Marki 8:34 - Gourmanchéma Bible

³⁴ Lani Jesu den yini ku niligu ke ku nagini o kani ki taani leni o ŋoadikaaba ke o yedi ba: «Yua n bua ki yaa ŋua nni kuli, wan yie o yuli ki taa o *dapoanpoanli ki bugi ki nan yaa ŋua nni.

U TIENU MAAMA TILI 2013

³⁴ Lani, Jesu den yini ku niligu ke bi nagini o kani ki taani leni o ŋoadikaaba ke o yedi ba: «Yua n bua ki yaa ŋua nni kuli, wan yie o yuli, ki taa o dapoanpoanli ki bugi, ki nan yaa ŋua nni.

Marki 8:34 ပူးပေါင်းရင်းမြစ်များ

1 Bi Badiba 14:8

N fie mi diema Dafidi buolu yaaba kani ki teni a. Ama ŋaa tua nani n naacemo Dafidi yua n den kubi n ñoabona, ki ŋoadi nni leni o pali kuli, ki li tiendi yaala n tiegi npo bebe.

Mi Coadima 14:24

Ama nani n naacemo Kalebi n den pia yantiatoali ki den ŋoadi n sanu bonŋanla yeni, lani yaa po n baa teni wan kua wan den gedi yaa diema nni yeni po, o puoliŋuani mo n diedi ma.

Matie 10:38

Yua kaa taa o *dapoanpoanli ki bugi ki ŋua nni, waa pundi ki yaa tie n ŋoadika.

Matie 16:24

Lani Jesu den yedi o ŋoadikaaba: «Yua n bua ki yaa ŋua nni kuli, wan yie o yuli ki taa o *dapoanpoanli ki bugi, ki nan yaa ŋua nni.

Matie 27:32

Ban den caa, bi den tuogi Silena dogu yua ke o yi Simono, ki tieni u paalu ke o bugi Jesu dapoanpoanli.

Marki 10:21

Jesu den diidi o ki bua o ki yedi o: «Bonyenla n poadi a kani. Gedi ki ban kuadi ŋan pia yaala kuli ki pa la a luoda, lane a baa baa ŋalimani tanpoli po. Li yaa puoli ŋan cua ki ŋoadi nni.»

Marki 7:14

Jesu go den yini ku niligu ke ku nagini o kani ke o yedi gu: «Yikuli n cengi mani nni ki bandi line.

Luki 13:24

«Moandi mani ki kua yaa buliñoabu n miabi kani, kelima n tuodi ki waani yi ke bi niba boncianla baa ti moandi ki baa kua lankani ki nan kan fidi.

Luki 14:33

Li tie yeni, yi siiga yua n ki ŋa wan pia yaala kuli, kan tua n ŋoadika.

Luki 18:22

Jesu n den gbadi lani o den yedi o: «Bonyenla n da go poadi a po. Ŋan kuadi ŋan pia yaala kuli, ki boagidi a luoda li ligi, lane a baa pia ŋalimani tanpoli po. Lani ŋan cua ki ŋoadi nni.»

Luki 20:45

Ku niligu kuli n den cengi, Jesu den yedi o ŋoadikaaba:

Luki 9:23

Lani Jesu den yedi bi niba kuli: «Yua n bua ki yaa ŋua nni kuli, wan yie o yuli, ki yaa bugi o *dapoanpoanli daali kuli ki nan yaa ŋua nni.

Jan n diani U Tienu Laabaaliŋamo maama 10:27

N yaa pe cengi n nialu. N bani ba, bi mo ŋua nni.

Jan n diani U Tienu Laabaaliŋamo maama 19:17

Jesu den bugi o dapoanpoanli, ki ñani u dogu nni ki ban caa ban yi yaa kaanu “ku Yukuokuogu kaanu”. Ebilu maama nni bi yi u Goligota.

Jesu Tondiba Tuona 14:22

I kaani kuli bi den paagidi yaaba n daani pala, ki tundi ba ke ban yaa se bonŋanla li dandanli nni, ki tua ba: «Li tie tiladi tin kpa le fala boncianla ki baa ki kua *U Tienu diema nni.»

LOMA YAABA 6:6

Ti bani ke bi den joani ti tagikpelu leni Kilisiti li *dapoanpoanli po ke u kpe, ke ti gbanankpiadi, ti tuonbiadi n die yaadi, kan go fidi liba, ke tin da go tie ti tuonbiadi yonbi.

LOMA YAABA 8:17

Ti yaa tie U Tienu bila, ti go tie bi faajieba moko, ti tie U Tienu faajieba, ki baa taani leni Kilisiti ki je li faali. Kelima ti yaa taani leni Kilisiti o fala nni, ti go baa taani leni o o kpiagidi nni moko.

