Matie 2:11 - Gourmanchéma Bible

¹¹ Bi den kua li dieli nni ki laa ki biga leni o naa Maliyama. Bi den gbaani ki kpiagi ki biga, ki loti bi ŋalimani boaga ki ñani ki puni o yaa paabu n tie na: wula, leni a *dugibila leni *mili.

U TIENU MAAMA TILI 2013

¹¹ Bi den kua li dieli nni ki laa ki biga leni o naa Mariyama. Bi den gbaani ki kpiagi ki biga, ki lodi bi ŋalimani boaga ki ñani ki puni o yaa paabu n tie ne: wula, a dugibila leni mili.

Matie 2:11 ပူးပေါင်းရင်းမြစ်များ

Mi cilima 43:11

Bi baa Jakobo den yedi ba: «Lanwani kelima li tie tiladi tieni mani yeni. Taa mani ti diema piama, yaama n ŋani ki cie mi piama kuli ki ŋuuni yi kpalipadi nni ki gedini bu paabu laa ja po. Taa mani mi kpama waamu leni ti siadi waamu leni yaa tibidi yaa sinma yaa nuulu n mani ki yi ladanumi leni yaa bonbima n yi pisitasa leni amandie.

1 Bi Badiba 10:10

O den puni o bado wula kilo tudataa (3 000) leni boagidima, leni yaa tibidi n pia u nuulimanu boncianla, leni yaa tana n ŋani ki pia mayuli ke a dunga pa. Oba ki go cuani yaa tibidi n pia u nuulimanu ke li yaba ki pundi Seba pobado n den puni Salomono maama.

1 Bi Badiba 10:2

O den cua Jelusalema leni nigocianli, leni yaa yuoyuodi n tugi yaa tibidi n pia u nuulimanu, leni wula boncianla, leni yaa tana yaa dunga n pa boncianla. O den gedi Salomono kani ki waani o yaala n ye o pali nni kuli.

Pisomi 2:12

Pugi mani bijua, Wan da ti bieni o pali Ki teni yin bodi cain, Kelima o pabienli jaligi. Li pamanli ye leni yaaba n sani ki wuoni o kani.

Pisomi 45:8

A bua mi teginma, ki nani mi biadima. Li tie lani yaa po, fini U Tienu, ke a Tienu gandi a Ki wuli a yuli po li pamanli kpama, Ki teni ke a pia ti jigidi ki cie a lieba.

Pisomi 72:10

Talisisi diema leni a kpendega badiba Baa soani opo bu paabu. Seba leni Saba diema badiba moko baa cuani bi paabu.

Pisomi 72:15

O bado baa waagi ki ye! Ban yaa puuni o Saba diema wula. Ban yaa jaandi opo yogunu kuli. U Tienu sela n yaa ye opo yogunu kuli!

Pisomi 95:6

Cua mani tin labini ki pugi Li Miali Diedo Tin gbaani wani Li Miali Diedo yua n tagi ti yaa nintuali

Mi Ñama 30:23

«Ŋan lingi tulalemoano yua n yi tulale militi, yua n tie bonñima ke o kpiagu tie kilo bonba muu, sinamomi leni o nuulimanu kilo bonba lie leni boagidima, kaneli leni o nuulimanu kilo bonba lie leni boagidima,

Mi Ñama 30:34

Li Miali Diedo go den yedi Musa: «Lingi yaa tiidi yaa nuulu n mani, lan tie sitakite, onigisi, leni galibanumi. Ŋan go pugini ŋan baa yaa tiidi yeni po a *dugibila mo lan yaa de yeni.

I Yani 3:6

Be n ban ña mi fanpienma po ne Nani ku muñiigbangbadigu Nani *mili leni a *dugibila yaa gbangbadigu Yaagu n pia u nuulimanu Leni yaa tulale n mani buoli kuli yeni?

