Marki 4:34 - Gourmanchéma Bible

³⁴ Waa den maadi leni ba kaa pua mi kpanjama. Ama wani leni o ŋoadikaaba yaa den piadi ki ye bi bebe, o yen bundi bipo mikuli.

U TIENU MAAMA TILI 2013

³⁴ Waa den maadi leni ba kaa pua mi kpanjama. Ama wani leni o ŋoadikaaba yaa den piadi ki ye bi bebe, o yen bundi bi po mikuli.

Marki 4:34 ပူးပေါင်းရင်းမြစ်များ

Matie 13:34

Jesu den waani ku niligu laa bonla kuli leni mi kpanjama. Waa den maadi leni ba kaa pua kpanjama.

Marki 4:10

Jesu den foagidi leni ku niligu, yaaba n ŋua o leni bi piiga n niliediba den buali o mi kpanjama yeni bundima.

Marki 4:33

O den pua kpanjatoama boncianla yaama n naani leni yaama n tie na, ki wangi bi niba o Laabaaliŋamo nani ban baa fidi ki ga maama.

Luki 24:27

Lani Jesu den cili leni Musa yaa maama ki pundi bi sawalipuaba yaa maama ki bundi bipo i Diani nni kuli yaala n den maadi o yaa po.

Jan n diani U Tienu Laabaaliŋamo maama 10:6

Jesu den pua ba laa kpanjama, ama baa den bandi wan maadi ba yaala.

Jan n diani U Tienu Laabaaliŋamo maama 16:25

N maadi yi lankuli leni mi kpanjama. Ama u yogunu kpendi ke n kan go pua kpanjama ka ki maadi leni yi. N baa maadi yi n Baa maama fuuli lan doagidi.

Jesu Tondiba Tuona 28:23

Bi den bili ban baa goa ki taani yaa daali. Li daali n pundi bi tianba den taani wan cani naani ki yaba. Bi den cua ku tiŋaagu ke Polo den maadi leni ba ki yaa caa hali ku yenjuogu, ki bundi bipo ki tieni siedi ke *U Tienu diema pundi. O den togidi ba yaala n diani Musa *balimaama nni leni bi sawalipuaba yaa tila nni ki maadi Jesu maama fuuli, ki moandi ki baa dadi bi yama ban tuo ke Jesu maama tie moamoani.