1 Korenti 15:31

N kpiiba li tie moamoani ke n ye mi kuuma nni daali kuli nani lan tie ke n pia li pamancianli ti Diedo Jesu Kilisiti kani kelima yi yaa po maama.

1 Korenti 8:13

Lanwani jiemaba yaa baa guli n kpiilo, n kan go je laa jiema hali abada, ke min da guli n kpiilo.

1 Korenti 9:19

Baa ke n die n yuli kaa tie oba kuli naacemo, n puni n yuli ki tua bi niba kuli naacemo, ki baa dadi min fidi yaa bianu kuli ban cua o Diedo kani.

Galati 2:20

Lanwani laa go tie mini yua n ye ki fo, li tie Kilisiti yua n ye ki fo n niinni. Min pia yaa miali n gbanandi nni moala, n pia li kelima n dugi wani U Tienu Bijua po, wani yua n den bua nni ki puni o yuli ki kpe npo.

Galati 5:24

Yaaba n tie Kilisiti yaaba joani ti gbanandi leni ti yantiali leni ti bonbuakaala li dapoanpoanli po.

Galati 6:14

Ama mini, n kan tuo ki kpiagi n yuli bontoala kuli po, kali ti Diedo Jesu Kilisiti dapoanpoanli. Kilisiti n den kpe li dapoanpoanli po yeni, ŋanduna bonla kuli tie npo nani li kpe, n moko tie nani n kpe ŋanduna bonla kuli po yeni.

Filipi 3:10

Min bua yaala tie min bandi wani Kilisiti, leni o fiima bi tinkpiba siiga paalu, ki go taani leni o o fala nni, ki yaa naani leni o o kuuma nni,

Filipi 3:7

Ama min den nua yaala ke li tie npo bonmoanla yeni kuli, n di nua likuli ke li tie bonfanla kelima Kilisiti yaa po.

Kolosi 1:24

N mangidi n pali moala leni min laadi yipo yaa fala. N tiendi yeni ke min gbieni n gbanandi nni yaala n poadi Kilisiti yaa fala o gbanandi nni, yaadi n tie wan n yini yaaba po.

Kolosi 3:5

Lanwani yin kpa mani ŋanduna bonbuaka-biadila yaala n die yi gbananbuoli nni, mi conconma leni ti cagindi buoli kuli, leni ti gbanandi bonbuaka-biadila, leni yaala n *joagini yaa buama kuli, leni mi ŋalimanbuama, yaala n tie nani i *buli ŋoadima yeni.

2 Tesaloniki 3:11

Ti maadi yeni kelima ti gba ke yi siiga bi nitianba yie kaa tuuni tuonliba kuli, ama ki goadi leni bu tingbangbaabu.

Titi 2:12

Li bangi ti ke tin paadi leni U Tienu yiema leni ŋanduna bonbuakaala, ki yaa ye ŋanduna na niinni leni li yantiaŋanli, ki tiendi yaala n tiegi, ki fangi U Tienu,

Hebilunba 13:13

Lanwani tin ña mani ki gedi o kani li nagili niinpo, ki taani leni o o fe nni.

1 Pieri 4:1

Lanwani, kelima Kilisiti n den laa fala o gbanandi nni yeni, yi mo n bogini ki sedi leni laa yantiali, kelima yua n laa fala o gbanandi nni paadi leni ti *tuonbiadi.

1 Pieri 4:13

Ama yin yaa mangidi mani yi pala leni yin taani leni Kilisiti o fala nni, ke o kpiagidi yaa doagidi yaa yogunu yi moko n yaa ye leni li pamankandikaali.

2 Pieri 1:14

kelima n bani ke n baa ña n gbandieli yeni niinni ke li kan go waagi, nani ti Diedo Jesu Kilisiti n den doagidi npo maama.

1 Jan 3:16

Line n teni ke ti bani mi buama n tie yaala: Lan tie ke Jesu Kilisiti den puni o miali ti yaa po. Li pundi ti mo n yaa puuni ti miana ti kpiiba po.

Mi Doagidima 2:10

Ŋan da jie ŋan baa ti le yaa fala. Cengi, li kan go waagi ke ku *tuotabigu yudaano baa kuani yi siiga bi nitianba li kpaadidieli nni, lan tua yipo mi biigima. Bi baa waani yi fala dana piiga. Ŋan yaa tie nidugika hali mi kuuma. Lani, n baa pa ŋa li miali yaa badifogiliga.