Matie 27:4 - Gourmanchéma Bible

⁴ ki yedi: «N tieni ti *tuonbiadi ki janbi yua n naa pia tagili.» Bi den goa ki yedi o: «Lani mo nan ŋua tii? Li ŋua fine.»

U TIENU MAAMA TILI 2013

⁴ ki yedi: «N tieni ti tuonbiadi ki janbi yua n ki pia tagili.» Bi den guani ki yedi o: «Lani mo nan ŋua ti? Li ŋua fine!»

Matie 27:4 ပူးပေါင်းရင်းမြစ်များ

1 Bi Badiba 21:27

Akabi n den gbadi Elia n yedi yaala, o den padi o tiadi, ki lani li paboanli tiadi, ki loli bu ñoabu. O den dua leni laa tiadi, ki cuoni dindini.

2 Bi Badiba 24:4

leni wan den ku yaa niba n kaa pia tagili ki gbieni Jelusalema bi soama yaa po. Li Miali Diedo ki den bua ki pa sugili.

Jobi 13:4

Yinba wani, se faami leni mi yama. Yi tie yaa logitola n ki pia mayuli.

Jobi 16:2

«N gbadi mi naa maama buolu boncianla. Yi kuli tie yaaba yaa baagi n tie fala.

Pisomi 94:21

Bi yen taani ki fii ki sedi bi niteginkaaba po Ki mua yua n ki pia tagili mi tuonanma.

Mi Ñama 12:31

Laa ñiagu Falono den yini Musa leni Alono ki yedi ba: «Fii mani ki ña n niba siiga, yinba leni Isalele yaaba kuli. Gedi mani ki ban kpiagi Li Miali Diedo nani yin den yedi maama.

Mi Ñama 9:27

Falono den teni bi yini Musa leni Alono ki yedi ba: «Moala wani n tieni ti *tuonbiadi. Li Miali Diedo tiegi, mini leni n niba n nani.

Mi Kpanjama 12:8

O nilo yama n baa teni ban pagi o, Ama bi fali o yanpiidaano wani.

Jeremi 26:15

Ama yin bandi ke yi yaa kpa nni, yi baa tugi yaa soama n ki pia tagili yi yula po, yinba, u naa dogu leni u niba kuli, kelima moamoani Li Miali Diedo n soani min waani yi laa maama.»

Jonasi 1:14

Lanwani bi den taa Li Miali Diedo yeli ki jaandi ki mia o ki yedi: «Li Miali Diedo, da bolini ti kelima o naa ja po, da tuni ti o ja yua kaa tieni ti liba na yaa tagili. Kelima fini Li Miali Diedo, ŋan bi tieni yaala yeni kuli, a tieni nani ŋan bua maama.»

Matie 27:19

Wan da den ka o bujiakaanu mo, o pua den soani u tondu o kani ki yedi o: «Ŋan da kua o naa niteginka maama nni, kelima yaa ñiagu n pendi na, n laa fala boncianla ti dangidi nni kelima opo.»

Matie 27:54

Minteela kobiga yudaano leni yaaba n den taa leni o ki ji Jesu kuli n den laa mi tindigibima leni yaala n tieni kuli, ti jawaandi den cuo ba boncianla, ke bi yedi: «Moamoani, one den tie U Tienu Bijua yo.»

Luki 23:22

Pilata go den maadi ba mi tataama ki yedi: «O tieni be ke li bia? Mii laa ke o tieni yaa bonbiadila n pundi mi kuuma. Lanwani n baa teni ban pua o, ki ŋa o.»

Luki 23:41

Tinba yaa po, yaa cuonu n tie na tiegi, kelima ti ga ti tuona panpaani, ama one naa tieni bonbiadiliba kuli.»

Luki 23:47

Minteela kobiga yudaano n den laa yaala n tieni, o den pagi U Tienu ki yedi: «Moamoani, o ja na den tiegi lige.»

Jan n diani U Tienu Laabaaliŋamo maama 19:7

Jufinba den goa ki yedi o: «Tinba wani pia li *bali maama. Laa bali maama mo yaa po li bili ke li pundi wan kpe, kelima o den yedi ke o tie U Tienu Bijua.»

Jesu Tondiba Tuona 13:28

Baa ke baa den laa ke Jesu tieni yaala n bia ki pundi mi kuuma, bi den mia Pilata wan teni ban kpa o.

LOMA YAABA 3:19

To, ti bani ke U Tienu *bali maama n bili yaala kuli tie li bali maama n die yaaba po, ki baa teni nilo kuli ñoabu n mubini, bi niba kuli n tuo ke bi pia i tagili U Tienu nintuali.

1 Timote 4:2

Kelima bi baa ŋua bi bangi-faadanba yaa palieda, bani yaaba yaa pala siedi n kpe nani ban sia yaala leni yaa kudi n tuoni yeni.

Titi 1:16

Bi tua ke bi bani U Tienu, ama bi nia o bi bontienkaala nni. Bi tie cancaginniba leni niyiekaaba kaa fidi ki tieni tuonŋanliba kuli.

Hebilunba 7:26

Wani n tie yaa kopadicianba bado buolu n dagidi tipo. Kelima o gagidi ki ŋani cain, waa pia tagiliba kuli, *tuonbiadiba kuli mo ki ye o niinni. O paadi leni ti tuonbiadi danba, U Tienu den duoni o ke o pendi tanpoli kuli.

1 Pieri 1:19

Ama, o den da ki faabi yi leni Kilisiti yaa soama, yaama n pia mayuli hali boncianla ki tie nani ban padi yaa pebiga n ki pia poadoba kuli yaama maama yeni.

1 Jan 3:12

Tin da tie mani nani Kayina yua n den tie o *Biado yua, ki den ku o waalo. Be yaa po ke o den kodi o? Kelima o tuona den bia, ke o waalo ya tiegi.

Mi Doagidima 11:10

Ki tinga nni yaaba kuli pala baa mangi boncianla kelima bi kuuma po. Bi baa tieni i badi, ki mangi bi pala ki soani biyaba po bu paabu, kelima bi sawalipua-liediba yeni den wangi ki tinga nni yaaba o falabiado.

1 Samueli 15:24

Lanwani Sayula den yedi: «N tudi, kelima n miidi U Tienu ñoabonli ki yie amo yaa maama. N den jie bi toatieba ki tieni bani n yedi yaala.

1 Samueli 15:30

Sayula go den yedi: «N tudi, ama ŋan miini nni n niba nikpela nintuali leni Isalele yaaba kuli nintuali. Lebidi ki yegi leni nni min ban gbaani Li Miali Diedo a Tienu nintuali ki kpiagi o.»

1 Samueli 19:5

kelima o den luni o miali ki ku Goliati. Li Miali Diedo den tieni tinba Isalele yaaba kuli po mi faabicianma. Amo den laa la ki mangi a pali. Lanwani be yaa po ke a baa wuli yua kaa pia tagili soama, ŋan bua ki kpa Dafidi yua n ki pia apo tagiliba kuli yeni?»