Matie 13:52 - Gourmanchéma Bible

⁵² O den yedi ba: «Lanwani li *balimaama bangikaaba siiga yua n tuo ki ga yaala n tie tanpoli diema bonla kuli, tie nani yaa diedaano n ñandi o ŋalimano nni li bonpanla leni li bonkpelila kuli.»

U TIENU MAAMA TILI 2013

⁵² O den yedi ba: «Lanwani, li bali maama banda siiga yua n tuo ki gaa yaala n tie tanpoli diema bonla kuli, tie nani yaa diedaano n ñandi o ŋalimano nni li bonpanla leni li bonkpelila kuli.»

Matie 13:52 ပူးပေါင်းရင်းမြစ်များ

Esidirasi 7:10

Li den tie yeni kelima Esidilasi den kuani o yama ki bangi U Tienu bali maama ki go kubi ma ki tieni man yedi yaala, ki go bangi Isalele yaaba U Tienu bali maama yeni leni o ñoabonbilikaana kuli.

Esidirasi 7:21

Mini o bado Alitakiselisesi n ñani li ñoabonli ke yaa ŋalimankubida n ye Yufilata nintuali yaa diema nni kuli n jaligi ki teni Esidilasi yua n tie o kopadiciamo leni U Tienu balimaama bando, ki bani tanpoli Tienu balimaama bonŋanla, wan mia ba yaala kuli.

Esidirasi 7:6

Esidilasi yeni den ñani Babilona ki goa ki kpeni Jelusalema. O den tie li *balimaama bangika ki bani Li Miali Diedo Isalele yaaba Tienu n den teni Musa yaa balimaama hali bonŋanla. O bado den teni o wan mia o yaala kuli kelima Li Miali Diedo o Tienu den ye leni o ki ŋanbi opo.

Mi Kpanjama 11:30

O niteginka bontienkaala tie li miali tibu. O yanfodaano baadi bi niba ke bi ŋua o kelima o yanfuoma po.

Mi Kpanjama 15:7

Bi yanfodanba ñoacuuna yadi mi bandima, Ama bi yanluodanba kan fidi ki tieni la.

Mi Kpanjama 18:4

Bi nisaaliba maama tie nani yaa ñima n ñoa yeni Mi yanfuoma ñiali mo tie yaa kpenu n gbie ki duodi ki puubi.

I Yani 7:13

U tiŋafaanu ti baa gedi duven tiidi kuani nni Ki le i yaa tieni a ŋuada bonŋanla Ke i puuma mo yaa cili ki yigidi, Ki go bandi *gelenadie mo yaa tiidi yaa puudi. Lankane n baa waani a n buama.

Matie 12:35

O niŋamo ñandi yaala n ŋani o pali yaali n ŋani nni. O nibiado mo ñandi yaala n bia o pali yaali n bia nni.

Matie 13:51

O den buali ba: «Naani yi gbadi laa bonla kuli bonŋanla?» Bi den goa ki yedi o: «Mm.»

Matie 13:53

Jesu n den pua laa kpanjama kuli ki gbeni, o den fii ki ñani lankani

Matie 23:34

Li tie lani yaa po ke n tuuni yipo bi sawalipuaba, bi yanfodanba leni U Tienu Laabaaliŋamo bangikaaba. Yi baa kpa bine, ki joani bine a dapoanpoana po, ki pua bine i baliji li balimaama bangima diena nni, ki yaa ŋua ki wangi bine fala ban kua yaa dogu nni kuli,

Matie 28:19

Lanwani, yin gedi mani ki tieni i nibuoli nni kuli bi ŋoadikaaba, ki *batisi ba Baa yeli nni, Bijua yeli nni leni U Tienu Fuoma Yua yeli nni, ki bangi ba ban yaa kubi min den yedi yi yaala kuli.

Luki 11:49

Li tie lani yaa po ke wani U Tienu yanfuoma po o maadi Jufinba maama ki yedi ke wani U Tienu n baa soani bikani o sawalipuaba leni o tondiba. Bi baa kpa bine ki faligi bine.

Jan n diani U Tienu Laabaaliŋamo maama 13:34

N bili yipo yaa mabilikapanma n tie na: Yin yaa bua mani yiyaba. Nani min bua yi maama, Yi moko n bua yiyaba yeni.

2 Korenti 6:10

Bi nua ti nani li pabiidili danba, ama ti pia li pamanli yogunu kuli. Bi nua ti nani a luoda, ama ti teni ke niba boncianla tua piada. Bi nua ti nani tii pia pu, ama ti pia li bonla kuli.

Efesa 3:4

Yi yaa cogi, yi baa fidi ki bandi min ga maama ki bandi Kilisiti bondoaginkaala.

Efesa 3:8

Mini yua n tie puoli yua U Tienu nigagidiŋanba kuli siiga, n den baa laa ŋanbili ki baa wangi bi nilanba o Laabaaliŋamo, yua n doagidi Kilisiti n pia yaa ŋalimani n yaba hali ke li kandi maama.

Kolosi 1:7

Li tie nani ti buado leni ti tuonsoanlielo Epafasa n den bangi yi maama. O tie yipo Kilisiti naacendugika,

Kolosi 3:16

Kilisiti maama n gbie yi pala nni leni man pia yaa ŋalimano kuli. Yaa bangi mani ki go tundi yiyaba leni mi yanfuoma. Yaa yiini mani Pisoma, leni U Tienu yani, leni yaa yani n doagidi mi Fuoma n bangi yi yaala, ki yiini ki pagi U Tienu leni i tuondi yi pala nni.

1 Timote 3:6

Wan da tie yua n daani ke li daa waagi, ke ti japaadi n da ti diedi o, wan da ti baa Sutaani n den baa yaa cuonu nni.

Titi 1:9

Wan yaa kubi i moamoani maama yaama n tie mi madugikaama nani ban den bangi o maama, ke wan fidi ki bangi mi bangiŋanma yeni ki yaa paagidi bi pala, ki go maadi ki guliti yaaba n bua ki nia ma.