Matie 4:1 - Gourmanchéma Bible

¹ Lani n pendi *U Tienu Fuoma den gedini Jesu mi fanpienma nni ke Sutaani tulini o.

U TIENU MAAMA TILI 2013

¹ Lani n pendi, U Tienu Fuoma Yua den gedini Jesu mi fanpienma nni ke Sutaani tulini o.

Matie 4:1 ပူးပေါင်းရင်းမြစ်များ

Mi cilima 3:15

N baa bili ti yibalindi fini leni o pua yaa siiga, A puoliŋuani leni o puoliŋuani yaa siiga. O baa mudi a yuli, Amo baa poagili o taajentindili.»

1 Bi Badiba 18:12

N yaa ñani a kani ke Li Miali Diedo Fuoma cua ki taa ŋa ki gedini a min ki bani naani, ki nan sua ke n gedi ki ban waani Akabi, ke o cua kaa laa ŋa, o baa kpa nni. Mini a naacemo mo fangi Li Miali Diedo hali min tie jawaalo yaa yogunu.

2 Bi Badiba 2:16

Bi den yedi o: «Diidi, tinba a naacenba siiga pia jakoanda piimuu. Ban gedi ki ban lingi a canbaa. Daalinba U Tienu Fuoma taa o ki ban ŋa o jualiba po bi joaloanguba nni.» O den goa ki yedi: «Yin da soani ba mani!»

Esekieli 11:1

O Diedo Fuoma den yua nni ki gedini nni Li Miali Diedo diegu buliñoabu yaabu n tiegi puoli po kani. N den laa piilie n jaba muu ke bi ye bu buliñoabu nni U Tienu niba siiga, ke badijaba lie, Asuli bijua Yasania leni Benaya bijua Pelatia ye bi siiga.

Esekieli 11:24

Li bonlekaala nni, U Tienu Fuoma go den yugini nni ki guani nni Babilona diema nni, ban den gedini yaaba ti yonbidi kani. Lanwani min den baa yaa bonlekaala ke li yiini npo den bodi, ke mii go laa la.

Esekieli 3:12

Lanwani U Tienu Fuoma den yua nni ki yugini nni, ke n den gbadi n puoli po u nialiciamu ke u den yedi: «Li Miali Diedo n baa ti pagidi hali o kpiagidi kaanu kani!»

Esekieli 3:14

Lanwani U Tienu Fuoma den yua nni ki gedini nni. Li Miali Diedo paaciamu den cuo nni maama ke n kan fidi ki yie, baa ke n den caa ke n pali naa mani.

Esekieli 40:2

Li bonlekaala nni, o den yua nni ki gedini nni Isalele diema nni. O den ban sieni nni yaa juali n kpedi hali boncianla yuli po, yaali yaa niganu n den pia li bonla ke li se ki naani leni u dogu yaa diena yeni.

Esekieli 43:5

Lanwani o Fuoma den yua nni ki gedini nni deenni yaa luolu po. N den laa ke Li Miali Diedo kpiagidi den gbieni U Tienu diegu.

Esekieli 8:3

O den tandi yaala n den naani leni o nuu ki cuo n yudi. Lanwani U Tienu n den soani npo yaa bonlekaala yeni niinni, U Tienu Fuoma den yugidi nni mi fawaama nni ki gedini nni Jelusalema. N den sua ke n ye u dogu nijienu po buliñoabu kani tugu nni, ke li nunponli *bulo yua n fiindi Li Miali Diedo *nunponli mo se likani.

Jan n diani U Tienu Laabaaliŋamo maama 14:30

N kan go maadi leni yi boncianla, kelima *ŋanduna bado kpendi. Waa pia npo baliba kuli.

Jesu Tondiba Tuona 8:39

Ban den ñani mi ñima nni, o Diedo Fuoma den taa Filipi ke ki moagiliga ki go laa o. Ki moagiliga den suagi liiga leni o sancenli ke o pali mani.

LOMA YAABA 8:14

Kelima mi Fuoma n gobidi yaaba kuli, bani n tie U Tienu bijaba.

Hebilunba 2:18

O baa fidi ki todi ban tulini yaaba, kelima wani oba den laa fala ban tulini o yaa yogunu.

Jaki 1:14

Bi tulini nilo kuli wani oba bonbuaka-biadila yaa dia o ki cuo o yaa yogunu.