Matie 5:6 - Gourmanchéma Bible

⁶ Li pamanli ye leni mi *teginma koma leni mi ñunñuunu n pia yaaba, kelima bi baa guo.

U TIENU MAAMA TILI 2013

⁶ Li pamanli ye leni mi teginma koma leni mi ñuñuunu n pia yaaba, kelima bi baa guo.

Matie 5:6 ပူးပေါင်းရင်းမြစ်များ

Pisomi 107:9

Kelima o puni u ñunñuunu n bi pia yaaba mi ñima, Ki dini mi koma n bi pia yaaba mo hali ke bi guo.

Pisomi 145:19

O tendi ke yaaba n fangi o baadi ban sugini yaala. O gba bi bubula ki faabidi ba.

Pisomi 17:15

Ama mini wani n teginma nni, N baa le a nunga. N yaa fundi yaa yogunu n baa ñuadi ŋan tie maama ki guo.

Pisomi 63:5

N miali yema kuli n baa pagi a. N baa yugidi apo n nii ki jaandi a.

Pisomi 65:4

N *tuonbiadi paadi nni Ama a baa pa ti ti tuonbiadi sugili.

Pisomi 84:2

Li Miali Diedo U Paaciamu Kuli Daano, N bua a diegu hali boncianla!

Mi Kpanjama 10:24

O nibiado n jie yaala, lani n co o. Bi niteginkaaba mo n sugini ki baa yaala, U Tienu puuni ba lane.

Mi Kpanjama 21:21

Yua n lingi mi *teginma leni li *ŋanbili, Baa baa li miali, mi teginma leni ti kpiagidi.

I Yani 5:1

N naataanpuoga, n ŋamo, n kua n sadingo nni. Ki ñani *mili leni yaa muadi yaa nuulu n mani. N ŋmani n siabiabigu leni ku siadi, Ki ñuni n daama leni n naaŋanma. «N danlinba, je mani ki go ño mani Ki teni mi buama n gaadi yi nani mi daama yeni!»

Esayi 25:6

Li Miali Diedo U Paaciamu Kuli Daano baa tieni Mi jaanjiema i nibuoli kuli po li naa juali po. Mi jaanma leni yaa jiema n mani bonŋanla Mi jaanjemanma leni mi dakpelima Mi jemanma yaama n gbie leni o lonlogo Mi dakpelima yaama n baani.

Esayi 41:17

Bi niñinniba leni a luoda lingi mi ñima, ama maa ye. Bi landi kuodi u ñunñuunu po. Mini Li Miali Diedo baa tuo bi miabu, Mini Isalele yaaba Tienu, n kan ŋa ba.

Esayi 44:3

N baa wuli mi ñima ki tinkuonga po Ki tieni i fuani yaa tinga n kuodi nni N baa yadi n Fuoma yi puoliŋuani po Ki go maani n seli yi madi kuli po.

Esayi 65:13

Li tie lani yaa po ke Li Miali Diedo yedi yaa maama n tie na: «Diidi n naacenba baa yaa di, Ama mi koma baa yaa pia yinba wani. N naacenba baa ñu, Ama u ñunñuunu baa yaa pia yinba. N naacenba baa yaa ye leni li pamanli Ama i fe n baa pia yinba wani.

Esayi 66:11

Ke yin ŋadi o biili yaala n pia i baagi ki guo. Lani n tie yin mangi yi pala Kelima o kpiagikandikaadi po.

Jeremi 31:25

N baa paagi yaaba n coagi pala, ki pugini yaaba n tadigi mo u fidu.

Luki 1:53

O guoni a konkonba li bonŋanla, Ki cabi a piada u nukuomu.

Luki 6:21

Li pamanli ye leni yinba, mi koma n pia yaaba moala kelima yi baa guo. Li pamanli ye leni yinba yaaba n buudi moala na, kelima yi baa ti yaa laa.

Luki 6:25

Fala baa ye leni yinba yaaba n pia ke li kandi moala na, kelima mi koma baa ti gbadi yi. Fala baa ye leni yinba yaaba n laa ti laadi moala na, kelima yi pala baa ti boandi yin yaa mua ti ninsiidi.

Jan n diani U Tienu Laabaaliŋamo maama 4:14

Ama yua n ñuni min baa pa o yaa ñima kuli, u ñunñuunu kan go cuo o hali abada. Min baa pa o yaa ñima baa tua ñinbunli o niinni ki yaa pudi ki puubi hali yaa miali n kan gbeni nni.»

Jan n diani U Tienu Laabaaliŋamo maama 6:27

Yin da tuuni mani ki baadi yaa jiema n pendi ka. Yin yaa tuuni mani ki baadi yaa jiema n baa ye hali yaa yogunu kuli ki puuni yaa miali n kan gbeni. O *Ja Bijua n baa pa yi laa jiema kelima Baa U Tienu n tieni opo o maalima.»

Jan n diani U Tienu Laabaaliŋamo maama 7:37

Laa jaanma juodidaali, lani n tie mi jaanma dacianli, Jesu den se ki kpaani: «U ñunñuunu n pia yua kuli, wan cua n kani ki ño.

Mi Doagidima 7:16

Mi koma leni u ñunñuunu kan go cuo ba hali abada, u yienu kan go pua ba, ku tontongu mo kan go yaa ye bipo.