Matie 9:2 - Gourmanchéma Bible

² Lanyogunu bi den cuani o kani yua yaa gbanandi n kpe ke o dua ku kaagu po. Jesu n den laa bi *dandanli, o den yedi yua yaa gbanandi n kpe: «Paagi a pali, n bijua, a baa a *tuonbiadi sugili.»

U TIENU MAAMA TILI 2013

² Lanyogunu bi den cuani o kani, yua yaa gbanandi n kpe ke o dua ku kaagu po. Jesu n den laa bi dandanli, o den yedi yua yaa gbanandi n kpe: «Paagi a pali, n bijua, a baa a tuonbiadi sugili.»

Matie 9:2 ပူးပေါင်းရင်းမြစ်များ

O Yanfuodaano 9:7

Lanwani, gedi ki yaa di a jiema leni pamanli, ki yaa ñu a daama ke a pali mani, kelima U Tienu mali ki saa a tuona po moamoani no.

Esayi 44:22

N bolini yi tagili nani ku tawaligu yeni Ki bolini yi *tuonbiadi mo nani ku gbangbadigu yeni. Goa ki cua mani n kani Kelima n den da ki faabi yi.

Matie 14:27

Jesu den jaligi ki yedi ba: «Duani mani yi yama. Mine. Yin da jie mani.»

Matie 4:24

O yeli den ñani Sili diema kuli nni. Bi den cuani o kani i yianbuoli leni mi yianfulima kuli danba, leni mu cicibiadimu n die yaaba, leni mi bisinbilima danba leni ti gbanankpiendi danba. O den paagi bikuli.

Matie 6:12

Tieni tipo sugili ti tudima po Nani ti moko n tieni sugili yaaba n tudi tipo maama yeni.

Matie 8:10

Jesu n den gbadi laa maama, li den paki o, ke o yedi yaaba n ŋua o: «N waani yi i moamoani, baa yinba Isalele yaaba siiga, n daa laa yaa *dandancianli n tie na buolu.

Matie 8:16

Ku yenjoboandigu bi den cuani Jesu kani bi niba boncianla, mu cicibiadimu danba. O den maadi bebe ki deli ki ñani mu cicibiadimu mun den ye yaaba yaa niinni, ki go paagi a yiama kuli.

Matie 9:22

Jesu den jigidi ki laa o ki yedi: «Paagi a pali, n bisalo, a dandanli paagi a.» Lanyogunu o pua yeni den paagi cain.

Matie 9:5

Be n dingi ki cie ki yedi: ‹A baa a tuonbiadi sugili› bi ki yedi: ‹Fii ki yaa cuone?›

Matie 9:6

N bua yin bandi ke o *Ja Bijua pia li bali ŋanduna nni ki baa fidi ki pa bi niba bi tuonbiadi sugili.» Lane o den yedi yua yaa gbanandi n kpe yeni: «Fii ki taa a kaagu ki yaa kuni.»

Marki 1:32

Ku yenjuogu u yienu n den kua yaa yogunu, bi niba den cuani Jesu kani a yiama leni mu cicibiadimu n ye yaaba yaa niinni kuli.

Marki 10:49

Jesu den sedi ki yedi: «Yini mani o na.» Bi den yini o juamo ki yedi o: «Paagi a pali, fii, o yi ŋa.»

Marki 5:34

Lani Jesu den yedi o: «N bisalo, a *dandanli paagi a. Fii ki yaa caa leni mi yanduanma, a yianbiadu n gbeni apo.»

Marki 6:50

Kelima bikuli den nua o ke ti jawaandi cuo ba. Jesu den jaligi ki yedi ba: «Duani mani yi yama. Mine. Yin da jie mani.»

Jan n diani U Tienu Laabaaliŋamo maama 16:33

N waani yi lani ke yin yaa pia mi yanduanma n niinni. Ŋanduna nni yi baa le o falabiado, ama yin paagi mani yi pala. Mini, n paadi ŋanduna.»

Jan n diani U Tienu Laabaaliŋamo maama 2:25

Laa den tie opo tiladi ban tieni opo siedi niloba kuli po. Wani oba den bani yaala n ye o nisaalo niinni.

Jan n diani U Tienu Laabaaliŋamo maama 21:5

Jesu den buali ba: «N bila, naani yi pia i jami?» Bi den goa ki yedi o: «A-a.»

Jesu Tondiba Tuona 14:9

O den cengi Polo n maadi yaala. Polo den nuali o ki laa ke o pia yaa dandanli n baa teni wan paagi.

Jesu Tondiba Tuona 19:12

Baa bi yaa den taa yaa tiayiekaadi yaaka yaa cabimu n sii Polo ki maani a yiama po, kali bi yiani n kagidi bipo. Mu cicibiadimu mo den ña ban ye yaaba yaa niinni.

Jesu Tondiba Tuona 23:11

Yaa ñiagu n den ŋua o Diedo den cua ki sedi Polo kani ki yedi o: «Paagi a pali! Nani ŋan tieni npo siedi Jelusalema na maama, a go baa tieni npo yeni Loma po moko tiladi.»

LOMA YAABA 5:11

Laa tie lani bebe ka, ama ti pia li pamancianli U Tienu nintuali kelima ti Diedo Jesu Kilisiti po, yua n teni ke ti mangi leni U Tienu.

Jaki 2:18

Ama niloba yaa yedi: «Fini a pia li dandanli, n mo pia a tuona.» N baa yedi o: «Waani nni a dandanli yaali n ki pia tuona, n mo n baa waani a n dandanli kelima n tuona yaa po.»