Matie 10:6 - Gourmanchéma Bible

⁶ «Da gedi mani bi nilanba po, ki da kua Samali yaaba dogi nni mo, ama yin gedi Isalele buolu yaaba po, bani yaaba n tie nani yaa pe n yaadi yeni.

U TIENU MAAMA TILI 2013

⁶ «Da gedi mani bi nilanba po, ki da kua Samari yaaba dogi nni mo, ama yin gedi Isidayeli buolu po, bani yaaba n tie nani yaa pe n yaadi yeni.

Matie 10:6 ပူးပေါင်းရင်းမြစ်များ

Pisomi 119:176

N puagi nani yaa pia n yaadi yeni Cua ki lingi mini a naacemo Kelima mii sundi a bali maama po.

Esayi 53:6

Tikuli den yaadi nani i pe yeni. Yua kuli den tagi wan bua yaa sanu. Ama Li Miali Diedo den tuni wani ti yaa tagili kuli.

Jeremi 50:17

Isalele tie nani i yangbanli n deli yaa pia ke o bodi yeni. Asili bado n kpa dini o. Nebukanesa Babilona bado mo n mudi o kpaba ki juodi.

Jeremi 50:6

N niba den tie yaa yankulu n yaadi. Bi yankpaaba n yen biandi ba Ki pegidi ba a juana po ki caani ba potogu. Bi yen ña li naa juali ki ban puodi juali Ki sundi bi duankaanu po.

Esekieli 34:16

N baa lingi yua n bodi, ki guani yua n yaadi. N baa tieni u ñoagu ki go fini leni li cabili yua yaa taali n kua, ki paagi yua yia mo yaa gbanu. Ama n baa bolini yaaba n pia mi kpama ki go pia u fidu yeni. N baa yaa kpaa ba leni mi*teginma.»

Esekieli 34:4

Yi naa den paagi yaa pe n tadi yaa gbani. Yii den bu yaaba n den yia, ki naa den tieni u ñoagu ki fini li cabili yua yaa taali n den kua. Yi naa den guani yaaba n yaadi, ki naa den lingi yaaba n tadi mo. Ama yi den diedi ba leni u paalu leni ki mabinga.

Esekieli 34:6

N pe yaadi ki ye a joaciama leni a joabila kuli po, ke oba mo ki yagini o yama bipo, oba naa lingi ba.›

Esekieli 34:8

Mini o Diedo, Li Miali Diedo yua n fo, n coagi leni ban fagi n yandi maama po. Bi tua ti fuayandi bonjekaala kelima baa pia yankpaalo po. N yankpaaba ki go den faami n yandi po, ama bi den li nua bi yucela bebe, ki naa kpaa n yandi.

Matie 18:10

Fangi mani yi yula ki da fali a bonwaala na siiga baa yendo, kelima n yedi yi ke tanpoli po bi malekinba ye Baa yua n ye tanpoli nintuali yogunu kuli. [

Matie 18:11

Kelima o *Ja Bijua cua ki baa faabi yaaba n yaadi.]

Luki 24:47

ke bi baa cili Jelusalema na ki yadi ki gedi i nibuoli kuli po ki ban yaa wangi ke bi niba n lebidi bi yama ki baa sugili bi tuonbiadi po.

Jesu Tondiba Tuona 13:46

Polo leni Banabasa den paagi bi pala ki yedi ba: «Li den tie tiladi ke U Tienu maama n kpa pundi yinba yaa kani, ama kelima yi yie yii ga ma, yi nua yi yula ke yii pundi ki baa yaa miali n kan gbeni. Lani yaa po ti baa lebidi ki gedi bi nilanba po.

Jesu Tondiba Tuona 18:6

Ama Jufinba n den nia Polo maama ki sugidi o, o den yoagi o tiadi ki yedi ba: «Yi soama n goa ki wuli yi yula po. Mii pia lienni tagiliba kuli. Dinla liiga n baa caa ki wangi bi nilanbe o Laabaaliŋamo.»

Jesu Tondiba Tuona 26:20

N den kpa wangi Damasa yaaba, ki yuandi ki wangi Jelusalema yaaba, leni Jude yaa diema nni yaaba kuli. N go den wangi bi nilanba moko, ke ban lebidi bi yama ki ŋoadi U Tienu, ki yaa tuuni yaa tuona n doagidi ke bi lebidi.

Jesu Tondiba Tuona 3:26

U Tienu den fiini o naacemo Jesu ki kpa soani o yinba yaa kani ke wan seligi yi ki teni yua kuli n lebidi ki ŋa o tuonbiadi.»

1 Pieri 2:25

Yi den tie nani yaa pe n yaadi yeni, Ama moala yi guani yi yankpaaŋamo kani, Wani yi guudika yaa kani.