Matie 11:3 - Gourmanchéma Bible

³ «Naani a tie yua n den baa cua bi, bi ti da go baa guu nitoa yo?»

U TIENU MAAMA TILI 2013

³ «Naani a tie yua n den baa cua, bi ti da go baa yaa guu nitoa yo?»

Matie 11:3 ပူးပေါင်းရင်းမြစ်များ

Mi cilima 12:3

N baa seligi yaaba n seligi a, N baa soli yaaba n fali a, Ki tinga nibuoli kuli baa baa li seli kelima a yaa po.»

Mi cilima 3:15

N baa bili ti yibalindi fini leni o pua yaa siiga, A puoliŋuani leni o puoliŋuani yaa siiga. O baa mudi a yuli, Amo baa poagili o taajentindili.»

Mi cilima 49:10

Li bali yaa gbiamu kan foagidi Juda kani, O badiciamo yaa gbiamu kan fuadi o taana nni. Hali yua n die o n baa cua, Bi niba kuli n baa tuo yua.

Pisomi 118:26

U Tienu n seligi yua n kpendi wani Li Miali Diedo yeli nni! Ti gaaliti yinba, Li Miali Diedo diegu nni!

Esayi 7:14

Lani yaa po O Diedo wani oba baa pa yi mi maalima. Diidi ki le, li *powandiali baa punbi. O baa maa bonjaga ki yini o Emanuweli.

Ose Tili 3:5

Li yaa puoli bi baa lebidi ki cua ki lingi Li Miali Diedo, bi Tienu leni bi bado, Dafidi puoliŋuani siiga. Bi baa faa ki guani Li Miali Diedo kani leni li fangili, ki go baa o *ŋanbili.

Abidiasi 1:21

Ban den cuo Jelusalema yaaba, yaaba ti yonbidi Ke bi ye Sefanadi dogu nni, Jelusalema dogu jakoanda baa cua ki baa Edomi diema ki diedi ma. Li Miali Diedo wani oba n baa tua o bado!

Mise 5:2

Lani yaa po U Tienu baa ŋa o niba bi yibalinba nuu nni, Hali yaa pua n baa maa ki bonjaga yeni Yaa mali ga yaa yogunu. Lanwani ki biga yeni kpiiba yaaba n sieni Ki ye foagima baa goa ki kpeni Bi lieba Isalele yaaba diema nni.

Age Tili 2:7

N baa guli i nilanbuoli, Ki teni ban tugi bi piama kuli ki cuani ne, Ke n Diegu n gbie leni ŋalimani. Li Miali Diedo U Paaciamu Kuli Daano n yedi yeni.

Sakari 9:9

Mangi mani yi pala, yinba Siyono dogu yaaba! Kpaani mani i pamandankpaani, yinba Jelusalema yaaba! Diidi mani, yi bado kpendi yi kani! O tiegi, ki paadi li bonla kuli mo! O dingi, ki jagi o ŋunbo! O jagi ŋunbiga, ŋunñua biga!

Malaki 3:1

U Paaciamu Kuli Daano n guani yi yaala tie line: «N baa soani n tondo, Ke wan kua liiga ki ŋanbi npo u sanu. Laa yogunu, yin lingi o Diedo yua yeni Baa ludi ki cua o diegu nni. Yin guu yaa tondo yeni baa yaa wangi Min den kuani leni yi yaa *ŋantaado, Diidi mani, o kpendi na.»

Mi Coadima 24:17

N nua yaala n baa tieni, ama laa tie moala po, N diidi ki laa bonŋanla, ama li da foagi. Ki ŋmabiga ñani Jakobo puoliŋuani siiga, Yua n kubi u badigbiamu fii bani Isalele yaaba siiga. O pua ki poagili Moabi yaaba, O baa bolini Seta puoliŋuani kuli.

Matie 11:10

Kelima li tie wani yaa po ke li diani ki yedi: ‹Diidi, n soani n tondo a liiga, Ke wan ŋanbi a sanu.›

Matie 11:4

Jesu den goa ki yedi ba: «Guani mani ki ban togidi Jan yin gba ki go nua yaala:

Matie 21:5

Waani mani Siyono dogu yaaba Ke bi bado kpendi bikani na. O dingi boncianla, ki jagi o ŋunbo, Li tie ŋunbisaagili, o ŋunñua yaa biga.

Matie 21:9

Yaa niligu n den ye Jesu liiga leni yaagu n ŋua o puoli kuli den kpaani ki tua: «Dafidi Bijua n baa ti pagidi. U Tienu n seligi yua n kpendi wani o Diedo yaa yeli nni. U Tienu yua n ye hali tanpojoma n baa ti pagidi.»

Marki 11:9

Yaaba n ye Jesu liiga leni yaaba n ŋua o puoli kuli den kpaani ki tua: «Ti pagi U Tienu! U Tienu n seligi yua n kpendi wani Li Miali Diedo yeli nni!

Luki 19:38

Bi den tua: U Tienu n seligi o bado Yua n kpendi wani o Diedo yeli nni. Mi yanduanma n yaa ye tanpoli po. U Tienu yua n ye hali tanpojoma n baa ti kpiagidi.

Jan n diani U Tienu Laabaaliŋamo maama 11:27

Malata den yedi o: «Mm, n Daano, n daani ke a tie *U Tienu n Gandi Yua, U Tienu Bijua, yua n den baa cua ŋanduna nni.»

Jan n diani U Tienu Laabaaliŋamo maama 12:13

Bi den pedi i kpakpa-bensoangi ki ñani ki tuogi o ki kpaani ki tua: «Ti pagi U Tienu. U Tienu n seligi yua n kpendi wani o Diedo yeli nni, Isalele yaaba bado.»

Jan n diani U Tienu Laabaaliŋamo maama 16:14

O baa kpiagi nni, kelima o baa taani min pia yaala ki yaa wangi yi.

Jan n diani U Tienu Laabaaliŋamo maama 4:21

Jesu den yedi o: «Pua, daani n maama po. U yogunu kpendi ke yi kan go yaa kpiagidi yua n tie Baa li naa juali po, yaaka Jelusalema po.

Jan n diani U Tienu Laabaaliŋamo maama 6:14

Bi niba yeni n den laa Jesu n tieni yaa bancianma, bi den yedi: «Moamoani wani n tie o sawalipualo yua n den baa cua ŋanduna nni yeni.»

Jan n diani U Tienu Laabaaliŋamo maama 7:31

Ku niligu siiga boncianla den tuo ki daani o ki tua: «Naani U Tienu n Gandi Yua yaa cua, o go baa tieni yaa bancianma n cie o naa nilo n tiendi yaama bi?»

Hebilunba 10:37

Li diani: «Li go sieni u yogunu waamu bebe, Yogunjenjenga, Ke yua n baa ti cua Baa cua ke li kan waagi.