Matie 5:12 - Gourmanchéma Bible

¹² Yin mangi mani yi pala ki yaa ye leni li pamancianli kelima yi panpaani baa yaba tanpoli po. Bi niba den wangi bi sawalipuaba falabiado yeni, bani yaaba n den ye ke yi daa ye.

U TIENU MAAMA TILI 2013

¹² Yin mangi mani yi pala ki yaa ye leni li pamancianli, kelima yi panpaani baa yaa yabi tanpoli po. Bi niba den wangi bi saawalipuaba yaaba n den ye ke yi daa ye, o falabiado yene.

Matie 5:12 ပူးပေါင်းရင်းမြစ်များ

Mi cilima 15:1

Laa bonla kuli n den pendi, Li Miali Diedo den maadi leni Abalama li bonlekaala nni ki yedi o: «Abalama, ŋan da jie, n tie apo a gbankoandigu, ŋan baa baa yaa panpaani baa yaa yaba boncianla.»

1 Bi Badiba 18:13

Naani baa waani a min den tieni yaala, Jesabeli n den bolindi Li Miali Diedo sawalipuaba yaa yogunu? N den taa Li Miali Diedo sawalipuaba kobiga ki boagidi piimuu muu, ki wuoni ba ti tanlondi nni, ki puuni ba mi jiema leni mi ñima?

1 Bi Badiba 18:4

Akabi pua Jesabeli n den bolindi Li Miali Diedo sawalipuaba yaa yogunu, wani Abidiasi den taa sawalipuaba kobiga ki boagidi piimuu muu ki wuoni ba ti tanlondi nni, ki puuni ba mi jiema leni mi ñima.

1 Bi Badiba 19:2

Lani yaa po Jesabeli den soani o tondo Elia kani wan ban yedi o: «Saala u naa yogunu yaa sua ke mii tieni a miali nani ŋan tieni Baali sawalipuaba yaa miana maama yeni, i*buli n cuo nni bi cuonbiadu.»

1 Bi Badiba 21:20

Akabi den yedi Elia: «N yibali, a laa nni yo?» Elia den goa ki yedi o: «N laa ŋa kelima a puni a yuli ki tiendi yaala n bia Li Miali Diedo po.

1 Bi Badiba 22:8

Isalele diema bado den goa ki yedi Josafati: «Niyendo go ye tin baa fidi ki mia yua wan buali tipo Li Miali Diedo, ama n nani o kelima waa pua npo sawaliŋamo, se sawalibiado. Lani n tie Yimila bijua Mise.» Josafati den yedi o: «Da maadi yeni!»

2 Bi Badiba 1:9

O den soani toatieba piimuu yudaano leni o toatieba piimuudi ban ban cuo Elia. Bi den doni ki sua ke o kaa li juali po. O yudaano yeni den yedi Elia: «U Tienu nilo, o bado yedi ke ŋan jiidi ne!»

2 Bi Badiba Jama 16:10

Asa pali den beni o sawalipualo po, ke o den cedi ke bi luoni o li kpaadidieli nni, kelima o maama den bieni o pali. Laa yogunu Asa den cili ki wangi o niba siiga bi tianba fala.

2 Bi Badiba Jama 36:16

Ama bi den ñuadi U Tienu tonda, ki fali bi maama, ki sugi o sawalipuaba, hali ke Li Miali Diedo pali den fii o niba po ke laa go pia sugili.

Nehemi 9:26

Ama baa yeni bi den fii ki fiini mi yiema apo. Bi den luni a bali maama, Bi den ku a sawalipuaba yaaba n den tigini ba Ke ban guani a kani. Bi den tudi apo tudicianma.

Pisomi 19:11

Mi cie wula, baa yaa wula n ki pia *joagindi. Mi mani ki cie ti siadi, Baa yaa siadi gbie ku siabiabigu ki cuudi.

Pisomi 58:11

O niteginka baa yaa ye leni li pamanli Kelima o baa le bi nibiadiba panpaani. O baa nigidi o taana leni bi nibiadiba yaa soama.

Mi Kpanjama 11:18

O nibiado bonbaakaala kan fuoni o. Ama yua n kubi mi teginma baa baa i panpaanŋami.

Esayi 3:10

Yedi mani: «O niteginka taagi u sanŋamu O baa je o tuonli ñuadi.

Jeremi 2:30

N pua yi bijaba fanma fanma bebe Bi naa gaani tundi. Nani yaa yangbanli n bolindi yeni Yi ku yi sawalipuaba yene.

Jeremi 26:8

Jelemi n den gbeni Li Miali Diedo n den soani o wan yedi yaala li nitaanli yaa yogunu, bi kopadicianba, bi sawalipuaba leni li nitaanli kuli den cuo Jelemi ki yedi o: «A baa kpe, a baa kpe!

Jeremi 37:14

Jelemi den goa ki yedi: «Yeni ka, mii caa ki baan teni n yuli Babilona yaaba ka!» Ama Yiliya naa den cengi o maama. O den cuo Jelemi ki gedini o a koanbala po.

Matie 16:27

Kelima o Ja Bijua baa ti cua leni o Baa kpiagidi ki yegi leni n malekinba. Laa yogunu o baa guani yua kuli nani o tuona n tie maama.

