Matie 5:5 - Gourmanchéma Bible

⁵ Li pamanli ye leni yaaba n pia li padingili, kelima bi baa diedi ki tinga.

U TIENU MAAMA TILI 2013

⁵ Li pamanli ye leni yaaba n pia li pabiidili, kelima bi baa diedi ki tinga.

Matie 5:5 ပူးပေါင်းရင်းမြစ်များ

Pisomi 147:6

Li Miali Diedo kubi bi yumiindanba Ama o jiindi bi nibiadiba hali tiipo.

Pisomi 149:4

Kelima Li Miali Diedo pali mani o niba po. O jigindi bi yumiindanba ki faabidi ba.

Pisomi 22:26

Li nitaancianli nni a baa tua npo pagidi. Yaaba n fangi a nintuali n baa kuani n ñoaniani.

Pisomi 25:13

O baa yaa ye mi yemanma nni, O puoliŋuani mo baa diedi mi diema.

Pisomi 25:9

O teni ke bi yumiindanba cuoni mi *teginma nni. O bangi bi yumiindanba o sanu.

Pisomi 37:11

Bi yumiindanba baa diedi mi diema Bi baa yaa mangidi bi pala leni mi yanduanmoanma.

Pisomi 37:22

Kelima Li Miali Diedo n seligi yaaba, Baa diedi mi diema. Ama wan soli yaaba mo baa bodi.

Pisomi 37:29

Bi niteginkaaba baa diedi mi diema. Bi baa yaa ye mi niinni yaa yogunu kuli.

Pisomi 37:34

Dugi Li Miali Diedo po, ŋoadi o sanu. O baa teni ŋan kpedi ki diedi mi diema, A baa le bi nibiadiba bodima.

Pisomi 37:9

Kelima yaaba n tiendi mi biadima baa bodi. Ama yaaba n dugi Li Miali Diedo po wani, Baa diedi mi diema.

Pisomi 69:32

Laa bonla mani Li Miali Diedo po ki cie Min baa padi opo yaa naatonbienli leni li yina kuli.

Esayi 11:4

Ama o baa jia ti buudi taliginba po leni mi *teginma. O baa tiegi mi diema nni luoda po. O baa pua ki tinga leni o maama nani li yaa bi tie gbiamoe yeni, Leni o ñoabu nni fawaama, o baa teni o nibiado n kpe.

Esayi 29:19

Bi yumiindanba pamanli baa yaa pugidi Li Miali Diedo nni, A luoda pala baa mangi ki kandi, Kelima Isalele Tienu Yua n Gagidi ki ŋani yeni po.

Esayi 60:21

A niba kuli baa tie niteginkaaba bebe, Bi baa diedi mi diema hali yaa yogunu kuli. Li tie min ŋu yaa benkpeli yeni, Ki tie n nuu tuonli, Ki doagidi n kpiagidi.

Esayi 61:1

O Diedo Li Miali Diedo Fuoma ye n niinni Kelima Li Miali Diedo gandi nni Ke min yaa caagi bi niñinniba o laabaaliŋamo. O soani nni ke min baagi yaaba n ye li paboanli nni Ki waani i yonbi ke bi baa mi faabima Ki go waani a kpaada mo ke bi baa mi *faabima,

Sofoni 2:3

Yinba, ki tinga yumiindanba kuli, Lingi mani Li Miali Diedo, Yinba yaaba n tuo ki baa ŋua o ñoabonbilikaana! Yaa cuoni mani leni mi *teginma, Yaa cuoni mani leni li yumiinli, wani U Tienu nintuali. Li fidi ke yi baa ciadi, Li Miali Diedo pabienli daali.

Mi Coadima 12:3

Musa den tie yaa nilo n pia li yumiinli hali boncianla ki cie nisaalimiali kuli u tingbanu po.

Matie 11:29

Laa mani n naakpakpaadi-daagu, ki ga n bangima, kelima n dingi ki pia li yumiinli, yeni yi baa baa mi fuodima yi naani po.

Matie 21:5

Waani mani Siyono dogu yaaba Ke bi bado kpendi bikani na. O dingi boncianla, ki jagi o ŋunbo, Li tie ŋunbisaagili, o ŋunñua yaa biga.

LOMA YAABA 4:13

Li naa tie kelima li *balimaama kubima yaa po ka ke U Tienu den niani Abalahama leni o buolu kuli ke o baa teni ban diedi ŋanduna. Ama li tie wan den baa yaa moamoansaali kelima li dandanli yaa po.

Galati 5:23

Li bali maama naa koani leni laa bonla.

Efesa 4:2

Yin yaa ye mani leni yiyaba leni li yumiinli leni mi dingima leni li juunli. Juuni mani leni yiyaba leni mi buama.

Kolosi 3:12

Lanwani yinba U Tienu nigandikaaba, wan gagidi ki ŋanbi yaaba, ke yi tie o buakaaba, yin yaa laa mani mi niñingbadima leni li *ŋanbili, li yumiinli leni mi dingima leni li juunli.

1 Timote 6:11

Ama fini U Tienu nilo, ŋan sani ki ŋa laa bonla ki yaa ŋua mi*teginma, leni U Tienu tuoma, leni li dandanli, leni mi buama, leni li juunli, leni mi dingima.

2 Timote 2:25

Wan go yaa tie yua n tundi yaaba n yiedi opo leni mi dingima, ki yaa sugini U Tienu n pa ba ban lebidi bi yama, ki fidi ki bandi i moamoani,

Titi 3:2

Ban da maadi niloba kuli po mabiadima. Ban yaa bua mi yanduanma, ki yaa mani leni bi niba, ki pia mi dingima bi niba kuli kani.

Jaki 1:21

Lanwani yin lu mani yaala n tie ti *joagindi leni mi biadima kuli, ki yaa gaani U Tienu n buli yaa maama yi pala nni leni li yumiinli, kelima mi baa fidi ki tindi yi naani.

Jaki 3:13

Yi siiga ŋme tie o yanfodaano ki pia mi bandima ki fani? Wan doagidi o tagiŋamu nni o tuonŋama ya n yegi leni li yumiinli leni mi yanfuoma.

1 Pieri 3:15

Yin yaa jigindi mani Kilisiti yi pala nni wani yua n tie o Diedo. Yin bogini mani ke yogunu kuli bi yaa buali yi yin pia yaa suginma, yin fidi ki doagidi ki waani ba.

1 Pieri 3:4

Ama lan yaa tie yaa ŋamu n wuo yi pala nni ki kan yindi, lani n tie mi dingima leni mi yansoangima, U Tienu n nua yaama ke mi pia mayuli boncianla.