Matie 5:3 - Gourmanchéma Bible

³ «Li pamanli ye leni yaaba n pia li yumiinli, kelima *tanpoli diema tie bi yaama.

U TIENU MAAMA TILI 2013

³ «Li pamanli ye leni yaaba n tie luoda bi pala nni, kelima tanpoli diema tie bi yaame.

Matie 5:3 ပူးပေါင်းရင်းမြစ်များ

2 Bi Badiba Jama 33:12

O pabiidili nni, o den mia Li Miali Diedo o Tienu, o den bandi o tudima, ki den miini o yuli hali boncianla Li Miali Diedo o yaajanba Tienu nintuali,

2 Bi Badiba Jama 33:19

Hali ke Manase daa den miini o yuli ki jaandi yaa jaandi, leni U Tienu n den guani opo yi maama, o *tuonbiadi leni o tagili kuli, wan den maa i buli padibinbina a juana po naankani, wan den sieni Akela budaadi leni wan den kpie yaa nannana, likuli diani ki bili Hosayi tili nni.

2 Bi Badiba Jama 33:23

Waa den miini o yuli Li Miali Diedo kani nani o baa Manase n den miini o yuli maama. Ama Amoni go den tieni yaala n bia ki cie.

2 Bi Badiba Jama 34:27

‹Nani ŋan cedi ke yaa maama n maadi li naa tili nni Jelusalema po leni u niba po cuo a pali yeni, ke a miini a yuli n nintuali, ki dadi ki padi a tiayiekaadi, ki go buudi n nintuali yeni, mini moko gbadi.› Li Miali Diedo n yedi yeni.

2 Bi Badiba Jama 7:14

yinba n niba, n yeli n ye yaaba yaa siiga yeni, yaa miini yi yula ki jaandi ki go lingi nni, ki lebidi ki ŋa yi tagibiadi, mini yua n ye hali tanpoli, n baa cengi yi, ki pa yi sugili yi *tuonbiadi po, ki go guani yi yi diema baali.

Jobi 42:6

Lani n teni n tuo ke i tagili tie n yii Ki gba mi fantanpiema leni mi tama nni ki miadi sugili.»

Pisomi 1:1

Li pamanli ye leni yua n ki ŋua bi nibiadiba tundi Kaa se ti *tuonbiadi danba sanu nni, Ki kan kali leni a ñuañuada mo.

Pisomi 112:1

Pagi mani Li Miali Diedo! Li pamanli ye leni yua n fangi Li Miali Diedo Ki go mangidi o pali o *bali maama nni.

Pisomi 128:1

Ban caa Jelusalema ki yiini yaa yanbu. Li pamanli ye leni yaaba n fangi Li Miali Diedo Ki ŋua wan bili yaa sani bonŋanla!

Pisomi 146:5

Li pamanli ye leni yua n pia Jakobo Tienu ke o tie o gaapo, Ki bili o suginma Li Miali Diedo o Tienu kani.

Pisomi 2:12

Pugi mani bijua, Wan da ti bieni o pali Ki teni yin bodi cain, Kelima o pabienli jaligi. Li pamanli ye leni yaaba n sani ki wuoni o kani.

Pisomi 34:18

Bi niteginkaaba yaa kuudi, Li Miali Diedo gba. O yen faabi ba leni bi paboanli kuli.

Pisomi 41:1

Bi yanyanba yudaano yanbu. Dafidi yanbu.

Pisomi 51:17

O Diedo, yaadi n ñoacuuna Lani, n ñoabu baa kpaani ki doagidi a pagidi.

Pisomi 84:12

Li Miali Diedo U Tienu n tie n yienu leni n gbankoandigu. Li Miali Diedo puuni li seli leni ti kpiagidi O kan muni mi yemanma yaaba n cuoni leni li papienli.

Mi Kpanjama 16:19

Ki tua taliga ki yaa ye leni bi yumiindanba, Li cie ki taani ki boagidi ti fagidi leni bi japaadanba.

Mi Kpanjama 29:23

O nisaalo japaadi n baa waani o i fe, Ama yua n pia li yumiinli baa baa ti kpiagidi.

Mi Kpanjama 8:32

Moala n bijaba, cengi mani nni, Yaaba n ŋua n tundi baa yaa pia mi yemanma.

Esayi 30:18

Lani yaa po yo ke Li Miali Diedo guu ki baa ŋanbi yipo. O baa fii ki gbadi yipo mi niñima Kelima Li Miali Diedo tie yaa Tienu n tiegi. Li pamanli ye leni yaaba n dugi opo kuli.

Esayi 57:15

Kelima yua n ye hali Tanpojoma Wani yua n ye hali yaa yogunu kuli Ke o yeli mo gagidi ki ŋani yedi mine: «N ye mi gagidiŋanma nni leni yaa kaanu n kpedi ki cie yaa niinni. Ama n go ye leni ban mabindi yua Leni yua n ye leni li pabiidili, Ke min fidi ki baagi yaaba n ye li pabiidili nni Ki go faabi yaaba n laadi fala bi pala nni.

Esayi 61:1

O Diedo Li Miali Diedo Fuoma ye n niinni Kelima Li Miali Diedo gandi nni Ke min yaa caagi bi niñinniba o laabaaliŋamo. O soani nni ke min baagi yaaba n ye li paboanli nni Ki waani i yonbi ke bi baa mi faabima Ki go waani a kpaada mo ke bi baa mi *faabima,

Esayi 66:2

N yaa nuu n tagi laa bonla kuli, Ke teni ke lani kuli ye. Li Miali Diedo n yedi yeni. Diidi n nuni n baa yaa maa yua yaa po Lani tie o niñinnilo yua n ye leni li paboanli Yua n yen gbadi n maama ki yaa digibi.

