Matie 5:7 - Gourmanchéma Bible

⁷ Li pamanli ye leni bi niñingbadiba, kelima bi baa gbadi bipo mi niñima.

U TIENU MAAMA TILI 2013

⁷ Li pamanli ye leni mi ninñingbadima danba, kelima bi baa gbadi bi po mi ninñima.

Matie 5:7 ပူးပေါင်းရင်းမြစ်များ

2 Samueli 17:28

den cuani i duani leni ti tadiciandi leni a boba leni a cuana, leni ban taa i pe leni i ne naaŋanguankaama ki ŋanbi yaa jekpaga leni *ŋalikama, leni *olije, leni mi yoma, leni i disagidi, leni a tuuna, leni yaa tuubuolu n yi lantiyi, leni ti siadi, leni mi naaŋankpama, leni i pe. Bi den cuani lankani Dafidi leni o yegininlieba po ke ban je, kelima bani yaaba n den cuani yeni den yedi: «Laa pia kuli tama, ban tagini li fuali nni yeni, mi koma leni u ñunñuunu leni li coagili gbadi ba.»

2 Samueli 22:26

A tiegi yua n tiegi po. A tie papiendaano yua yaa pali n pieni po.

Pisomi 112:4

Mi yenma yen yendi li *biigili nni bi niteginkaaba po, Leni yua n tiendi mi ŋanma, Ki gba mi niñima ki go tiegi yaa po.

Pisomi 112:9

O puuni a luoda leni ti bulicindi. O teginma ye hali yaa yogunu kuli. O paaciamu mo pugidi leni ti kpiagidi.

Pisomi 18:25

Li Miali Diedo guani nni nani n *teginma tie maama, Kelima n tieni wan sua ke yaala n dagidi.

Pisomi 37:26

Yogunu kuli o niteginka gba mi niñima ki dindi li panli. O puoliŋuani mo baadi li seli.

Mi Kpanjama 11:17

Yua n tiendi mi ŋanma tiendi ma o yuli po. Ama o tugutondaano wangi o yule fala.

Mi Kpanjama 11:25

Yua n puuni, baa baa boncianla, Yua n puuni ke bi ñu, bi baa pa o wan ño.

Mi Kpanjama 14:21

Yua n fali o nisaalilielo tieni ti *tuonbiadi. Ama li pamanli ye leni yua n gba a tadima po mi niñima.

Mi Kpanjama 19:17

Yua n gba o luodo niñima ledi Li Miali Diedo yo Wani n baa guani o panpaani.

Esayi 57:1

O niteginka bodi Ke niloba ki kpaagi lipo. Bi cua ki taa yaa niba n tiendi mi ŋanma Ke oba ki ga yaala yaa po ke bi taa o niteginka Ke mi yebiadima n da baa o.

Danieli 4:27

O den yedi: «Mini ka maa Babilona dogu ne ke u tua badidogu te? U doagidi n paalu n yaba maama leni n bali n pia yaa kpiagidi.»

Ose Tili 1:6

Gomela didi go den punbi ki mali Ose po bonpuoga. Li Miali Diedo den yedi Ose: «Yini ki biga yeni Lo-Luhama lani n tie: “Ban ki gba yua po mi niñima,” kelima n kan go fidi ki waagi ki gba Isalele yaaba po mi niñima. N kan go tieni bipo sugili.

Ose Tili 2:1

Ama Isalele yaaba baa yabidi nani mi ñincianma balinma tanbiima, ban kan fidi ki biigi yaama ki buali ki coadi ma. Ban den tua yaa nibuolu: «Yii go tie n niba,» Bi baa yedi ba: «Yi tie U Tienu yua n fo yaa bijaba.»

Ose Tili 2:23

«Laa yogunu, n baa tua yaa Tienu n guandi bu miabu N baa pa tanpoli wan bua yaala, Tanpoli mo n pa ki tinga kan bua yaala.

