Marki 9:7 - Gourmanchéma Bible

⁷ Ku tawaligu den libini ba, u nialu den maadi ku tawaligu nni ki yedi: «One n tie n Bibuadiga, cengi mani o.»

U TIENU MAAMA TILI 2013

⁷ Ku tawaligu den libini ba, u nialu den maadi ku tawaligu nni, ki yedi: «One n tie n Bibuadiga, cengi mani o!»

Marki 9:7 ပူးပေါင်းရင်းမြစ်များ

Pisomi 2:7

N baa kpaani Li Miali Diedo ñoabonli. O yedi nni: «A tie n bijua. Mini n mali a dinla.

Pisomi 97:2

Ti tawadi leni li *biigili n lindi ki gaani Li Miali Diedo. Mi *teginma leni yaa bujiali n tiegi N tie o bali kalikaanu tanpuuli.

Mi Ñama 24:16

Li Miali Diedo kpiagidi den jiidi Sinayi juali po ku tawaligu den ŋoagini li dana luoba. Li daleleeli daali Li Miali Diedo yua n den ye ku tawaligu niinni den yini Musa.

Mi Ñama 40:34

Laa yogunu ku tawaligu den cua ki yilini u Kadikaanu gbandieli, Li Miali Diedo kpiagidi den gbieni u *kaangagidiŋamu.

Danieli 7:13

N go den laa ku ñiagu bonlekaala yeni niinni ke yua n naani leni o nisaalo ye ti tawadi po ki kpendi ki tiegi o jakpelo yeni ke bi ciani o ke o pundi o kani.

Matie 27:43

O dugi U Tienu po, U Tienu yaa bua o moamoani, wan nan ga o moala. Kelima o den yedi: ‹N tie U Tienu Bijua yo.› »

Matie 27:54

Minteela kobiga yudaano leni yaaba n den taa leni o ki ji Jesu kuli n den laa mi tindigibima leni yaala n tieni kuli, ti jawaandi den cuo ba boncianla, ke bi yedi: «Moamoani, one den tie U Tienu Bijua yo.»

Matie 3:17

Lanyogunu u nialu den maadi tanpoli po ki yedi: «One n tie n *Bijabuadiga, n pali n mani yua yaa po hali boncianla.»

Marki 1:11

Bi den gbadi ke u nialu maadi tanpoli po ki yedi: «A tie n Bibuadiga, n pali mani apo hali boncianla.»

Marki 9:6

Li den tie kelima waa bani wan baa maadi yaala, ti jawaandi n den cuo ba maama po.

Marki 9:8

Lanyogunu bi ŋoadikaaba den diidi ki lindi, baa laa kuli ke toa ye leni ba se Jesu bebe.

Luki 3:22

ke U Tienu Fuoma Yua ñani lipo ke o nannanli naani leni ki kpaajiega ki jiidi ki jagini Jesu po. Bi den gbadi u nialu ke u maadi hali tanpoli po ki yedi: «A tie n *Bijabuadiga, n pali mani apo hali boncianla.»

Jan n diani U Tienu Laabaaliŋamo maama 1:34

N den laa, ki tieni siedi ke wani n tie U Tienu Bijua.»

Jan n diani U Tienu Laabaaliŋamo maama 1:49

Nataneli den goa ki yedi o: «Labi lani n tie Canbaa, fini n tie U Tienu Bijua, fini n tie Isalele yaaba Bado.»

Jan n diani U Tienu Laabaaliŋamo maama 12:28

N Baa, teni a yeli n baa ti kpiagidi.› » Lane u nialu den maadi hali tanpoli po ki yedi: «N teni ke li baa ti kpiagidi no, n go baa teni lin baa ti kpiagidi ki pugini.»

Jan n diani U Tienu Laabaaliŋamo maama 19:7

Jufinba den goa ki yedi o: «Tinba wani pia li *bali maama. Laa bali maama mo yaa po li bili ke li pundi wan kpe, kelima o den yedi ke o tie U Tienu Bijua.»

Jan n diani U Tienu Laabaaliŋamo maama 20:31

Ama yaama n tie na diani ke yin daani ke Jesu tie *U Tienu n Gandi Yua, U Tienu Bijua, ke yi yaa tuo ki daani o, yin baa li miali o yeli nni.

Jan n diani U Tienu Laabaaliŋamo maama 5:18

Laa maama po Jufinba den lingi ki pugidi ki bua ki kpa o. Laa di den tie kelima o miidi mi fuodima daali kuali bebe ka, ama li tie kelima o go tua ke U Tienu n tie o Baa. Lani n tie ke o nua o yuli ke o de leni U Tienu.

Jan n diani U Tienu Laabaaliŋamo maama 5:37

Baa yua n den soani nni yeni, wani oba moko tieni npo siedi. Yi daa gbadi o nialu, yi daa laa o mo.

Jan n diani U Tienu Laabaaliŋamo maama 6:69

Tinba wani daani ki bani cain ke fini n tie U Tienu Nigagidika.»

Jan n diani U Tienu Laabaaliŋamo maama 9:35

Jesu den gbadi ke bi deli ki ñani o. Wan den tuogi o o den buali o: «Naani a daani o *Ja Bijua bi?»

Jesu Tondiba Tuona 1:9

Jesu n den yedi yeni, o den doni ban se ki nua o yaa yogunu. Ku tawaligu den doagini o bi nuni po.

Jesu Tondiba Tuona 7:37

Wani Musa tie yua n den yedi Isalele buolu yaaba: ‹U Tienu baa fiini yi siiga o sawalipualo yua n tie nani mini.›

Jesu Tondiba Tuona 8:36

Ban den ŋua bi sanu ki suagi liiga, bi den pundi mi ñima kani. Ki moagiliga den yedi: «Diidi mi ñima nna. Be n yie npo ke min da batisi?» [

LOMA YAABA 1:4

Ama li doagidi leni U Tienu Fuoma Yua paaciamu po, ke o tie U Tienu Bijua kelima o fiima bi tinkpiba siiga yaa po. Wani n tie ti Diedo Jesu Kilisiti.

Hebilunba 2:1

Lani yaa po li pundi tin fangi ti yula ki cie mi kpiama ki kubi tin den gbadi yaa maama bonŋanla, ke tin da ti yaadi ki ŋa ma.

2 Pieri 1:17

O den baa ti jigidi leni ti kpiagidi U Tienu yua n tie Baa yaa kani. Li tie yaa yogunu ke u nialu den ñani U Tienu bali kpiagidi nni ki yedi: «One n tie n *Bijabuadiga, n pali n mani yua yaa po hali boncianla.»

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.

Mi Doagidima 1:7

Diidi ki le mani, O kpendi ti tawadi nni, Nunbu kuli baa le o, Baa yaaba n den muu o. Ŋanduna nibuoli kuli Baa buudi kelima opo. Yeni n yeni, Amina!