Matie 4:2 - Gourmanchéma Bible

² Jesu n den loli bu ñoabu dana piinaa leni ñadi piinaa, mi koma den cuo o.

U TIENU MAAMA TILI 2013

² Jesu n den loli bu ñoabu dana piinaa leni ñiadi piinaa, mi koma den cuo o.

Matie 4:2 ပူးပေါင်းရင်းမြစ်များ

1 Bi Badiba 19:8

O den fii ki dini ki go ñuni. Wan den dini mi jiema yeni ki baa yaa fidu den todi ke o cuoni dana piinaa leni ñadi piinaa ki pundi U Tienu juali, Holebi kani.

Mi Ñama 24:18

Musa den kua ku tawaligu niinni ki go doni hali li juali yuli po. Lani Musa den ye li juali yuli po dana piinaa leni ñadi piinaa.

Mi Ñama 34:28

Musa den ye lankani leni Li Miali Diedo dana piinaa leni ñadi piinaa. Waa den dini jiema, waa den ñuni ñima moko. Li Miali Diedo den diani o ŋantaado maama mu tanpabimu po, lan tie o *balimaama piiga yeni.

Matie 21:18

Wan den goa u dogu po ku tiŋaapanpangu, mi koma den cuo o.

Matie 25:35

Kelima mi koma den cuo nni ke yi puni nni ke n dini, u ñunñuunu den cuo nni ke yi puni nni ke n ñuni, n den tie caano ke yi ga n cangu,

Matie 25:42

Kelima mi koma den cuo nni ke yii puni nni ke n dini, u ñunñuunu den cuo nni ke yii puni nni ke n ñuni,

Marki 11:12

Lan den fii ki fa ke bi go ñani Betani, mi koma den cuo Jesu.

Luki 4:2

ke lankani, Sutaani den tulini o hali dana piinaa. Waa den dini liba laa dana nni. Laa dana n pendi mi koma den cuo o.

Jan n diani U Tienu Laabaaliŋamo maama 4:6

Jakobo n den gbini yaa caali mo den ye likani. Jesu den cuoni ki coagi ki kali li caagbanli po. Li den bua ki pundi u yensiinu.

Mi Tiadima 18:18

N baa fiini bi buolu nni o sawalipualo yua n tie nani fini yeni, ki kuani n maama o ñoabu nni, wan waani ba min baa puogi o yaala kuli.

Mi Tiadima 9:18

Lanwani n den laabi Li Miali Diedo nintuali dana piinaa leni ñadi piinaa nani mi kpiama yeni ki naa dini jiema ki naa ñuni ñima mo kelima yin den tieni yaa tuonbiadi kuli Li Miali Diedo po ki fiini o pali.

Mi Tiadima 9:25

N den laabi Li Miali Diedo nintuali dana piinaa leni ñadi piinaa, kelima Li Miali Diedo den yedi ke o baa bolini yi.

Mi Tiadima 9:9

Min den doni li juali po yaa yogunu ki baa ga mu tanpabimu Li Miali Diedo n den kuani leni yi o *ŋantaado leni yaa tanpabimu yeni, n den tieni li juali po dana piinaa leni ñadi piinaa ki naa dini jiema ki naa go ñuni ñima mo.