Matie 6:2 - Gourmanchéma Bible

² Lanwani, a yaa tieni mi ŋanma, ŋan da piebi kakaci nani pala lie danba n tiendi maama li *balimaama bangima diena nni leni i sani nni, ke bi niba n kpiagi ba. N waani yi i moamoani, bi baa bi panpaani n yeni.

U TIENU MAAMA TILI 2013

² Lanwani, a yaa tieni mi ŋanma, ŋan da piebi kakaci nani palalie danba n tiendi maama li bali maama bangima diena nni leni i sani nni, ke bi niba n kpiagi ba. N waani yi i moamoani, bi baa bi panpaani n yeni.

Matie 6:2 ပူးပေါင်းရင်းမြစ်များ

Pisomi 112:9

O puuni a luoda leni ti bulicindi. O teginma ye hali yaa yogunu kuli. O paaciamu mo pugidi leni ti kpiagidi.

Pisomi 37:21

O nibiado yen ledi o kan guani. O niteginka gba mi niñima ki go puuni.

Mi Kpanjama 19:17

Yua n gba o luodo niñima ledi Li Miali Diedo yo Wani n baa guani o panpaani.

Mi Kpanjama 20:6

Bi niba boncianla pagi bi yula ke bi tie papiendanba Ama o nidugika, ŋme n baa fidi ki le o?

O Yanfuodaano 11:2

Taa biinyendu ki boagidi niba lele, bi baa niba nii, kelima ŋaa bani yaa yebiadima n baa ti faa ki tieni ki tinga nni.

Esayi 10:6

N baa ŋa bani, yaa diema yaa tuona n gundi yeni. N baa gedini ba yaa niba n biendi n pali yeni kani Lani n tie ban gedi ki ban fagi, ki baa li baali Ki ŋma ba bonŋanla nani u sanu nni moamoadi yeni.

Esayi 58:7

Boagidi mani yi jiema leni mi koma n pia yua Ki pa yaaba n ki pia dieli u yekaanu. Yi yaa laa yaa nilo n ye mubili, yin yieni o Ki nan da buli yi nunga yinba leni yua n kpi bonŋanla po.

Esayi 9:17

Kelima mi biadima co nani mi fantama yeni Ki buondi a kongoaba leni i konkoni, Li fuali leni li fatudi moko co.

Ose Tili 8:1

Piebi mani li naatuntunli! Yibalinba kpendi ki baa cibi Li Miali Diedo diema Nani jiebani n yen cibini maama yeni, Kelima n niba fidi min kuani leni ba yaa *ŋantaado, Bi yie n *balimaama mo.

Matie 15:7

Yinba pala lie danba na, *Esayi n den pua sawali yipo yaala na po tie moamoani:

Matie 16:3

Ku tiŋaagu mo yi yen yedi: ‹Ki taaga baa mii dinla, kelima tanpoli moandi ki biigidi.› Yi bani ki diidi tanpoli sinankeeninba ki bundi lan yedi yaala, ama yii bani ki diidi yaa sinankeeninba n tiendi n bua ki yedi yaala.

Matie 22:18

Jesu den bani bi nunfanbiadibu ki goa ki buali ba: «Yinba pala lie danba ne, be n teni ke yi dia nni ku madiagu yeni?

Matie 23:5

Bi tiendi bi bontienkaala kuli ke bi niba n le. Yeni yaa po yo ke bi yabindi bi bonyilikaala, ki go foagidi bi liadicuadi.

Matie 23:6

Bi yaa gedi mi jecianma kani bi lingi ki kali yaa kaani n gagidi, ki go bua ki yaa ka i niciankali-kaani li bali maama bangima diena nni.

Matie 24:51

O baa teni ban pua o hali ki poagili o, ki gedini o ki ban taani leni pala lie danba a bubula leni mi ñincegima n baa ye naankani.

Matie 5:18

N waani yi i moamoani, hali tanpoli leni ki tinga n baa ye, baa yaa dianyendu n wa ki cie i diani nni, kan ña li bali maama nni hali likuli n baa tieni ki dudi.

Matie 6:16

Yi yaa luo bu ñoabu yaa yogunu, da biidi mani yi nunmu nani pala lie danba, yaaba n biidi bi nunmu ki baa waani bi niba ke bi luo bu ñoabu. N waani yi i moamoani, bi baa bi panpaani n yeni.