Esayi 60:6

A yuoyuogola baa cua ki gbie a dogu Ki taani leni Madiana leni Efa yaa yuoyuodi. Ti baa ña Saba po yo ki cua. Ti baa tugi wula leni a *dugibila Ki kpaani ki doagidi Li Miali Diedo kpiagidi.

Levi 6:15

Alono bijaba siiga, bi yaa ti faa ki gagidi yua ke o tua kopadiciamo ki lebidi Alono, o mo baa yaa puuni laa paabu. Li tie yaa padili n baa yaa tiendi Li Miali Diedo nintuali yaa yogunu kuli. Laa paabu kuli baa sia ki buodi cain.

Malaki 1:11

Ki cili hali u yienu n pudi naani, Ki ban tuoni hali wun baali naani, I nibuoli kuli kpiagidi nni. I kaani kuli bi niba padi ki siagi npo a *dugibila. Bi go padi yaa pada n ŋani ki dagidi npo, ki kpiagidi nni. I nibuoli kuli kpiagidi nni. Li Miali Diedo, U Paaciamu Kuli Daano n yedi yeni.

Mi Coadima 7:86

Bi yaa taa u kaangagidiŋamu *bonbiigikaala yaa kpiagu po, mu wula tadiñokaamu piiga n bonmu lie yeni kpiagu den tie sikili kobiga n piilie, kelima tadiñokayenga kuli yaa kpiagu den tie sikili piiga.

Matie 1:18

Diidi Jesu Kilisiti madi n den tua maama. O naa Maliyama n da den tie Josefi toginaa hali ke bi daa den taani leni biyaba, Maliyama den ti sua ke o punbi kelima U Tienu Fuoma Yua paalu po.

Matie 12:46

Jesu n den maadi leni ku niligu, o naa leni o waamu den cua ki se niinpo ki bua ki maadi leni o.

Matie 14:33

Yaaba n den ye ku ñinbiagu nni den cua ki labini ki kpiagi Jesu ki yedi: «A tie U Tienu Bijua moamoane.»

Matie 2:10

Ban den laa ki ŋmabiga, bi pala den mangi hali boncianla.

Matie 2:2

Bi den buali: «Ban mali Jufinba bado yua moala na ye le? Ti laa ke o ŋmabiga pudi puoli ke ti cua ki baa kpiagi o.»

Luki 2:16

Bi den jaligi ki gedi ki lingi ki laa Maliyama leni Josefi, ki go laa ki canpandiga ke o dua ku yankpaku nni.

Luki 2:38

Lanyogunu liga, o den nagini bikani ki pagi U Tienu ki maadimaadi yaaba n gu Jelusalema *daafaabima kuli Jesu maama.

Jan n diani U Tienu Laabaaliŋamo maama 19:39

Nikodema, yua n den kpa cua Jesu kani ku ñiagu moko den taani leni Josefi ki cuani *mili leni *alowesi ki kakali ke li kpiagu den pundi kilo piitaa.

Mi Doagidima 19:10

N den gbaani o taana kani ki baa kpiagi o, ama o den yedi nni: «Da tieni yeni. N tie fini leni a kpiiba, yaaba n kubi Jesu yaa siedi kuli yaa tuonsoanlielo. Kpiagi U Tienu. Kelima Jesu yaa siedi n teni ke bi soani mi naa maama.»

Mi Doagidima 5:8

Wan den ga li tili, a bonfuodinaada leni bi piilie n nikpenaadiba den gbaani wani ki Pebiga nintuali. Bi siiga yua kuli den muubi ku kogidigu, leni wula tadibuomu ke mu gbie leni a *dugibila, yaala n tie bi *nigagidiŋanba jaandi.

1 Samueli 10:27

Ama bi nibiadiba den ye yaaba n yedi: «Joo! One n baa faabi ti?» Bi den fali o kaa cuani opo paabu. Ama Sayula ki den taa la ki kuani o yama nni.