Marki 4:19 - Gourmanchéma Bible

¹⁹ ama mi yema yanyagidi, leni mi ŋalimani boandi, leni bonbuakatoala kuli yen taani ki je mi maama, ki teni ke mi kan luoni pu.

U TIENU MAAMA TILI 2013

¹⁹ ama mi yema yanyagidi, ŋalimani boandi leni bonbuakatoala kuli yen taani ki je U Tienu maama yeni, ki teni ke mi kan luoni puu.

Marki 4:19 ပူးပေါင်းရင်းမြစ်များ

Mi Kpanjama 23:4

Da duoli a yuli ke a bua ŋalimani Cedi ki da kpaagi lipo boncianla.

Mi Kpanjama 23:5

Naani a nudi a nuni ki baa le mi piame? Pu kuli ki go ye, Kelima mi baa pa i fiabi, Mi baa yugi nani jiebani yeni ki kua ti tawadi nni.

O Yanfuodaano 4:8

A baa le nilo ke o ye obebe, waa pia lielo, waa pia biga, waa pia naataanu, ama ki nan tuuni o kan cedi. O li bua ki yaa baadi mi piama ki pugide, baa ke o buali o yuli wan tuuni yua yaa po ki naa tiendi liba kuli ki mangidi o pali. Lani moko tie fanma, yanyagikuondi.

Esayi 5:2

O den ŋanbi ki tinga, ki ñani a tana, Ki baa yaa tiidi n ŋani ki ŋu. O den maa li diefoagili u kuanu siiga, Ki den gbini u datuodikaanu, Ki sugini ke duven tiidi baa luoni li bonluonkaala. Ama li den loni yaa bonluonkaala n bedi.

Esayi 5:4

N go baa fidi tieni be yo n duven tiidi kuanu po Ke n daa tieni la? Be yaa po yo ke n den sugini ke u baa luoni Yaa bonluonkaala n ŋani ke u fii ki loni npo bonyuodi?

Matie 13:22

Yi n den baa ti konkondi nni tie nani yua n gbadi mi maama, ama ŋanduna yema yanyagidi leni ŋalimani boandi kuli dini ma ki teni ke maa luoni pu.

Matie 19:23

Lane Jesu den yedi o ŋoadikaaba: «N waani yi i moamoani, li baa pa boncianla o piado po wan kua tanpoli diema nni.

Matie 3:10

Baa moala bi caani li yali i tijiini po. Yaa tibu n ki luoni yaa bonluonkaala n ŋani kuli, bi baa pedi bu ki lu mi fantama nni.

Marki 4:18

Bi nitianba mo tie nani yaa bonbi n baa ti konkondi nni yeni. Bani mo n tie yaaba n gbadi mi maama,

Luki 10:41

O Diedo den goa ki yedi o: «Malata, Malata, a yagini a yama ki cuoni ki lindi li bonla boncianla po.

Luki 21:34

Fangi mani yi yula, ki da tuo mi jekandikaama leni li dañokandikaali leni mi yema yanyagidi n fie yi yantiana ki guli yi ke laa daali n da cua ki ludi yi.

Jan n diani U Tienu Laabaaliŋamo maama 15:2

Yaa benu n tuugi leni nni ki naa luoni kuli, o pedi u. Yaa benu n luoni mo kuli, o kpendi ki ŋanbidi u wun yaa luoni ki pugidi.

LOMA YAABA 12:2

Da taa mani leni ŋanduna na niinni yaaba, ama yi yantiana pandima n teni yin lebidi ke yin fidi ki gagidi ki bandi U Tienu yanbuama, lani n tie yaala n ŋani, ki mani opo, ki go dagidi cain.

Efesa 2:2

Laa yogunu yi den ŋua ŋanduna na yema sanbiadu, leni mi fawaama nni paaciami bado, yua yaa yantiali n tuuni yaaba n yiedi U Tienu yaa pala nni.

Efesa 6:12

Kelima tii koani leni yaa yibalinba n pia ti gbanandi leni mi soama ka. Ama ti koani leni li bali danba len i paaciami danba leni yaaba n die li *biigili ŋandunli, ki tie yaa cicibiadimu n ye mi fawaama nni.

Filipi 4:6

Yin da yagi mani yi yama bonlaba kuli po. Ama li bonla kuli yaa po, yin waani U Tienu yin luo yaala, ki yaa jaandi ki miadi ki go tuondi o.

1 Timote 6:17

Ŋan tundi yaaba n tie a piada ŋanduna na niinni ke ban da pia ti japaadi, ki da piani bi yula bi piama po, yaama n naa pia dugidi. Ama ban piani bi yula U Tienu po, wani yua n puuni ti li bonla kuli ke li kandi, ki bua tin mangi ti pala lipo.

2 Timote 4:10

kelima Demasa den ŋa nni kelima o bua yaa jamaano tie na yaa bonla, ki gedi Tesalonika. Kilesa fii ki gedi Galati, Tita mo fii ki gedi Dalimati diema.

2 Pieri 1:8

Kelima laa bonŋanla yaa ye yi niinni ki pugidipugidi, li baa teni yin yaa tuuni, ki go teni yin yaa kpedi ti Diedo Jesu Kilisiti yaa bandima nni ki pugidi.

Jude 1:12

Li tie bani n *joagini yin n taani leni yi kpiiba ki di yaa jiema. Lankane bi yen di ki go ñu ke li pendi, kaa jie fe, ki nua bi yaa yula bebe. Bi tie nani u faalu n tudi yaa tawala ke ŋaa pia ñima yeni. Bi go tie nani li fali yaa tiidi n naa loni baa i yogunu, ama ki kuodi ki kpe ke bi ŋabi i yeni.