Matie 14:3 - Gourmanchéma Bible

³ Kelima puoli po Elodo den cuo Jan ki loli o ki luoni o li kpaadidieli nni, kelima Elodiasa, o waalo Filipi pua yaa po.

U TIENU MAAMA TILI 2013

³ Puoli po, Herodi den cuo Jan ki loli o ki luoni o li kpaadidieli nni, kelima Herodiasi, o waalo Filipi pua po.

Matie 14:3 ပူးပေါင်းရင်းမြစ်များ

Matie 11:2

Jan n den lo li kpaadidieli nni ki gbadi Kilisiti n tiendi yaala, o den soani o ŋoadikaaba wani Jesu kani ke ban buali o:

Matie 14:6

Ama Elodo maadaali n den pundi, Elodiasa bisalo den jeli ki ciaga bi nitaankaaba siiga ki mangi Elodo pali,

Matie 4:12

Jesu n den gbadi ke bi cuo Jan, o den fii ki gedi *Galile.

Marki 6:14

O bado *Elodo den gbadi ke bi maadi Jesu maama kelima o yeli den ñani boncianla. Bi nitianba den tua, «Jan Batisi n goa ki fii bi tinkpiba siiga. Lani n teni ke o tuuni leni u naa paaciamu ki tiendi mi bancianma yeni.»

Marki 6:17

Li den sua ke puoli po Elodo den cuo Jan ki loli o ki luoni o li kpaadidieli nni kelima wan den fie o waalo Filipi pua Elodiasa ke o tua o yaa pua yeni yaa po.

Marki 6:19

Lani yaa po Elodiasa pali den be Jan po ke o den bua ki teni ban kpa o. Ama o kan den fidi,

Marki 6:22

Elodiasa bisalo den kua li nitaanli yeni siiga nni, ki jeli ki ciaga ki mangi Elodo pali leni o nitaankaaba kuli pala. O bado den yedi o jafaano yeni: «Mia nni ŋan bua yaala kuli, n baa pa ŋa la.»

Marki 8:15

Jesu den tundi ba ki yedi: «Yin fangi mani yi yula bonŋanla leni Falisieninba leni *Elodo *dabinli.»

Luki 13:1

Laa yogunu bi nitianba den cua ki togidi Jesu yaala n den tieni *Galile yaaba, yaaba n den cua ki baa padi U Tienu po, ke Pilata den teni ke bi ku ba, ki wuli bi soama ke mi taani ki kali leni bi pada yaa yaama.

Luki 13:31

Laa yogunu *Falisieninba bi tianba den cua o kani ki yedi o: «Ña ne ki gedi potogu kelima *Elodo bua ki kpa ŋa.»

Luki 23:11

Elodo den taani leni o minteela ki fali o, ki ñuadi o ki lani o ti tiakpiagidi, ki guani o Pilata po.

Luki 23:7

Wan den gbadi ke o tie *Elodo yaa diema yua, o den soani o Elodo po. Li sua ke Elodo ye Jelusalema laa dana.

Luki 3:1

Loma yaaba badiciamo Tibeli *Sesa bali piiga n binmuuli binli, Ponisa Pilata den tie Jude diema gufeneeli, *Elodo den die *Galile diema, o waalo Filipi n yaa die Itule leni Takonita diema, Lisaniasa mo n yaa die Abilena diema.

Luki 8:3

One mo Jana, o bado *Elodo ligikubilo Kusa pua, one mo Susana, leni potoaba boncianla, yaaba n den ñandi bi piama nni ki todi Jesu leni o ŋoadikaaba bi yema nni.

Jesu Tondiba Tuona 12:1

Laa yogunu o bado *Elodo den cili ki waani Kilisiti nitaanli yaaba bi tianba fala.

Jesu Tondiba Tuona 4:27

Moamoani o bado *Elodo leni gufeneeli Ponisa Pilata den taani yanyenma leni yaaba n kaa tie Isalele yaaba leni Isalele yaaba kuli u naa dogu nni, ki juogi ban baa tieni maama ki cuo fini U Tienu yaa naacen-gagidiŋamo Jesu, ŋan Gandi Yua.