Mise 6:8

U Tienu den bangi fini o nisaalo yaala n ŋani. Leni Li Miali Diedo n gu akani yaala. Lani n tie ke ŋan yaa ŋua yaa bujiali n tiegi, Ki bua mi teginma Ki go yaa cuoni wani a Tienu nintuali leni li yumiinli.

Marki 11:25

Yin se ki jaandi yaa yogunu kuli, ki tiadi ke yi pia maama leni niloba, yin pa mani o sugili, ke yi Baa yua n ye tanpoli n pa yi mo sugili yi *tuonbiadi po. [

Luki 6:35

Ama yin yaa bua mani yi yibalinba, yaa ŋanbidi mani bi niba po, ki yaa ledi ba ki da daani ke yi baa goa ki ga bikani liba. Yeni yi panpaani baa yaba, yi baa tie U Tienu yua n ye hali Tanpojoma bila, kelima wani, o ŋanbidi bi ŋanwaadanba leni bi nibiadiba kuli po.

LOMA YAABA 11:30

Puoli po yinba bi nilanba den yie ki naa tiendi U Tienu n bili yaala. Ama moala yi baa ke o gbadi yipo mi niñima kelima bani Isalele buolu yaaba yiema yaa po.

1 Korenti 7:25

Yaala n tie yaaba n kaa tieni ñiigili nani yin den buali nni maama po, mii pia o Diedo mabilikaama laa maama po. Ama n baa waani yi min sua yaala, mini yua ke o Diedo teni ke n tua nidugika kelima o niñingbadima yaa po.

2 Korenti 4:1

Lanwani kelima U Tienu n gbadi tipo mi niñima ki puogi ti li naa tuonli yeni, tii luo li papaali.

Efesa 4:32

Yin yaa mani mani leni yiyaba ki gba yiyaba po mi niñima, ki tiendi yiyaba po sugili nani U Tienu n den tieni yipo sugili kelima Kilisiti nni maama.

Kolosi 3:12

Lanwani yinba U Tienu nigandikaaba, wan gagidi ki ŋanbi yaaba, ke yi tie o buakaaba, yin yaa laa mani mi niñingbadima leni li *ŋanbili, li yumiinli leni mi dingima leni li juunli.

1 Timote 1:13

mini yua n den kpa sugidi o, ki wangi o fala, ki tiendi o yaala n bia. O den gbadi npo mi niñima kelima n den tiendi yeni n yanpiima po leni n dandanluoma po.

1 Timote 1:16

Ama o den gbadi npo mi niñima line yaa po: Jesu Kilisiti cili ki doagidi o juunli mini yaa kani, ke min tua li bontogidikaala yaaba n baa daani o ki baa yaa miali n kan gbeni kuli yaa po.

Hebilunba 4:16

Lanwani tin yaa nagidi leni li papaali U Tienu bali kalikaanu, li *ŋanbili n ye naankani. Lankani ti baa baa mi niñingbadima leni li ŋanbili leni mi todima lan bua yaa yogunu.

Hebilunba 6:10

U Tienu tiegi. O kan sundi yin den tieni yaala ki doagidi yi buama opo leni yin den todi bi *nigagidiŋanba ki go baa todi ba maama.

Jaki 2:13

U Tienu yaa jia ti buudi yaa yogunu, o kan gbadi mi niñima yua n kaa den gbadi o lieba po mi niñima yaa po. Mi niñingbadima paani li bujiali.

Jaki 3:17

Ama yaa yanfuoma n ñani tanpoli n tie maama nne: Mi kpa ŋani cain, yaala n ŋua mo tie ke mi kpendinni mi yanduanma, mi dingi, mi pia li yumiinli ki gbie leni mi niñingbadima, mi tiendi a tuonŋama, maa tiendi gagidima bi niba siiga, maa pia pala lie mo.

1 Pieri 2:10

Yii den kpa tie n nibuolu, ama moala yi tua o nibuolu. Yii den kpa baa ke o gbadi yipo niñima, ama moala o gbadi yipo mi niñima.