Matie 6:3

Ama a yaa tieni mi ŋanma, da cedi a ganu n bandi a jienu n tiendi yaala,

Matie 6:5

Yi yaa jaandi, yin da tie nani pala lie danba yaaba n bua ki yaa se li bali maama bangima diena nni leni a sankada nni ki jaandi, ke bi niba n le. N waani yi i moamoani, bi baa bi panpaani n yeni.

Matie 7:5

Fini pala lie daano, ŋan kpa ñani yaa dajengu n ye a yaa nunbu nni, lanwani a baa fidi ki le bonŋanla ŋan baa ñani ku muagu yeni maama a lielo yaabu nni.

Marki 12:39

Bi go bua ki yaa ka i niciankali-kaani li bali maama bangima diena nni, ki go bua yaa kaani n gagidi mi jecianma kani,

Marki 7:6

Jesu den goa ki yedi ba: «Yinba pala lie danba, Esayi den pua yipo yaa sawalo na tie moamoani. O den yedi: ‹Bi naa niba jigindi nni leni bi ñoacuuna, Ama bi pala foagi leni nni.

Luki 11:41

Pa mani a luoda yaala n ye yi pala tugu nni lani, yaala n sieni kuli baa ŋanbi yipo.

Luki 11:43

Fala baa ye leni yi, yinba Falisieninba, kelima yi bua ki yaa ka i niciankali-kaani li *bali maama bangima diena nni, ki go bua bi niba n yaa fuondi ki kpiagidi yi mu daamu nni.

Luki 12:33

Kuadi mani yin pia yaala, ki pa a luoda yin kuadi ki baa yaa ligi. Ŋanbi mani yi yula po tanpoli po yaa ligiboaga n kan biidi leni yaa ŋalimani n kaa pia gbenma, a concona n kan nagini naankani, ti lulugidi mo n kan lugi ki bolini naankani.

Luki 12:56

Yinba pala lie danba na, yi bani ki bundi tanpoli leni ki tinga sinankeeninba, be yaa po ke yi naa bani ki bundi yaa yogunu n tie na yaa sinankeeninba wani?

Luki 13:15

O Diedo den goa ki yedi o: «Yinba pala lie danba, naani mi fuodima daali yi siiga yua kuli ki yen loti o nua yaaka o ŋunbo ki ñani o li yandieli nni ki ban ñuni o?

Luki 20:46

«Fangi mani yi yula leni li bali maama bangikaaba, bani yaaba n bua ki yaa laa a liadiciama, ki go bua ban yaa fuondi ki kpiagidi ba mu daamu nni, ki go bua ki yaa ka i niciankali-kaani li *bali maama bangima diena nni, ki go bua yaa kaani n gagidi mi jecianma kani.

Luki 6:24

Ama fala baa ye leni yinba a piada, kelima yi mali ki baa yi yemanma no.

Luki 6:42

Li ga lede ke a baa yedi a kpiilo: ‹N kpiilo, cedi min ñani yaa muagu n ye a nunbu nni,› fini yua n ki nua yaa dajengu n duogi a yaabu nni? Fini pala lie daano, ŋan kpa ñani yaa dajengu n ye a yaa nunbu nni, lane a baa fidi ki le bonŋanla ŋan baa ñani yaa muagu n ye a lielo yaabu nni maama.

Jan n diani U Tienu Laabaaliŋamo maama 13:29

Nani Judasa n den kubi bi ligiboagili yeni, bi tianba den tama ke Jesu yedi o: «Ŋan da tin baa bua yaala kuli mi jaanma po,» yaaka: «Ŋan ñani i ligi ki pa a luoda.»

Jan n diani U Tienu Laabaaliŋamo maama 5:41

Mii lingi bi nisaaliba ka n kpiagi nni.

Jan n diani U Tienu Laabaaliŋamo maama 5:44

Yi tuo ki baadi ti kpiagidi yiyaba kani, ama yii lingi yaa kpiagidi n ñani U Tienu yua n kaa pia lielo kani. Yin tiendi maama yeni, yi baa ga lede ki dugi npo?