Matie 6:16

Yi yaa luo bu ñoabu yaa yogunu, da biidi mani yi nunmu nani pala lie danba, yaaba n biidi bi nunmu ki baa waani bi niba ke bi luo bu ñoabu. N waani yi i moamoani, bi baa bi panpaani n yeni.

Luki 13:34

Jelusalema, Jelusalema, fini yua n ku bi sawalipuaba, ki lugidi U Tienu n tuuni a kani yaaba a tana, taalima ŋa yo ke n den bua ki gobidi ki taani a niba n kani nani o kooñua n yen wuugi o koobila o fiabi nni maama, ama yii den bua.

Luki 6:23

Li yaa tua yipo yeni yaa daali, yin mangi mani yi pala ki yaa yugi ki ciini li pamanli po kelima yaa panpaani n bili yipo tanpoli po yaba. Kelima bi yaajanba moko den tuuni bi sawalipuaba yene.

Luki 6:35

Ama yin yaa bua mani yi yibalinba, yaa ŋanbidi mani bi niba po, ki yaa ledi ba ki da daani ke yi baa goa ki ga bikani liba. Yeni yi panpaani baa yaba, yi baa tie U Tienu yua n ye hali Tanpojoma bila, kelima wani, o ŋanbidi bi ŋanwaadanba leni bi nibiadiba kuli po.

Jesu Tondiba Tuona 16:25

Lan den bua ki pundi ku yagisiigu, Polo leni Silasa den jaandi ki go yiini i yani ki pagi U Tienu, ke a kpaada cengi.

Jesu Tondiba Tuona 5:41

Jesu tondiba den ñani bi cancaancianli taanli kani, ki mangi bi pala leni U Tienu n den sua ke li pundi ban le i fe o Diedo yeli po.

LOMA YAABA 5:3

Lani bebe ka, ti pia li pamancianli tin ye yaa fala nni moko, kelima ti bani ke fala baa teni tin bangi li juunli.

1 Korenti 3:8

Yua n buli leni yua n kpidi kuli de yenma, yua kuli baa baa o panpaani nani o tuonli n tie maama.

2 Korenti 4:17

Kelima tin laadi yaa fala u naa yogunu po, naa tie pu ti yaa biigi o leni wan bogini tipo yaa kpiagidi n yaba ki kandi ki naa pia pendima maama po.

Filipi 1:29

Kelima U Tienu n tieni yipo yaa ŋanbili yeni, laa tie ke yin daani Kilisiti bebe ka, ama yin go yaa laadi opo fala moko.

Filipi 2:17

Baa li yaa tie ke n soama baa wuli ki tua nani li*ñincabili yeni, yi *dandanli tuonli padili po, n baa mangidi n pali lipo, n go baa mangidi n pali leni yikuli.

Kolosi 1:24

N mangidi n pali moala leni min laadi yipo yaa fala. N tiendi yeni ke min gbieni n gbanandi nni yaala n poadi Kilisiti yaa fala o gbanandi nni, yaadi n tie wan n yini yaaba po.

Kolosi 3:24

Yi bani ke yi baa taani leni o bila kuli ki baa wan bili yipo yaa ŋalimani ke i tie yi panpaani, kelima yi tuuni o Diedo Kilisiti po.

1 Tesaloniki 2:15

Bani n go den ku o Diedo Jesu leni bi sawalipuaba. Bi waani ti moko falabiado. Baa tiendi yaala n mangidi U Tienu pali. Bi go tie bi niba kuli yibalinba.

Hebilunba 10:34

Yi den gba a kpaada po mi niñima, ki go tuo ki mangi yi pala bi niba n den fie yi bonpiakaala yaa yogunu, kelima yi bani ke yi pia yaa ŋalimani n cie, yi n baa ye hali yaa yogunu kuli.

Hebilunba 11:26

O den kpaagi ki nua ke *U Tienu n Gandi Yua fe tie opo bonmoanla ki cie Ejipiti ŋalimani kuli, kelima o den nua liiga po wan baa baa yaa panpaani.

Hebilunba 11:33

Bi dandanli po den teni ke bi paadi mi diema boncianla, ki tiendi yaala n tiegi, ki go baadi U Tienu n den niani ba yaala. Bi den luoni i yangbanli ñoana,

Hebilunba 11:6

Oba kuli kan fidi ki mangi U Tienu pali kali li dandanli yaa po, kelima li tie tiladi ke yua n pundi U Tienu kani kuli n daani ke o ye ki baa pa yaaba n lingi o kuli i panpaani.

Jaki 1:2

N kpiiba, yin yaa nua mani ke yaa biigima buoli kuli n cua yikani tie pamanli bonla.

Jaki 5:10

N kpiiba, yin teni mani bi sawalipuaba yaa fala leni bi juunli n yaa tie yipo li bontogidikaala, bani yaaba n den maadi o Diedo yeli nni.

1 Pieri 4:13

Ama yin yaa mangidi mani yi pala leni yin taani leni Kilisiti o fala nni, ke o kpiagidi yaa doagidi yaa yogunu yi moko n yaa ye leni li pamankandikaali.

Ruti 2:12

Li Miali Diedo n guani a a ŋanma, nani ŋan tieni maama. Yeni de, wani Li Miali Diedo, Isalele yaaba n ŋua yaa Tienu, ŋan cua ki wuoni wani yua yaa kani, n guani apo a panpaani ki ŋanbi apo cain.»