Marki 2:8 - Gourmanchéma Bible

⁸ Lanyogunu Jesu den bandi o pali nni ban bungi yaala bi pala nni ki buali ba: «Be n teni ke yi bungi yi pala nni yeni?

U TIENU MAAMA TILI 2013

⁸ Lanyogunu Jesu den bandi o pali nni, ban bungi yaala ki buali ba: «Be n teni ke yi bungi yi pala nni yeni?

Marki 2:8 ပူးပေါင်းရင်းမြစ်များ

1 Bi Badiba Jama 29:17

N Tienu n bani ke a biigidi li pali ki bua mi *teginma. N puni ŋa yaa paabu n tie ne kuli leni ti bulicindi leni ku yantugupiengu. N go laa moala leni li pamanli a niba yaaba n ye nekanba n puni a bi paabu leni yaa bulicindi.

Pisomi 139:2

A bani n kalima leni n fiima. A tuodi ki bani n yanjaga kuli ke li da foagi.

Mi Kpanjama 15:26

Li Miali Diedo nani a yantiabiada, Ama o bua mi papienmaama.

Mi Kpanjama 24:9

O yanpiidaano bontienkaala kuli tie tagile, O ñuañuado mo tie bi niba kuli n yie yua.

Esayi 55:7

O nibiado n ŋa o tagu Fanma miali mo n ŋa o yantiajoagindi, Ki lebidi ki goa Li Miali Diedo kani Yua n baa gbadi opo mi niñima, Leni ti Tienu yua n puuni sugili leni ti bulicindi kaa cedi yeni kani.

Esekieli 38:10

O Diedo, Li Miali Diedo yedi mi ne: Laa daali yaa pundi, A pali nni baa baa a yankpaaga boncianla Ŋan jagi ke a baa tieni yaala n bia.

Matie 12:15

Ama Jesu den bandi la ki ñani likani. Bi niba boncianla den ŋua o. O den paagi a yiama kuli,

Matie 16:7

Bi ŋoadikaaba den bungi bi pala nni: «Li tie kelima tin ki taa dupen yeni yaa po yo.»

Matie 9:4

Jesu den bani ban maliti yaala, ki yedi: «Be n teni ke yi maliti yaala n bia yi yama nni yeni?

Marki 2:7

«Be n teni ke one maadi nanda? O sugidi U Tienu. Wani U Tienu bebe yaaka, ŋme n baa fidi ki pa bi niba bi tuonbiadi sugili?»

Marki 2:9

Be n dingi ki cie, ki yedi yua yaa gbanandi n kpe: ‹A baa a tuonbiadi sugili,› bi: ‹Fii ki taa a kaagu ki yaa cuone?›

Marki 7:21

Kelima o nisaalo pali nne ke ti yanmaalibiadi ña. Lani n tie: Mi *conconma buoli kuli, bu subu, mi kukpama, mi ŋalimanbuama, ku tugutongu, i janbi, ki puuni bi yula ti tuonjoagindi tienma po, ki pia li nunponbiadili leni ti sugidi leni ti japaadi leni mi yanpiima kuli.

Luki 24:38

Jesu den yedi ba: «Be n teni ke yi yama yagi yeni, be yaa po ke yi pia laa yanmaalibuolu yi pala nni?

Luki 5:22

Jesu den bani ban bungi yaala, ki goa ki yedi ba: «Be n teni ke yi bungi yi pala nni yeni?

Luki 6:8

Jesu den bani ban bungi yaala ki yedi yua yaa nuu n faani: «Fii ki sedi siiga nne.» O den fii ki sedi.

Jan n diani U Tienu Laabaaliŋamo maama 21:17

Jesu go den buali o mi tataama: «Jan bijua Simono, a sua ke a bua nni bi?» Li den biidi Pieli pali ke Jesu buali o taalima taa: «A sua ke a bua nni bi?» Lane o den yedi o: «N Diedo, a bani li bonla kuli, a bani ke n bua ŋa.» Jesu den yedi o: «Ŋan yaa kubi n pe.

Jan n diani U Tienu Laabaaliŋamo maama 6:64

Ama yi siiga nni nitianba ki tuo ki ŋoadi ma.» Jesu den yedi yeni kelima o den bani hali mi cilima yaaba n ki daani o, leni yua n baa janbi o n tie yua.

Jesu Tondiba Tuona 5:3

Pieli den yedi o: «Ananiasa, be n teni ke Sutaani gbieni a pali ke a pua U Tienu Fuoma Yua mi faama ki kubi u kuanu yeni ligi boagidima?

Jesu Tondiba Tuona 8:22

Lani yaa po ŋan biidi a pali a yanjagibiadili po ki ŋa li ki mia o Diedo li yaa baa tuo wan pa ŋa sugili ŋan pia yaa yanmaalima po.

Hebilunba 4:13

Tagimaba kuli ki wuo U Tienu nuni po, likuli ye mubima ki doagidi cain o nuni po, tin baa togidi wani yua ti tuona kuli.

Mi Doagidima 2:23

N go baa kpa o bila. Lanwani Kilisiti n yini yaaba nitaana kuli baa bandi ke n tie yua n nua bi niba yantiana leni bi pala kuli, ki go baa pa yi siiga yua kuli o panpaani nani wan tieni maama.