Jan n diani U Tienu Laabaaliŋamo maama 7:18

Yua n maadi o yuli po lingi o yuli po ti kpiagidi. Ama yua n lingi yua n soani o yaa kpiagidi tie moamoandaano, waa pia boandiba.

Jesu Tondiba Tuona 10:2

O ja yeni den ŋua U Tienu ki fangi o, wani leni o diegu nni yaaba kuli. O den puuni Jufinba boncianla mi todima ki go jaandi U Tienu yogunu kuli.

Jesu Tondiba Tuona 10:31

‹Koneya, U Tienu gbadi a jaandi ki go tiani a todima a luoda po.

Jesu Tondiba Tuona 10:4

O den noanli maleki ke ti jawaandi cuo o ke o yedi o: «N Daano, a yedi be?» Maleki den goa ki yedi o: «A jaandi leni a ŋanma a luoda po pundi U Tienu kani ke waa sundi lipo.

Jesu Tondiba Tuona 11:29

Jesu ŋoadikaaba den jagi ki bili ke bi siiga yua kuli baa todi wan fidi maama, ban taani ki soani bi kpiiba yaaba n ye Jude nni po.

Jesu Tondiba Tuona 24:17

Min kaa den ye Jelusalema binaba, n den guani likani baa cuani mi todima n buolu yaaba po, ki pa U Tienu bu paabu.

Jesu Tondiba Tuona 9:36

O pua den ye Jafa dogu nni ke bi yi o Tabita, yaali n soagini ki yedi Dokasa lan tie o ñoago. O den tiendi a tuonŋama ki puuni a luoda mi todima boncianla.

LOMA YAABA 12:8

Yua mo n pia ki yaa paagidi o lieba pala yaa paabu, wan yaa paagidi bi pala. Yua n pia ki yaa puuni yaaba n luo bu paabu mo, wan yaa puuni ba leni ti bulicindi. Yua n baa mi gobidima yaa paabu mo, wan yaa gobidi leni li yankuali. Yua mo n baa mi niñingbadima yaa paabu, wan yaa pia li pamanli lipo.

1 Korenti 13:3

Baa n yaa bi boagidi n piama kuli Ki puni a luoda, Baa n yaa bi baa teni n gbanandi Ban ju mi fantama, N yaa pia mi buama, Li kan todi nni liba.

Galati 2:10

Bi den mia bonyenla bebe, ke tin yaa tiadi ki todi a luoda, min pia li yankuali ki tiendi yaala.

Efesa 4:28

Yua n den kpa su, wan da go su. Ama wan yaa tuuni li tuonli nani lan dagidi maama, ke wan yaa pia wan baa fidi ki pa a luoda yaala.

1 Tesaloniki 2:6

Tii den lingi kpiagidiba bi nisaaliba kani mo, li yaa tie yinba yaa kani leni nitoaba kani kuli, ki sua ke ti den pia li bali ki tieni yeni kelima ti tie Kilisiti tondiba.

1 Timote 6:18

Ŋan go tundi ba ke ban yaa tiendi yaala n ŋani, ki tiendi a tuonŋama ke li yaba, ke lani n yaa tie bi piama. Ŋan go tundi ba ke ban yaa pia ti bulicindi, bi nii mo n yaa tiani.

Filemon 1:7

N kpiilo, a buama yeni mangi n pali ki go baagi nni boncianla kelima a duandi bi nigagidiŋanba yama.

Hebilunba 13:16

Yin da sundi ki yaa tiendi mi ŋanma leni ti bulicindi, kelima lani n tie yaa pada buolu n mangidi U Tienu pali.

1 Pieri 4:11

O nilo yaa maadi, lan yaa tie ke wangi U Tienu maama. Yua n tuuni U Tienu tuonli, wan yaa tuuni leni U Tienu n puuni o yaa fidu. Yin yaa tiendi yeni ke wani U Tienu n yaa baadi ti kpiagidi li bonla kuli nni kelima Jesu Kilisiti po, wani yua n die ti kpiagidi leni u paalu kuli hali yaa yogunu kuli. Amina!

1 Samueli 15:30

Sayula go den yedi: «N tudi, ama ŋan miini nni n niba nikpela nintuali leni Isalele yaaba kuli nintuali. Lebidi ki yegi leni nni min ban gbaani Li Miali Diedo a Tienu nintuali ki kpiagi o.»