Matie 10:1 - Gourmanchéma Bible

¹ Jesu den yini o piiga n ŋoadikaliediba ki dini ba li bali ki puni ba u paalu ban yaa deli ki ñandi mu cicibiadimu mun ye yaaba yaa niinni, ki go yaa paagidi bi niba leni ban pia yaa yianbuoli leni yaa tadinbuoli kuli po.

U TIENU MAAMA TILI 2013

¹ Jesu den yini o piiga n ŋoadikaliediba ki dini ba li bali. O den puni ba u paalu ke ban yaa deli ki ñandi mu cicibiadimu. O go den puni ba u paalu ke ban yaa paagidi bi niba, bi yianbuoli leni bi tadinbuoli kuli po.

Matie 10:1 ပူးပေါင်းရင်းမြစ်များ

Matie 19:28

Jesu den goa ki yedi ba: «N waani yi i moamoani, li bonla kuli yaa goa ki pandi yaa yogunu, ke o *Ja Bijua mo kali o bali kalikaanu po leni ti kpiagidi kuli, yinba yaaba n ŋua nni, yi moko baa kali piiga n bali kalikaani lie po ki jia Isalele piiga n buoliedi buudi.

Matie 26:20

Ku juogu n den baa, o den ka u saajekaanu kani leni bi piiga n niliediba.

Matie 26:47

Jesu n da den maadi, Judasa, yua n den tie bi piiga n niliediba siiga yendo, den pundi o kani. Bi kopadicianba yudanba leni Jufinba nikpeliba den soani yaa niligu n yaba ke bi kukubi mu jugisiemu leni i gbiami ki yegi leni o.

Matie 4:23

Jesu den gaandi Galile diema kuli nni ki kua li *balimaama bangima diena nni, ki bangi bi niba ki wangi ba *U Tienu diema Laabaaliŋamo, ki paagidi bi niba bi yianbuoli leni bi tadinbuoli kuli po.

Matie 6:13

Da tuo tin baa mi tulinma nni. Ama ŋan ga ti o *Biado kani. [Kelima fini n die li bali, leni u paaciamu, Leni ti kpiagidi hali yaa yogunu kuli. Amina.]

Matie 9:35

Jesu den gaandi i dociami leni i dowaali nni kuli, ki bangi U Tienu maama li balimaama bangima diena nni, ki wangi *U Tienu diema Laabaaliŋamo, ki paagidi bi niba bi yianbuoli leni bi tadinbuoli kuli po.

Matie 9:38

Lanwani yin mia mani u jetaagu Diedo wan soani bi tuonsoanba o jetaagu po.»

Luki 10:19

N puni yi u paalu ke yi baa fidi ki yaa ŋmaadi i we leni i nami, ki yaa paani yibali paaciamu kuli. Liba kuli kan fidi ki tieni yi yaala n bia.

Luki 21:15

Kelima mini nba baa ti pa yin baa maadi leni yaa yanfuoma ke yi koanginkaaba siiga baa yendo kan fidi ki nia ki yie ma.

Luki 24:49

Mini nba baa soani yipo n Baa n niani yaala. Ama yin yaa ye mani u naa dogu nni hali tanpoli paaciamu n baa jiidi yipo.»

Luki 6:13

Lan den fii ki fa o den yini o ŋoadikaaba, ki gandi bi siiga nni piiga n niba lie, ki yini ba bi tondiba.

Jan n diani U Tienu Laabaaliŋamo maama 17:2

Kelima a dini o li bali ke o die bi nisaaliba kuli, ke wan pa ŋan puni o yaaba kuli yaa miali n kan gbeni.

Jan n diani U Tienu Laabaaliŋamo maama 3:27

Jan den goa ki yedi ba: «O nilo kan fidi ki baa li bonla li yaa tie U Tienu n puni o yaala yaaka.

Jan n diani U Tienu Laabaaliŋamo maama 3:35

Baa bua Bijua ki dini o li bonla kuli bali ke o die.

Jan n diani U Tienu Laabaaliŋamo maama 6:70

Jesu den goa ki yedi ba: «Naani mini ka den gandi yinba bi piiga n niliediba te? Ama yi siiga nni yendo tie cicibiadiga.»

Jesu Tondiba Tuona 1:8

Ama yi baa baa u paalu U Tienu Fuoma Yua yaa jiidi yipo yaa yogunu, yi baa tie n siedinba Jelusalema nni, Jude po leni Samali kuli, hali ki pundi ŋanduna banlu kuli.»

Jesu Tondiba Tuona 19:15

Ki cicibiadiga den goa ki yedi ba: «N bani Jesu, n bani Polo mo n tie yua, ama yinba, yi tie ŋmenba?»

Mi Doagidima 12:1

Yaa maalicianma n pia li pakili den doagidi tanpoli ki tie mi ne, o pua ke o bobi u yienu nani ti tiadi yeni, ke o taana ŋmaa o ŋmaalo, ki ciibi yaa badifogiliga n pia piiga n ŋmabila lie.