yi buli yii n ye a juana po, ki go bolini yin den fiini ki sieni yaa nannana u yienu yaa jaandi po. N baa teni yi buli tinkpiba n dogini ki taani leni yi bucaba caba yeni. N baa nandi yi hali boncianla.

Mi Tiadima 23:18

Poconconli kan yaa ye Isalele yaaba bisiaba siiga. Jaconconli mo kan yaa ye Isalele yaaba bijaba siiga.

Mi Tiadima 9:21

N den taa ki naabiga yeni, yi tuonbiadi n den tagi yaala, ki den juu ga mi fantama nni, ki nani ki mudi ga yomi yomi ke ki tua wagima ke n den taa ma ki luni yaa ñinsanu n ña li juali po ki jii.

Mi Doagidima 18:3

U tua yeni Kelima i nibuoli kuli den ñuni Yaa duven n tie U pabienli *conconma ki gaadi. Ki tinga badiba den ŋua u Ki conbi leni u, Ki tinga kpenda mo den tua piada Kelima u yeŋanbua-kandikaama po.»

Mi Doagidima 18:9

Ki tinga badiba yaaba n den ŋua u ki conbi leni u ki taani leni u, ki puni bi yula wun den ye yaa yemanma nni hali ke li pendi, bi yaa laa u buonma muñii, bi baa buudi ki mua upo i kumoe.

1 Samueli 5:4

Lan go den fii ki faa ke bi fii ku tiŋapanpangu, bi go den sua ke Dagona laabi Li Miali Diedo ŋantaadikpaku nintuali. Dagona yuli leni o nibualiediti den kua ki bibili li buliñoakoali kani. Liba kuli ki den sieni se o siiga bebe.