Mise 6:8

U Tienu den bangi fini o nisaalo yaala n ŋani. Leni Li Miali Diedo n gu akani yaala. Lani n tie ke ŋan yaa ŋua yaa bujiali n tiegi, Ki bua mi teginma Ki go yaa cuoni wani a Tienu nintuali leni li yumiinli.

Matie 11:25

Lanyogunu Jesu den jaandi ki yedi: «N Baa, fini yua n tie tanpoli leni ki tinga kuli Diedo, n pagi a kelima a doagini li naa bonla bi yanfodanba leni bi nunfandanba kuli po, ki doagidi la yaaba n tie a biwaala yaa po.

Matie 11:6

Li pamanli ye leni min kaa tie yua yaa po li tingbali bonla.» Jan tondiba n den ñani Jesu kani ki ban caa yaa yogunu,

Matie 13:16

Ama li pamanli ye leni yi kelima yi yaa nuni wani nua, yi tuba mo gba.

Matie 19:14

Ama Jesu den yedi: «Cedi mani a biwaala n cua n kani ki da deli ba, kelima tanpoli diema tie yaaba n tie nani a biwaala yene yaa po.»

Matie 24:46

Li pamanli ye leni laa naacemo, o canbaa yaa kpeni ki sua ke o tiendi yeni.

Matie 25:34

Lani, o bado baa yedi yaaba n ye o jienu: ‹Cua mani na, yinba n Baa n seligi yaaba, ga mani wan den ŋanbi yipo yaa diema hali ŋanduna cilima.

Matie 3:2

ki tua: «Lebidi mani yi yama kelima *tanpoli diema kuli.»

Matie 8:11

N waani yi i moamoani ke bi niba boncianla baa ña puoli leni nintuali kuli, ki cua ki taani ki kali leni Abalahama leni Isaaka leni Jakobo, u saajekaanu kani *tanpoli diema nni.

Marki 10:14

Jesu n den laa lani, o pali den beni ke o yedi o ŋoadikaaba: «Cedi mani a biwaala n cua n kani, ki da deli ba, kelima *U Tienu diema tie yaaba n tie nani a biwaala ne po yo.

Luki 11:28

Jesu den goa ki yedi o: «Li pamanli ye leni yaaba cengi U Tienu maama ki kubi ma ki cie.»

Luki 18:14

Jesu den pugini ki yedi: «N waani yi i moamoani ke wani n den kuni o denpo ke U Tienu saa opo i moamoani ke o tiegi, ama Falisieni yeni wani ki den baa. Kelima yua n fiini o yuli kuli, U Tienu baa jiini o, yua n jiini o yuli mo, U Tienu baa fiini o.»

Luki 22:29

Lani yaa po nani n Baa n bili ke n baa je li bali maama, n moko bili ke li baa tua yipo yeni

Luki 22:30

ke yi baa ti yaa di ki go ñu n saajekaanu kani n diema nni, ki ka i bali kalikaani po, ki jia Isalele piiga n buoliedi buudi.»

Luki 4:18

O Diedo Fuoma ye n niinni Kelima o gandi nni Ke min yaa wangi a luoda o Laabaaliŋamo. O soani nni ke min kpaani i yonbi *faabima. Ke min pa a juama mi nunnualima. O soani nni ke min yaa faabidi ban miabi yaaba,

Jan n diani U Tienu Laabaaliŋamo maama 20:29

Jesu den yedi o: «A daani kelima a laa nni. Li pamanli ye leni yaaba n daa laa ki daani.»

Mi Tiadima 8:2

Yi baa tiadi Li Miali Diedo yi Tienu n den teni ke yi cuoni yaa cenli bina piinaa mi fanpienma nni kuli kelima o den bua ki faligi yi, ki biigi yi, ki bandi yaala n ye yi pala nni leni yi yaa baa kubi o bali maama bi yi yaa kan kubi ma.

Jaki 1:10

Yua n tie piado mo n yaa mangidi o pali leni U Tienu n jiini o maama, kelima o baa pendi nani ti muadi puuma yeni.

Jaki 1:12

Li pamanli ye leni yua n fidi ki juuni mi biigima nni. Kelima bi yaa biigi o ki pagi o yaa yogunu, o baa baa li miali badifogiliga, o Diedo n niani ke o baa pa yaaba n bua o kuli yaaga.

Jaki 2:5

N kpibuadiba, cengi mani! Naani U Tienu ki gandi yaaba n tie luoda ŋanduna nuni po ke ban tua a piada li *dandanli nni, ki go baa wan niani ke o baa pa yaaba n bua o kuli yaa diema kaa?

Mi Doagidima 19:9

Lani maleki yeni den yedi nni: «Diani yaa maama n tie na: li pamanli ye leni ban yini yaaba ki Pebiga pocaajiema po.» O go den yedi nni: «Mi naa maama tie U Tienu n maadi yaa moamoani.»

Mi Doagidima 22:14

Li pamanli ye leni yaaba n ŋuudi bi liada, ke ban baa ki yaa di li miali tibu bonluonkaala, ki go yaa tagi ki kua u dogu buliñoana kani.

Mi Doagidima 3:17

Kelima a tua: ‹N tie piado ki pia ke li dagidi ki naa luo pu.› Ama ŋaa bani ke a tie fala daano, niñinnilo, luodo, juamo, ki go ye mubili.