Matie 5:4 - Gourmanchéma Bible

⁴ Li pamanli ye leni yaaba n ye leni li pabiidili, kelima bi baa baagi ba.

U TIENU MAAMA TILI 2013

⁴ Li pamanli ye leni li yumiinli danba, kelima ki tinga baa tua bi biinu.

Matie 5:4 ပူးပေါင်းရင်းမြစ်များ

Esayi 12:1

Laa daali a baa yedi: «N pagi a yeli fini Li Miali Diedo Kelima a pali den beni npo, Ama a pali kuugi ke a baagi nni.

Esayi 25:8

O bolini mi kuuma yaa yogu n tu yaa yogu kuli po. Li Miali Diedo U Tienu, o Diedo duundi mu nunmu kuli ninsiidi. O teni ke ki tinga nni kuli o niba fe kagidi Kelima Li Miali Diedo n maadi.

Esayi 30:19

Fini yaa nibuolu n kaa Siyono, Jelusalema dogu nni, A kan go buudi. Kelima o baa gbadi a niñima a yaa kuudi yaa yogunu. O yaa gbadi yaa yogunu mo, o baa guani apo.

Esayi 35:10

Li Miali Diedo n daa ki faabi yaaba baa kpeni Bi baa pundi Siyono leni i jakoandiyani Yaa pamanli n kan gbeni abada baa yaa jagi bi yula po. Li pamanli leni i laayieni baa nagini Li pabiidili leni i figindi baa foagidi.

Esayi 57:18

N den laa bi tagi Ama baa yeni, n baa paagi ba, ki gobidi ba. Ki baagi bani leni yaaba n den ye mi kuuma paboanli nni kuli.

Esayi 66:10

Mangi mani yi pala leni Jelusalema dogu Teni mani wun tua yi pamancianli Yinba yaaba n bua u yeni kuli. Taani mani leni u ki yaa jeli li pamanli po, Yinba yaaba n biidi yi pala kelima upo,

Esayi 66:2

N yaa nuu n tagi laa bonla kuli, Ke teni ke lani kuli ye. Li Miali Diedo n yedi yeni. Diidi n nuni n baa yaa maa yua yaa po Lani tie o niñinnilo yua n ye leni li paboanli Yua n yen gbadi n maama ki yaa digibi.

Esekieli 7:16

Yaaba sieni ki naa kpe Baa sani ki do a juana po Nani ti joaloandi nni kpaajela yeni. Bikuli baa mua ki figindi kelima yua kuli tagili po.

Esekieli 9:4

ki yedi o: «Kua Jelusalema dogu nni ki tieni mi maalima yaaba n laadi fala ki buudi kelima yaa cagindi n tiendi u niinni yaa po, yaa yutuna po.»

Sakari 12:10

U Tienu go yedi: «N baa gbieni Dafidi puoliŋuani leni Jelusalema yaaba yaaba n sieni, Leni mi niñima yantiali leni bu miabu yaa yantiali. Bi baa pegidi ki diidi mini, Ban den muu mini yua yeni. Li paboanli baa cuo ba, Nani bijayenyendo kuuma yaa paboanli yeni. Bi baa mua boncianla, Bi baa mua hali boncianla nani o nilo bijakpelo N yen kpe lan tua maama yeni.

Luki 16:25

Abalahama den goa ki yedi o: ‹N biga, tiadi ke a den baa yaala n ŋani boncianla ŋan den ye yaa yogunu, ke Lasala mo den laadi fala boncianla. Moala, o ye ne ke bi baagidi o, a mo laadi fala.

Luki 6:21

Li pamanli ye leni yinba, mi koma n pia yaaba moala kelima yi baa guo. Li pamanli ye leni yinba yaaba n buudi moala na, kelima yi baa ti yaa laa.

Luki 6:25

Fala baa ye leni yinba yaaba n pia ke li kandi moala na, kelima mi koma baa ti gbadi yi. Fala baa ye leni yinba yaaba n laa ti laadi moala na, kelima yi pala baa ti boandi yin yaa mua ti ninsiidi.

Luki 7:38

ki cua ki sedi Jesu puoli po o taana kani ke o kpaagi li bonkalikaala po. O pua yeni den buudi ke o ninsiidi cuudi ki soangi Jesu taana ke o duuni a leni o yudi ki waliti ŋa ki sogi a tulale.

Luki 7:50

Jesu go den yedi o pua yeni: «A *dandanli faabi a, fii ki yaa caa leni mi yanduanma.»

Jaki 1:12

Li pamanli ye leni yua n fidi ki juuni mi biigima nni. Kelima bi yaa biigi o ki pagi o yaa yogunu, o baa baa li miali badifogiliga, o Diedo n niani ke o baa pa yaaba n bua o kuli yaaga.

Mi Doagidima 21:4

O baa duuni ki ñani ti ninsiidi kuli bi nuni nni. Mi kuuma kan go yaa ye, li paboanli, leni a bubula, leni mi funfunma moko kan go yaa ye, kelima li bonkpiala pendi.»