Mise 1:6 - Gourmanchéma Bible

⁶ Lani yaa po U Tienu yedi: «N baa teni Samali dogu n tua tangbanjuali N baa teni wun tua ban baa ŋu duven tiidi naankani. N baa pieni ki lu Samali tana kuli Ki ban lu ku joaloangu nni, Ki ŋa u dogu tanpuuna mubili.

U TIENU MAAMA TILI 2013

⁶ Lani yaa po, o Diedo yedi: «N baa teni Samari dogu n tua diegbengu, N baa teni wun tua ban baa ŋuu Duven tiidi naankani. N baa pieni ki lu Samari tana kuli Ku joaloangu nni, Ki mudi u dogu hali ki ban nandi a tanpuuna.

Mise 1:6 ပူးပေါင်းရင်းမြစ်များ

2 Samueli 17:13

O yaa kua ki wuoni doguba niinni, Isalele yaaba kuli baa taa i baabi ki gedi laa dogu. Ti baa dadi o leni yaaba n ye u niinni kuli ki lu ku joaloangu nni hali ke bi kan go le baa tanyenli u kaanu.»

2 Bi Badiba 18:10

Lan den pundi bina taa, o den cuo Samali dogu, Esekiasi bali binluobili binli. Li den sua ke li tie Isalele diema bado Ose bali binyiali binli.

2 Bi Badiba 18:9

O bado Esekiasi bali binnaali binli, lani n tie Isalele bado Ela bijua Ose bali binleleeli binli, Asili bado Salimanasa den cua ki baa Samali bu toabu ki lindi ki cebini u.

2 Bi Badiba 19:25

Ŋaa bani ke ŋan tieni yaala yeni kuli, N den jagi ki bogini likuli hali yogu? Moala n cedi ke likuli tieni. Lani n teni ke a bolini ban den maa i bilini Ki lindi ki cebini yaa dogi, Ki teni ke yi tua diegbena.

Esayi 17:1

Yaa sawalo n ye Damasa yaaba po. Diidi Damasa kan go yaa tie baa dogu moko. Li baa tua diegbena.

Esayi 25:12

O baa tudi ki lu a kaanpaali yi n jagi a bilini po Ki kpedi boncianla kuli, Ki teni yin baa tiipo mi wagima nni.

Esayi 25:2

A teni ke u dogu kpandi tanfana bebe. Yaa dogu n pa kpandi diegbena. Bi canba kaanpaalu bodi u dogu nni. Bi kan go goa ki maa li kaanu abada.

Jeremi 31:5

Yi go baa ŋu duven tiidi Samali juana po, Yaaba ŋuu baa ŋuu ki go pedi ki go yendi.›

Jeremi 51:25

Diidi n fii ki sedi apo, fini mi bolinma juali! Li Miali Diedo n yedi yeni. Fini yua n den bolini ki tinga kuli, N baa fii ki yie apo Ki bilini bilini a a joatana yuli po, Ki teni ŋan tua yaa juali n co mi fantama.

Jeremi 51:37

Babilona baa kpandi diegbengu, i tanboe yekaanu, Likani n tua pakili leni laadi bonla. O kaa go pia niba mo.

Jeremi 9:11

Naani li pia yua yaa yama n fo bonŋanla Ki baa fidi ki doagidi laa bonla n tie yaala? Li yaa tie ke Li Miali Diedo n maadi leni o, Wan doagidi ki waani yaala yaa po ke mi diema bodi Leni yaala yaa po ke mi tua fanpienma Nilo n ki go poandi naankani!

Jeremi Bubula 4:1

Jam, li ga lede! Wula baa fidi ki joagini? Wulamoano ñuadi kpe! Li jaandieli tana yayadi i sani nni kuli.

Esekieli 13:14

N baa mudi yin boalini yaa bilinu yeni. N baa teni u bilinu yeni n wudi Hali u tanpuuna n ñiidi. U baa baa ki midi yi ki bolini yi. Lani yi baa bandi ke n tie Li Miali Diedo.

Amosi 5:11

Yi ŋmaadi o luodo, Ki fenli o kani *ŋalikama. Li tie lani yaa po ke yin maa yaa dieŋama Leni a tankpiekaana yeni Yi kan kua a niinni, Yin ŋu yaa duven tiidi ke yi ŋani hali boncianla Yeni yi kan ño yi duven.

Amosi 6:8

O Diedo, Li Miali Diedo taa wani oba yeli ki poli, Li Miali Diedo U Tienu, U Paaciamu Kuli Daano yedi yaa maama n tie na: «N nani Jakobo puoliŋuani japaadi, N nani bi dieŋama, N baa taa bi dogu Samali leni yaala n ye u niinni, Ki teni bi yibalinba.

Mise 3:12

Lanwani kelima yinba yaa po, Bi baa ko Siyono nani u kuanu yeni. Jelusalema baa tua kulinjagbejuali. Ku tiigu mo baa pini U Tienu diegu n ye yaa juali yuli po.

Habakuki 3:13

A ñani ki baa faabi a niba, Ki baa faabi ŋan den gandi yaa bado. A pua ki guli bi nibiadiba diedi, A bolini bi diedi cain.

Matie 24:2

Jesu den yedi ba: «Yi nua laa bonla kuli? N waani yi i moamoani, ke baa tanyenli kan sieni ki yaa maa li lieli po, ke a kuli naa padi ki baa.»