Matie 22:4 - Gourmanchéma Bible

⁴ O go den soani naacentoaba ki yedi: ‹Yin waani mani min yini yaaba ke n ŋanbi mi jiema ki gbeni, ki kodi n ne leni n yanwubiditi ki ŋanbi ki gbeni. Ban di cua mi pocaajiema po na.›

U TIENU MAAMA TILI 2013

⁴ O go den soani naacentoaba ki yedi: ‹Yin waani min yini yaaba ke n ŋanbi mi jiema ki gbeni. N kodi n ne leni n yanwubiditi ki ŋanbi ki gbeni. Ban ji cua mi puocaajiema po na.›

Matie 22:4 ပူးပေါင်းရင်းမြစ်များ

Nehemi 9:17

Bi den yie baa tuo ma ki sundi ŋan den ŋanbi bipo yaa *ŋanbili. Bi den juagi bi tuli. Bi yiema nni, bi den gandi o yudaano Ki baa guani ban den ye ti yonbidi nni naanpo. Ama fini, a tie yaa Tienu n puuni sugili Ki juogidi ki gba mi niñima, Ki pia li juunli leni li ŋanbili. Lani yaa po ŋaa den ŋa ba.

Pisomi 86:5

Fini o Diedo, a ŋani ki puuni sugili, Ki pia li *ŋanbili yaaba n jaandi a kuli po.

Mi Kpanjama 15:17

A yaa ŋmani faadi mi buama n ye naani, Li cie ŋan yaa ŋmani naawubido ki nanga n ye naani.

I Yani 5:1

N naataanpuoga, n ŋamo, n kua n sadingo nni. Ki ñani *mili leni yaa muadi yaa nuulu n mani. N ŋmani n siabiabigu leni ku siadi, Ki ñuni n daama leni n naaŋanma. «N danlinba, je mani ki go ño mani Ki teni mi buama n gaadi yi nani mi daama yeni!»

Matie 21:36

O koadaano yeni go den soani naacentoaba, yaaba n yaba ki cie bi kpiaba. Bi koaguudiba den soani bani mo nani ban den soani bi kpiaba maama.

Matie 22:5

Ama wan den yini yaaba yeni den fali o yiinu, ki fii ki gedi bi kaani, one n gedi o kuanu po, one mo o kpendu,

Matie 22:8

Lanwani o den yedi naacentoaba: ‹Mi pocaajiema ŋanbi ki gbeni, ama min den yini yaaba naa pundi ki je ma.

Luki 14:17

Mi jiema yogunu n pundi, o den soani o naacemo n ban yedi wan yini yaaba: ‹Cua mani na kelima li bonla kuli ŋanbi ki gbeni no.›

Jesu Tondiba Tuona 1:8

Ama yi baa baa u paalu U Tienu Fuoma Yua yaa jiidi yipo yaa yogunu, yi baa tie n siedinba Jelusalema nni, Jude po leni Samali kuli, hali ki pundi ŋanduna banlu kuli.»

Jesu Tondiba Tuona 13:46

Polo leni Banabasa den paagi bi pala ki yedi ba: «Li den tie tiladi ke U Tienu maama n kpa pundi yinba yaa kani, ama kelima yi yie yii ga ma, yi nua yi yula ke yii pundi ki baa yaa miali n kan gbeni. Lani yaa po ti baa lebidi ki gedi bi nilanba po.

LOMA YAABA 8:32

Wani U Tienu, yua n kaa den yie ke o yaa Bijua n da le fala, den soani o ki teni bi niba nuu nni ke o kpe tikuli po. Lani li baa ga lede ke o kan pa ti li bonla kuli leni wani o Bijua leni ti bulicindi?