Matie 7:11 - Gourmanchéma Bible

¹¹ Yinba yaaba n bia yaa bani ki pa yi bila li bonŋanla, laa pia kuli tama ke yi Baa yua n ye tanpoli baa pa yaaba n mia o li bonŋanla.

U TIENU MAAMA TILI 2013

¹¹ Yinba yaaba n bia yaa bani ki pa yi bila li bonŋanla, laa pia kuli tama ke yi Baa yua n ye tanpoli baa pa yaaba n mia o li bonŋanla.

Matie 7:11 ပူးပေါင်းရင်းမြစ်များ

Mi cilima 6:5

Li Miali Diedo den laa ke bi niba yaa biadima den yaba ki tinga nni ke bi pala yantiana den kua mi biadima nni daali kuli.

Mi cilima 8:21

Li Miali Diedo den gbadi yaa nuulu n mani opo. Lanwani Li Miali Diedo den maadi o pali nni mi naa maama: «N kan go soli ki tinga kelima o nisaalo po, kelima o pali nni o li tia mi biadima hali o biwaama yogunu. N kan go bolini yaala n fo kuli nani min tieni maama moala yeni.

2 Samueli 7:19

Lani kuli daa tie apo liba kuli, Li Miali Diedo n Tienu. A go maadi mini a naacemo diegu n baa ti tua maama mo yaa maama, ki da go ban waani mini yua tie nisaalo laa bonla!

Jobi 15:16

O nisaalo yua gundi ki tie janbi daano mo te? Wani yua n tiendi ti *tuonbiadi nani wan ñu mi ñima maama yeni.

Pisomi 84:11

N yaa tieni dayenli a luoli nni, Li cie npo min tieni dana tudili potogu. Mini, li mani npo ki cie min yaa se U Tienu diegu buliñoabu kani Ke min yaa ye bi nibiadiba gbandiena nni.

Pisomi 85:12

I moamoani pani ki tinga nni U Tienu mo yaa teginma biindi hali tanpoli ki diidi.

Pisomi 86:15

Ama fini, O Diedo, a tie yaa Tienu n gba mi niñima, Ki go pia ti bulicindi. A pia li juunli leni li ŋanbili Ki go tie ti dugidi daano.

Pisomi 86:5

Fini o Diedo, a ŋani ki puuni sugili, Ki pia li *ŋanbili yaaba n jaandi a kuli po.

Esayi 49:15

Naani o pua baa sundi wan ŋaandi yaa biga bi? Naani waa gba o tugu nni biga po mi niñima? Baa li yaa tie ke o sundi opo, Mini wani, n kan sundi yipo.

Esayi 63:7

N baa tiadi Li Miali Diedo ŋanbicianli po, Li Miali Diedo pagidi po, Leni wan tieni tipo yaa ŋanma kuli po. N baa togidi o ŋanbicianli Isalele buolu po, Wan tieni bipo yaa ŋanma Ke li de leni o niñingbadima Leni o bancianma leni o *ŋanbili.

Jeremi 17:9

O nisaalo pali goli ki cie bonla kuli Li naa pia ñoagu mo. Ŋme n baa fidi ki bandi li ki gbeni?

Jeremi 33:14

Li Miali Diedo yedi: «Diidi a dana kpendi ke n baa tieni Juda leni Isalele yaaba po Min den niani ba yaa ñoanianu yeni.

Ose Tili 14:2

Isalele yaaba, lebidi ki guani mani Li Miali Diedo, yi Tienu kani, Kelima, yi *tuonbiadi n teni ke yi baa.

Mise 7:18

Ŋme n naani leni fini U Tienu, Fini yua n puuni a niba yaaba n sieni sugili bi tuonbiadi po? Ŋaa kubi a pabienli yogunu kuli, Kelima mi niñingbadima mani apo.

Malaki 1:6

Li Miali Diedo, U Paaciamu Kuli Daano yedi: «Ki biga jigindi o baa, o naacemo mo kpiagidi o canbaa. N yaa tie yi Baa, Min pundi ki baa yaa jigidi ye le? N yaa tie yi Canbaa, Min pundi ki baa yaa kpiagidi ye le? Yinba bi kopadicianba n fali n yeli Ki nan tua: ‹Ti fali a lede?›

Matie 23:9

Yin da yini oba ki tinga nni yi baa, kelima yendo bebe n tie yi Baa, wani yua n ye tanpoli.

Matie 7:10

Bi o baa mia o o jamo, wan teni o o wa?

Jan n diani U Tienu Laabaaliŋamo maama 3:16

U Tienu den bua ŋanduna yaaba bonŋanla hali ki puni o Bonjayenyenga, ke yua n daani o kuli n da bodi, ama wan yaa pia yaa miali n kan gbeni.

LOMA YAABA 3:19

To, ti bani ke U Tienu *bali maama n bili yaala kuli tie li bali maama n die yaaba po, ki baa teni nilo kuli ñoabu n mubini, bi niba kuli n tuo ke bi pia i tagili U Tienu nintuali.

LOMA YAABA 3:9

Lanwani ti baa yedi lede? Naani tinba Jufinba tie nimoanba ki cie nibuotoe bi? Baa waamu. Kelima ti maadi ki doagidi ke bi niba kuli, Jufinba leni bi nilanba kuli tie ti tuonbiadi n die yaaba.

LOMA YAABA 8:32

Wani U Tienu, yua n kaa den yie ke o yaa Bijua n da le fala, den soani o ki teni bi niba nuu nni ke o kpe tikuli po. Lani li baa ga lede ke o kan pa ti li bonla kuli leni wani o Bijua leni ti bulicindi?

Galati 3:22

Ama i Diani doagidi ke bi nisaaliba kuli ye ti tuonbiadi lolima nni. Ama yaaba n daani kuli n baa U Tienu n den niani yaa ñoanianu kelima li dandanli Jesu Kilisiti nni yaa po.

Jaki 1:17

Li semoanli leni yaa paabu n ŋani kuli ñani tanpoli po, mi yenma Baa kani, wani yua n ki lebidi, ke lebidima jinjingu mo ki ye o niinni.

1 Jan 3:1

Diidi mani ki le U Tienu ti Baa n pia tipo yaa buacianma hali ki yini ti o bila. Ti tie yeni. Yaala n teni ke ŋanduna yaaba ki bani ti tie ke baa bani wani.

1 Jan 4:10

Mi buama yeni naa tie ke tinba ka den bua U Tienu, ama mi tie ke wani n den bua ti, ki soani o Bijua ke o tua i *candanbaani padili ti yaa *tuonbiadi po.